मत्ती 3:9 - राना थारु नयाँ नियम

⁹ अब्राहाम हमर दौवा हए करके आपसमे मत् कहाओ। काहेकी मए तुमसे कहात हओं, परमेश्वर जा पत्थरसे अब्राहामके ताहीं सन्तान उत्पन्न कर सकत हए।

परमेस्वर को सच्चो वचन

⁹ और जौ मत सोचौ कि तुम जौ कहकै सजा से बच जागे कि अब्राहम तुमरो पुरखा है। मैं तुमसे कहथौं कि परमेस्वर जे चट्टान से अब्राहम के ताहीं बंस बनाये सकथै!

मत्ती 3:9 Referans Kwoze

लूका 3:8

जहेमारे पाप छोडके परमेश्वर घेन घुमओ, दण्डसे बचनके ताहीं अइसो काम करओ, कि तुम नेहत्तओ पाप छोडके परमेश्वर घेन घुमे हओ; और अपने-अपने मनमे मत् सोँचओ, कि परमेश्वर हमके दण्ड नाए देहए, काहेकी अब्राहाम हमर दौवा हए; पर मए तुमसे कहात हओं, परमेश्वर तुमर ठिहा लेनके ताहीं अब्राहामके ताहीं पत्थरसे सन्तान उत्पन्न करसकत हए।

यूहन्ना 8:33

बे येशूके जबाफ दइं, “हम अब्राहामके सन्तान हएं, और हबएतक हम कोइके कमैया नाएभए हएं। फिर तुम कैसे कहात हओ, कि हम स्वतन्त्र हुइ जामंगे?”

रोमियों 4:1

तओ यहूदी होनके नातासे हम अपने पुर्खा अब्राहामके बारेमे का कहाएं? बो कैसे धर्मी ठहिरो?

प्रेरित 13:26

हे बिश्वासी ददाभइया, चहुँ हम अब्राहामके सन्तान होएं चहुँ हम परमेश्वरसे डरान बारे गैर-यहूदी होएं, परमेश्वर तुमर ठिन येशूके बारेमे जा सन्देश पठाइ हए जो आदमीनके बचात हए।

लूका 16:24

और बो धनी आदमी जोडसे चिल्लाएके कही, ‘हे दौवा अब्राहाम, मिर उपर दया करके लाजरसके पठाएदेओ, ताकी बो अपन उगंरिको पोरा, पानीमे डुबाएके मिर जिभके जुणो बनाए देबए, काहेकी मए जा नरकको ज्वालामे गजब कष्ट पाएरहो हओं।’

यूहन्ना 8:53

का तुम हमर पुर्खा अब्राहामसे बडे हओ? उनको मृत्यु हुइगओ हए, और अगमबक्ता फिर मरिगए हएं। तुम अपनएके का सम्झत हओ?”

लूका 5:22

पर येशू बिनको मनकी बात पता पएके बिनके जबाफ दइके कही, “तुम अपन हृदयमे काहे अइसो सोँचत हओ?

मर्कूस 7:21

काहेकी, हृदय हर मेलको बुराइको जर हए, जैसेकी खराब बिचार, व्यभिचार, चोरी, हत्या, परस्त्रीगमन,

प्रेरित 15:14

परमेश्वर अपनए दया करके गैर-यहूदी आदमीनके मनमे काम करके बिनके अपनो आदमी होनके ताहीं चुनी। सिमोन पत्रुस जा बात हबए सम्झाइ हए।

लूका 19:40

येशू जबाफ दइके कही, “मए तुमसे कहात हओं, अगर जे आदमी चुप रहे, तओ पत्थर मिर प्रसंसा करनके ताहीं चिल्लान लगंगे।”

लूका 7:39

बो देखके, फरिसीनको समुहमैको एक आदमी जौन येशूके बुलाइ रहए, अपने मनमे सोँचन लागो, “अगर जा परमेश्वरको अगमबक्ता हुइतो कहेसे, बाके छुन बारी बेश्या बैयर हए, कहिके जान लित्तो।”

लूका 12:17

बो अपन मनमे सोँचन लागो, ‘मेरे ठिन सरा अनाज धरनके ताहीं भारी ठाउँ नाए हए, अब मोके का करन पणैगो कहिके मोए पता नाए हए।’

यूहन्ना 8:37

मए जानत हओं, कि तुम अब्राहामके सन्तान हओ। पर तुम मोके मार डारनके चाँहत हओ, जहेमारे तुम मिर शिक्षाके पालन नाए करत हओ।