मत्ती 3:2 - राना थारु नयाँ नियम

² “पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

परमेस्वर को सच्चो वचन

² बौ कही: “पापन से मन फिराबौ, काहैकि स्वर्ग को राज्य झोने है!”

मत्ती 3:2 Referans Kwoze

मत्ती 4:17

बहे समयसे परचार करत येशू कहानलागो, “पाप करन छोडके परमेश्वर घेन घुमओ काहेकी स्वर्गको राज्य ढिँगै आइगओ हए।”

मर्कूस 1:15

येशू कही, “परमेश्वर जौन समय तोकी रहए, बो ढिँगै आइगओ हए। पाप करन छोडके परमेश्वर घेन घुमओ, और अच्छो समाचारमे बिश्वास करओ।”

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

मत्ती 6:10

तुमर राज्य आबए। तुमर इच्छा स्वर्गमे जैसो पुरा भओ हए, उइसीयए जा पृथ्वीमे फिर पुरा होबए।

2 कोरिन्थी 7:10

काहेकी अगर एक आदमी परमेश्वरको इच्छा अनुसार दुख करत हए कहेसे, बो पाप करन छोडके परमेश्वर घेन घुमजाबैगो कहेसे बो बचाओ जाबैगो। जा एक दुख लगन बारो बात नाए हए। पर संसारिक आदमीनको दुख, सदाकालको मृत्यु घेन लैजात हए।

मत्ती 10:7

और ‘स्वर्गको राज्य ढिँगै आइगओ हए,’ कहात परचार करओ।

प्रेरित 3:19

जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

लूका 15:10

मए तुमसे कहात हओं, जहे रितिसे एक पाप करन छोडके परमेश्वर घेन घुमन बारे पापीके ताहीं परमेश्वरको स्वर्गदूत अग्गु आनन्द होबैगो।”

लूका 13:3

मए तुमसे कहात हओं, उइसो नाए हए; पर अगर तुम पाप करन छोडके परमेश्वर घेन नाए घुमैगे तओ, तुम सब अइसियए नाश होबैगे।

लूका 11:20

पर परमेश्वरको उँगरीसे मए भुत निकारत हओं कहेसे, परमेश्वरको राज्य तुमर ठिन आइगओ हए।

2 पतरस 3:9

कोइ आदमी सोँचत हएं, कि प्रभु अपनो दुबारा लौटके आन बारो प्रतिज्ञा पुरा करनके देर करनडटो हए। पर प्रभु बो किसिमसे देर नाए करनडटो हए। बरु बा तुमके धैर्य दिखाए रहो हए। काहेकी बा कोइके नाश करनके नाए चाँहत हए। पर सबए जनै अपनो मन बदलो और पाप करन छोडके परमेश्वर घेन घुमओ कहिके बा चाँहत हए, और जा परमेश्वरएसे आत हए।

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

लूका 6:20

तओ येशू अपन चेलनके घेन देखके कही: “धन्य हओ तुम मनै, जौन परमेश्वरको जरुरीके महसुस करत हओ, काहेकी परमेश्वरको राज्य तुमरी हए।

मत्ती 13:52

फिर येशू बिनसे कही, “जहेमारे हरेक मोशाको नियम कानुन सिखान बारो जौन स्वर्गके राज्यको चेला बनो हए, तओ बो बहे आदमी हानी हए जौनके घरमे बोकेसँग भण्डार होत हए। बो हुवाँसे दोनए पुरानी और नयाँ मूल्यवान चीज बाहिर निकारन सिकत हए।”

मत्ती 13:47

“फिरके स्वर्गको राज्य बो मछ्री मारन बारी जार जैसो फिर हए, जौन समुन्दरमे डारत हए, और हरेक प्रकारके मछ्रीके समेटके लात हए।

मत्ती 13:33

बो एक और कहानी बिनके सुनाइ, “स्वर्गको राज्य खमिर जैसो हए, जो एक बैयर तीन पसेरी चुनमे मिलाए दइ, और होतएहोत बो सब खामिर हुइगओ”

मत्ती 12:41

निनवेके आदमी न्यायके दिनमे जा पिढीके आदमीके सँग खडा हुइके उनके दोषी ठहीरामंगे, काहेकी बे योनाके परचारमे अपनो पाप छोडके परमेश्वर घेन घुमी रहएं, पर तुम पाप करन छोडके परमेश्वर घेन घुमनके इन्कार करे। पर देखओ योनासे महान कोइ हियाँ हए।

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

कलस्सी 1:13

काहेकी बा हमके शैतानके शक्तिसे छुणाएके अपनो प्रिय लौंणाके राज्यमे लाइ हए।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

लूका 15:7

मए तुमसे कहात हओं; जहे रितिसे पाप करन छोडके परमेश्वर घेन घुमन बारे, उनानसय धर्मीसे फिर अपनो पाप मानके पछुतो करन बारो एक पापीके ताहीं स्वर्गमे बहुत आनन्द होबैगो।”

लूका 13:5

उइसो नाएहए, पर मए तुमसे कहात हओं, तुम पाप छोडके परमेश्वर घेन नाए घुमैगे कहेसे, तुम फिर सब उइसीयए नाश होबैगे।

