मत्ती 4:23 - राना थारु नयाँ नियम

²³ और येशू सब गालील परदेशमे फिरत रहए, तओ येशू बिनके यहूदी सभाघरमे शिक्षा देत, परमेश्वरको राज्यको अच्छो समाचार परचार करत, और आदमीमे भए सबए रोग और शरीरके कमजोरी अच्छो करी।

परमेस्वर को सच्चो वचन

²³ ईसु गलील परदेस मैं यहूदि सभाघरन मैं स्वर्ग के राज्य को सुसमाचार को उपदेस देतो और सब तरह के रोग और बिमारन कै चंगो करत भै घूमन लगो।

मत्ती 4:23 Referans Kwoze

मत्ती 9:35

तओ येशू और बाके चेला गालील परदेशके सहर और गाउँ हुइके गए, और यहूदी सभाघरमे शिक्षा देत रहएं। और परमेश्वरको राज्यको अच्छो समाचार परचार करतए सब आदमीनको रोग और बिमारनसे अच्छो करत रहएं।

मर्कूस 1:39

तब्ही गालील परदेशके बहुत गाउँमे यहूदी सभाघरमे परचार करत और भुतनके निकारत येशू और बाके चेला गए।

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

लूका 7:22

तओ येशू बिनसे कही, “जाओ, और जो तुम देखे और सुने, जाएके खबर पुगान बारो यूहन्नासे कहीदेओ; अन्धरा मनै देखन बारे हुइगए हएं, लंगणा मनै नेँगत हएं, कोढ रोग लागे मनै अच्छे हुइगए हएं, बहिरा मनै सुनन बारे हुइगए हएं, मरे भए मनै जिन्दा हुइके उठे हएं, और गरीबके अच्छो समाचार परचार करोजाए रहोहए।

मत्ती 11:5

अन्धरा देखन बारे हुइगए हएं, और लंगणा नेगत हएं। कोढ रोग लागे अच्छे हुइगए हएं, बहिरा सुनन बारे हुइगए हएं, मरे भए आदमी जिन्दा हुइके उठे हएं, और गरीबनके अच्छो समाचार परचार करोजाए रहोहए।

मत्ती 13:54

और अपन सहरमे आएके बा उनके यहूदी सभाघरमे बिनके शिक्षा दइ, और जा शिक्षा सुनके छक्क पणे और बे कहीं, “इनके जा बुद्धि और शक्तिशाली चमत्कार करन बारो शक्ति कहाँसे मिलो हए?

मर्कूस 1:21

तओ येशू और बाके चेला कफर्नहुम सहरमे गए। जब दुस्रो पबित्र दिन आओ, यहूदी सभाघरमे घुसके येशू शिक्षा देन लागो।

रोमियों 10:15

और कोइ आदमी परमेश्वरके बारेमे बतानसे पहिले बो आदमीके पठान चाहो। जहेमारे पबित्र-शास्त्र कहात हए, “अच्छो समाचार परचार करन बारेनको पाउँ कित्नो सुथ्रो हए!”

लूका 8:1

कुछ दिन पिच्छु येशू बजार-बजार और गाउँ-गाउँ होत परचार करत रहए, और परमेश्वरको राज्यको अच्छो समाचार परचार करत फिरन लागो, और बे बाह्र चेला येशूके सँगए-सँग रहएं।

मर्कूस 6:2

पबित्र दिनमे, बा यहूदी सभाघरमे बचनसे आदमीनके शिक्षा देन लागो। बाको शिक्षा सुनन बारे बहुत जनै अचम्मो पणके पुछीं, “जा आदमी जे बात कहाँसे सिखो? जाके अइसो ज्ञान और अइसो शक्तिशाली चमत्कार करनके कहाँसे मिलो?

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

मत्ती 12:9

हुवाँसे निकरके येशू बिनको यहूदी सभाघरमे गओ।

यूहन्ना 18:20

येशू बोके जबाफ दइके कही, “मए सबसे खुल्मखुल्ला रुपसे बात कहो हओं। मए यहूदी सभाघर और यरूशलेमको मन्दिरमे रोज शिक्षा दओ, जहाँ सब यहूदी समुह इकट्ठा होए करत हएं। और मए गुप्तमे कुछु शिक्षा नाए दओ हओं।

लूका 13:10

पबित्र दिनमे येशू एक यहूदी सभाघरमे शिक्षा देत रहए।

लूका 9:11

तओ जा पता पाएके भिडके आदमी येशूके पिच्छु लागी। बा बिनके स्वागत करी, और परमेश्वरके राज्यके बारेमे सुनाइ, और जौन-जौनके अच्छो होन जरुरी रहए, बिनके बा अच्छो करी।

