मत्ती 27:19 - राना थारु नयाँ नियम

¹⁹ तओ जब बो न्याय-आसनमे बैठो रहए, तओ बहे समयमे बोकी बैयर अइसे कहिके खबर पठाइ, “येशू निर्दोष आदमी हए बाके कुछु मत् करीयओ, काहेकी आज सपनामे येशूके मारे मए बहुत दु:ख भोगो हओं।”

परमेस्वर को सच्चो वचन

¹⁹ जब पिलातुस न्याय की सभा मैं बैठो रहै, तौ बाकी बईय्यर बाकै एक खबर भेजी: “बौ बेकसूर आदमी से मतलब मत रखै, काहैकि कल रात एक सपने मैं, मैं बाके बारे मैं भौत कछु सोचो रहौं।”

मत्ती 27:19 Referans Kwoze

मत्ती 27:24

पर कोइ सीप नाए लगो देखके, झन् हलचल मचिजएहए करके डराएके पिलातस पानी लैके भिडके अग्गु अपन हात धोएके कही, “तुम अपनए जानओ, मए जा आदमीको खुनसे निर्दोष हओं।”

1 पतरस 2:22

पबित्र-शास्त्रमे लिखो हए, “बा कभी फिर पाप नाए करी, और बा कभी फिर कोइ झुट नाए मस्की।”

यूहन्ना 19:13

पिलातस जे बात सुनके येशूके बाहिर ल्याइ, और बो न्याय करन बारो सिंहासनमे बैठो। बो सिंहासन अइसो ठाउँमे बनो रहए, जहाँ चक्ले-चक्ले पत्थर बिछे रहएं। जौनसे हिब्रू भाषामे गब्बथा कहात हएं।

लूका 23:47

जा सब घटना देखके कप्तान अइसे कहात परमेश्वरको महिमा करी, “नेहात्तओ जा धर्मी आदमी रहए।”

1 यूहन्ना 2:1

मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।

मत्ती 27:4

और कही, “मए निर्दोष आदमीके पकणाएके पाप करो हओं।” पर बे कहीं, “जासे हमए का मतलब? तए अपनए जान।”

मत्ती 2:22

तओ जब योसेफ जा सुनी यहूदिया परदेशमे अपन दौवा राजा हेरोदके ठाउँमे अर्खिलाउस राज्य करत हए, करके सुनके, योसेफ हुवाँ जानके डराइगओ, और परमेश्वरसे सपनामे चेतावनी पाएके, योसेफ गालीलके परदेशमे गओ।

मत्ती 2:19

योसेफ, मरियम और बच्चा येशू; हबएतक मिश्रदेशमे रहएं। जब राजा हेरोद मरो तओ, स्वर्गदूत सपनामे योसेफ ठिन मिश्रदेशमे दिखानो, और अइसे कही,

मत्ती 1:20

तओ योसेफ, अइसो बातको बिचार करत पेती, स्वर्गदूत सपनामे दिखानो और कही, “योसेफ, राजा दाऊदको पिढी, मरियमके अपनी बैयर बनानके मत् डराए, काहेकी जो बोके गरबमे हए, बो पबित्र आत्मा कि शक्तिसे हए।

लूका 23:41

और हम त न्याय अनुसार दण्ड पाए रहे हएं, जा हम अपन कामको ठिक फल पाए रहे हएं, पर जा आदमी त कोइ गलत काम नाए करीहए।”

मत्ती 27:18

काहेकी बो जानत रहए कि बे बाके दिक्कसे सौंपी रहएं।

प्रेरित 12:21

जौन दिन राजा हेरोद बे सहरके आदमीनसे मिलनके योजना बनाइ, बहे दिनमे राजा हेरोद राजकीयको कपडा पैँधके आदमीनके अग्गु न्यायको सिंहासनमे बैठके बिनके भाषण दइ।

प्रेरित 18:12

अखैया परदेशके इलाकामे गलियोन कहान बारो आदमी, बडो हाकिम भओबेरा यहूदी मिलके पावल उपर आक्रमण करीं, और बोके पक्णी। तओ बोके बडो हाकिम ठिन अदालतमे लैजाएके कहीं,

प्रेरित 18:16

इत्का कहिके गलियोन हाकिम आदेश दइके उनके अदालतसे पठाए दइ।

प्रेरित 18:17

अब यहूदी, यहूदी सभाघरको सासक सोस्थेनेसके पकणके अदालतके अग्गु पिटीं, पर गलियोन हाकिम बो बातको कुछु वास्ता नाए करी।

प्रेरित 25:6

फेस्तस यरूशलेम सहरमे आठ-दास दिनसे जद्धा नाएबैठके कैसरिया सहर घुमिगए, और बोके दुस्रो दिन न्याय-आसनमे बैठके बो पावलके लानके हुकुम करी।

प्रेरित 25:10

तओ पावल कही, “मए रोमको महाराजा कैसरको न्याय-आसनके अग्गु ठाणो हओं, और जा बहे स्थान हए जहाँ मिर न्याय होन पणैगो। यहूदी समुहके बिरोधमे मए कुछु खराबी नाए करो हओं, बो तुमके अच्छेसे पता हए।

प्रेरित 25:17

जहेमारे जब यहूदी समुहके अगुवा मेरे ठिन हियाँ कैसरिया सहरमे आए, मए देर नाए करके दुस्रो दिन न्याय आसनमे बैठके आदेश दओ, कि पावलके अदालतमे लैके आओ।