लूका 9:2

येशू बिनके परमेश्वरको राज्यको परचार करन और बिमारीनके अच्छो करन पठाइ।

मर्कूस 6:12

तओ चेला निकरे और आदमीनके अइसे परचार करीं, “पाप करन छोडके परमेश्वर घेन घुमओ।”

मर्कूस 1:4

जौन खबर पुगान बारोके बारेमे यशैया लिखी, बो बप्तिस्मा देन बारो यूहन्ना रहए, जो जंगली इलाकामे बैठत रहए। बो आदमीनसे कही, “पाप करन छोडके परमेश्वर घेन घुमओ, और बप्तिस्मा लेओ ताकी परमेश्वर तुमर पाप क्षमा करए।”

मत्ती 5:10

धन्य हएं बे, जौन धार्मिकताके जीबन जिनके ताहीं सताए जात हएं, काहेकी स्वर्गको राज्य बिन्हिको हए।

मत्ती 5:3

“धन्य हएं बे, जौनके परमेश्वरको जरुरत हए, काहेकी स्वर्गको राज्य बिन्हिको हए।

प्रकाश 2:21

मए बक पक्षताप करनके समय दओ, पर बो बे अनैतिक कामके करन बन्द करनसे इन्कार करी।

मत्ती 13:31

येशू बिनसे दुसरी कहानी कही, “परमेश्वरको राज्य भादीको दाना जैसो हए, जो एक आदमी लैजाएके अपन बारीमे लगाइ।

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

मत्ती 6:33

सबसे पहिले परमेश्वरको राज्य और धार्मिकताको जीबन जीबओ, और जा सब चीज तुमके मिल जाबैगो।

प्रकाश 2:5

जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।

हिब्रू 6:1

तभीमारे आओ, हम बो चीज सिखन बन्द करएं, जौन चीज हमके पहिले ख्रीष्टके बारेमे सिखाए गए रहएं। और गहिरो शिक्षा सिखएं, ताकी हमर बिश्वास परिपक्क हुइजाए। हमके फिरसे दुस्रो चोटी परमेश्वरमे बिश्वासके बारेमे और मृत्युके घेन लैजानको कामसे दुर होनको बारेमे सिखन सुरु नाए करन पणैगो।

प्रेरित 26:20

पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो।

मत्ती 22:2

स्वर्गको राज्य बो राजाके समान हए, जौन अपनो लौंणाको बेहा तयार करी,

मत्ती 25:1

फिर येशू अपने चेलनसे कही, जब मए, आदमीको लौंणा घुमके आमंगो, तओ स्वर्गको राज्य अइसो होबैगो: बे दश कन्या रहएं, जौन अपने दिया लैके दुलहाके भेँट करनके निक्रीं।

मत्ती 23:13

“हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम आदमीनके, स्वर्गके राज्यमे प्रबेश करनके अनुमति नाए देत हओ, नए त तुम अपनए बोमे घुसत हओ, नए घुसन बारेके घुसन देत हओ।

मत्ती 20:1

स्वर्गको राज्य जा कहानी कता हए: एक दिन सुबेरे एक जमिनदार अपनो अंगुरको बारीमे देहाणीमे काम लगानके ताहीं आदमी ढुँणन बाहिर निकरो।

मत्ती 18:23

काहेकी स्वर्गको राज्य जा काहनी कता हए; एक राजा जौन अपन नोकरसे हिसाब लेनके इच्छा करी।”

मत्ती 11:20

जौन-जौन सहरमे येशूके जद्धा शक्तिशाली चमत्कार भए रहएं, बहे सहरके आदमीनके बा डाँटन लागो। काहेकी बे अपन पाप छोडके परमेश्वर घेन नाए घुमीं।

लूका 21:31

अइसीयए तुम फिर जब जा चीज होत देखैगे, तओ परमेश्वरको राज्य ढिँगै हए कहिके जानजैयओ।

लूका 16:30

पर धनी आदमी कही, ‘नाए, हे दौवा अब्राहाम, पर अगर मरके जिन्दा हुइके कोइ एक जनै बिनके चेतावनी देहए कहेसे बे पाप करन छोडके परमेश्वर घेन घुमंगे।’

मत्ती 25:14

“एक मालिक लम्मो यात्रामे जात रहए, और अपने नोकरनके बुलाएके अपन धनसम्पति मैसे कुछ बिनके सौँपदइ।

मत्ती 13:24

येशू फिर बिनके एक औ कहानी सुनाइ: “स्वर्गको राज्य एक किसान जैसो हए, जौन अपन खेतमे असल बीज बोइ।

मत्ती 4:23

और येशू सब गालील परदेशमे फिरत रहए, तओ येशू बिनके यहूदी सभाघरमे शिक्षा देत, परमेश्वरको राज्यको अच्छो समाचार परचार करत, और आदमीमे भए सबए रोग और शरीरके कमजोरी अच्छो करी।

लूका 1:16

और बो इस्राएल देशके बहुत आदमीके बिनके प्रभु परमेश्वरके घेन घुमए लेबैगो।