लूका 5:17

और एक दिन अइसो भओ, कि येशू शिक्षा देत रहए, तओ फरिसीनको समुह और नियम कानुन सिखान बारे हुवाँ बैठे रहएं, जौन गालील परदेशके और यहूदिया परदेशके सब गाउँसे और यरूशलेम सहरसे आए रहएं। और बिमारीसे अच्छो करनके, प्रभुको महान शक्ति येशूके सँग रहए।

मर्कूस 6:6

येशू बिनको अबिश्वास देखके अचम्मो पणो। तओ येशू आसपिसके गाउँ गाउँमे शिक्षा देत जान लागो।

मर्कूस 3:10

बा बहुतनके अच्छो करी, बहेमारे रोग लागेभए सब बाके छुमएं करके ढकेलीढकेला करत रहएं।

मर्कूस 1:14

कुछ दिन पिच्छु, बप्तिस्मा देन बारो यूहन्ना पकणिगओ, और जेलमे पणिगओ, तओ पिच्छु परमेश्वरको राज्यके बारेमे आदमीनके अच्छो समाचार परचार करत येशू गालील परदेशमे आओ।

प्रेरित 20:25

अब देखओ, मए जानत हओं, कि तुम मैसे सब जनै जौन-जौनके मए परमेश्वरको राज्यको परचार करत नेँगो, तुम मोके दुबरा नाए देखैगे।

प्रेरित 18:4

पावल हरेक पबित्र दिनमे यहूदीनको यहूदी सभाघरमे जाएके यहूदी और ग्रीक देशके, येशू ख्रीष्टमे बिश्वास करनके ताहीं सम्झानके कोसिस करत रहए।

यूहन्ना 6:59

जे बात येशू कफर्नहुम सहरको यहूदी सभाघरमे शिक्षा देत पेती कही रहए।

लूका 10:9

हुवाँ भए रोगीनके अच्छो करीयओ, और बिनसे कहियओ, ‘परमेश्वरको राज्य ढिँगै आइगओ हए।’

लूका 6:17

येशू बिनके सँग डाँगासे तरे उतरके एक बंगरामे ठाणो। येशूके चेलनको बणी भिड, और गालील परदेशसे सारा यहूदिया परदेश और यरूशलेम सहर, और समुन्दरके आसपिसके टुरोस सहर और सिदोन सहरको इलाकासे बणी भिड,

मत्ती 14:14

जब येशू किनारे पुगो तओ बहुत बणी भिड देखके बो बिनके डहा करी, और बो बिमारीनके अच्छो करी।

मत्ती 13:19

डगर घेन बुए बीज बेही हएं, जब कोइ परमेश्वरको बचन सुनत हए, और सो बुझत नाएहए, तओ शैतान आतहए और बक ह्रदयमे जो बुओ रहए सो छिनाएके लैजात हए।

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

यूहन्ना 7:1

तओ पिच्छु येशू गालील परदेशको क्षेत्रमे घुमफिर करी। बा यहूदिया परदेशमे जानके नाए चाही, काहेकी यहूदी समुह बाके मारनके ताहीं दाउमे रहएं।

लूका 20:1

एक दिन यरूशलेमको मन्दिरमे येशू आदमीके शिक्षा देत रहए, और बिनके अच्छो समाचार परचार करत रहए। यहूदी अगुवनको समुहके सँग मुखिया यहूदी पुजारी और मोशाको नियम कानुन सिखान बारे येशूके ठिन आए,

लूका 4:14

येशू पबित्र आत्माको शक्तिमे परमेश्वरको राज्यके बारेमे आदमीनके अच्छो समाचार परचार करत येशू गालील परदेशमे गओ, और बाके बारेमे आसपासके सब ठाउँमे परचार हुइगओ।

लूका 6:6

दुस्रो पबित्र दिनमे, यहूदीनको सभाघर भितर घुसके, येशू शिक्षा दइ। हुवाँ एक जनै आदमी रहए, बोको दहिना हात सुखो रहए।

लूका 7:21

बहे समयमे येशू गजबनको रोग, व्यथा और भुतसे छुटकारा दइ, और बहुत अन्धरा मनैनके देखन बारो बनाइ।

लूका 9:60

येशू बोसे कहीं, “जौन आदमी मरो आदमी कता हए, उनके अपन आदमीके मरनको आसरा देखनदेओ। पर तुम जाएके परमेश्वरको राज्यको अच्छो समाचार परचार करओ।”

लूका 16:16

जब तक बप्तिस्मा देन बारो यूहन्ना आओ, तबतक मोशाको नियम कानुन और अगमबक्ता तुमके डगर देखन बारे रहएं। पर अब परमेश्वरको राज्यको अच्छो समाचार परचार भओ हए, और हरकोइ भितर जानके ताहीं उत्सुक हएं।

प्रेरित 28:31

बो बिना डर और बिना कोइ रुकावटसे परमेश्वरको राज्यको परचार करतए प्रभु येशू ख्रीष्टके बारेमे सिखातए रहो।