मत्ती 27:27 - राना थारु नयाँ नियम

²⁷ तओ हाकिमके सिपाही येशूके महलमे लैगए, और जम्मए पल्टन बाके चारौ तरफ इकट्ठा हुइगए।

परमेस्वर को सच्चो वचन

²⁷ तौ पिलातुस के सिपईय्या ईसु कै हाकीम के महल मैं लैगै, और पूरो झुंड बाके चारौ तरफ जुराए गौ।

मत्ती 27:27 Referans Kwoze

यूहन्ना 18:33

तओ पिलातस फिरसे महाल भितर घुसो, और येशूके महल भितर बुलाएके बासे पुँछी, “का तुम यहूदीके राजा हओ?”

यूहन्ना 18:28

और बे येशूके, कैयाफाके ठिनसे पिलातसको महलको आँगनमे लैगए जो रोमको बडो हाकिम रहए। और सुबेरेको समय रहए, यहूदी समुहके अगुवा महलमे नाए कुचे। काहेकी यहूदीनको निस्तार तेवहारको भोज खानके ताहीं बे अपनएके शुद्ध करनके चाँहत रहएं।

प्रेरित 10:1

कैसरिया सहरमे कर्नेलियस नाउँको एक आदमी रहए, जो इटालिया कहान बारो पल्टनको एक कप्तान रहए।

प्रेरित 23:35

तओ बडो हाकिम कही, “उइसो हए कहेसे, तिर बिरुद्धमे दोष लगान बारे आदमी आमंगे तओ तिर बात सुनंगो।” तओपिच्छु बडो हाकिम, पावलके राजा हेरोदको बनाओ भओ दरबारमे लैजाएके धरओ कहिके हुकुम दइ।

प्रेरित 27:1

जब हाकिम फेस्तसके माध्यमसे जा पक्का हुइगओ, कि पानीजहाजसे हमके इटालिया परदेशको रोम सहरमे जानपणैगो, तओ बे पावल और औ बहुत कैदीन्के महाराज अगस्‍टसको सेनाको युलियस नाउँको कप्तानके जिम्मामे लगाए दइ।

यूहन्ना 18:3

तओ यहूदा इस्करियोत रोमी सिपाहीनको एक दल मुखिया यहूदी पुजारी और फरिसीनको समुहके द्वारा पठाओ गओ पहरेदारनके सँग हुवाँ आएपुगो। बे दिया, ऊँका और हथियार लैके हुवाँ आए रहएं।

मत्ती 26:3

तओ कैयाफा नाउँको प्रधान यहूदी पुजारीके दरबारमे मुखिया यहूदी पुजारी और जनताके यहूदी अगुवनको समुह इकट्ठा भए।