मत्ती 5:19 - राना थारु नयाँ नियम

¹⁹ जहेमारे जौन जे आज्ञा मैसे सबसे छोटोसे छोटो आज्ञा मैसे कोइ उलंघन करैगो, और आदमीनके उइसी करनके सिखए हए, बो स्वर्गको राज्यमे सबसे छोटो कहोजाबैगो; पर जौन कोइ उनके पालन करैगो और उनके सिखए हए, बेहीं स्वर्गके राज्यमे बडो कहेजामंगे।

परमेस्वर को सच्चो वचन

¹⁹ तौ जो कोई जे छोटी से छोटी आग्यन मैं से कोई एक कै तोड़ै, और बैसिये लोगन कै सिखाबै, बौ स्वर्ग के राज्य मैं सबसे छोटो मानो जागो; लेकिन जो कोई उनको पालन करैगो और उनकै सिखागो, बहे स्वर्ग के राज्य मैं महान मानो जागो।

मत्ती 5:19 Referans Kwoze

मत्ती 28:20

और बिनके सब आज्ञा जो मए तुमके दओ हओं, माननके सिखाओ और देखओ, मए संसारको अन्त तक सब दिन तुमर सँगमे हओं।”

मत्ती 11:11

नेहात्तओ, मए तुमसे कहात हओं, जा दुनियामे जन्मो आदमी मैसे बप्तिस्मा देन बारो यूहन्नासे महान और कोइ नाए हए। तहुँफिर स्वर्गको राज्यमे जो सबसे छोटो हए, बप्तिस्मा देन बारो यूहन्ना इनसे महान हए।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

प्रकाश 2:20

पर तिर बिरुद्धमे मिर जा गुनासो हए: तए बो बैयर ईजेबेलके झुठो शिक्षा फैलान देतहए। बो कहात हए, “मए एक अगमबक्ता हओं” पर बक शिक्षा मेरे आदमीनके यौन पापमे भाग लेन और मूर्तिके बलि चढाओ भओ खानु खान लगात हए।

रोमियों 6:15

काहेकी हम नियम कानुनके अधिनमे नाए, पर परमेश्वरके अनुग्रहके अधिनमे हएं, जहेमारे हमके पाप नाए करन चाहो।

1 तिमोथी 6:11

पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

रोमियों 6:1

तओ हम का कहामएं? कि परमेश्वर अपने अनुग्रहके कारण हमर पापनके क्षमा करत हए। पर हम अइसे नाए सोँचएं, कि हम पाप करतए रहामएं।

1 पतरस 5:4

जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।

लूका 11:42

पर फरिसीनको समुहओ, परमेश्वर तुमके दण्ड देहए! काहेकी तुम पुदिना, उर्द और हरेक जडीबुटीको दसंस देत हओ, पर न्याय और परमेश्वरको प्रेमको वास्ता नाए करत हओ। पर अच्छो जामे रहए, कि तुम न्याय और परमेश्वरके प्रेम करतए रहिते, और दसंस फिर देन नाए छुणते।

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

रोमियों 3:8

कुछ आदमी जा कहिके हाम्रे उपर दोष लगान सिकत हएं, “आओ हम बुरे काम करएं, ताकी जासे अच्छाइ निक्रए।” जो आदमी मेरे बारेमे अइसियए बात कहात हएं, बे दण्ड पानके लायक हएं।

प्रेरित 1:1

प्रिय थियोफिलस, मिर पहिलो किताबमे मए तुमके बे सब बातके बारेमे बताओ जो येशू करन और कहानके सुरु करी।

लूका 9:48

और बिनसे कही, “जौन मिर नाउँमे जा बालकाके ग्रहण करैगो, बो मोके ग्रहण करैगो, जौन मोके ग्रहण करैगो, बो मोके पठान बारोके ग्रहण करैगो। काहेकी तुमर मैसे जौन सबसे छोटो हए, बहे बडो हुइहए।”

लूका 1:15

काहेकी बो प्रभुके अग्गु महान होबैगो; और बो दारु और कुछु फिर नसा लगन बारी चीज नाए पिबैगो, और पहिलीसे अपनी अइयाके गरबसे बो पबित्र आत्मासे भरो होबैगो।

मत्ती 20:26

तुमर बीचमे अइसो नाए होबए, पर जौन तुमर बीचमे बडो होनके इच्छा करत हए, बो सबको सेवक बनए।

1 यूहन्ना 3:4

अगर कोइ पाप काम करन नाए छोडत हए कहेसे बो परमेश्वरको नियम कानुनके पालन करनसे अस्वीकार करत हए, और पाप करनो कहोक नियम कानुनके भंग करनो हए।