मत्ती 26:10 - राना थारु नयाँ नियम

¹⁰ तओ येशू जा बात पता पाएके बिनसे कही, “तुम जा बैयरके काहे दु:ख देत हओ? बो त मिर ताहीं एक अच्छो काम करीहए।

परमेस्वर को सच्चो वचन

¹⁰ जौ देखकै ईसु उनसे कही, “जौ बईय्यर कै काहे परेसान कर्‌रै हौ? बौ मेरे संग भलाई करी है।

मत्ती 26:10 Referans Kwoze

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

तीतुस 3:1

बिश्वासीनके याद करबा, कि हाकिम और अधिकारीके आदर करएं, और उनकी आज्ञा मानएं, और सब जनै एकदुस्रेके ताहीं अच्छे काम करनके ताहीं तयार रहाएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 1:16

बे झुठे गुरु कहात हएं, कि हम परमेश्वरके जानत हएं, पर उनको ब्यबहार स्पष्ट रुपसे दिखात हए, कि बे परमेश्वरके नाए जानत हए, काहेकी बे घिनौने और आज्ञा नाए मानन बारे हएं, और बे कुछ अच्छो करनके लायक नाए हएं।

2 तिमोथी 2:21

अइसियए, जो बिश्वासी अपनएके बे सब खराब कामके अलग करैगो, तओ बाको जीबन पबित्र रहबैगो और बो मूल्यवान भाणा-बर्तन कता होबैगो जो खास अबसरके ताहीं इस्तमाल करोजात हए, और जहेमारे बो अपनो मालिकके ताहीं उपयोगी होबैगो।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

1 तिमोथी 3:1

जा एक सच्ची कहानी हए, कि जो मण्डलीको रेखदेख करन बारो अगुवा होन चाँहत हए कहेसे बो अच्छो कामको इच्छा करत हए।

2 थेसलोनिकी 2:17

मए प्राथना करत हओं, के बे तुमर मनके उत्सहासे भरएं, और जो अच्छो हए, बोके हमेसा करतए रहानके ताहीं तुमके मजबुत करएं।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

गलातियों 6:17

अब कोइ मोके दुख नाए देए, काहेकी मेरे शरीरमे जो दाग हए, बे दाग जा दिखात हएं, कि मए येशूको एक चुनो भओ चेला हओं।

गलातियों 5:12

तुमके झुटो शिक्षा देन बारे आदमी अपनएके नपुंसक बनाए लित्तो कहेसे ठिक हुइतो।

गलातियों 1:7

सिरफ एकए इकल्लो सच्चो अच्छो समाचार हए, पर कुछ आदमी ख्रीष्टके अच्छो समाचारके नाश करनके चाँहत हएं, और बे आदमी तुमके धोखा दइ हएं।

2 कोरिन्थी 9:8

परमेश्वर तुमर जरुरतसे जद्धा आशिष देन सिकत हए, ताकी तुमरसँग रोजए दिन सबए बातको आशिष प्रशस्त होए, और तुम सब असल कामके ताहीं प्रशस्त करके दइ पाबओ।

मर्कूस 14:6

तओ येशू उनसे कही, “बोके परेसान मत् करओ, बो मिर ताहीं जो काम करीहए बहुत अच्छो हए।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

मत्ती 26:9

काहेकी जा जटामसीको तेल बहुत रुपैयामे बेँचके बो पैसा गरीबके दओजाए सकत रहए।”

मत्ती 26:11

काहेकी गरीब तुमर सँग सब दिन हुइहएं। पर मए तुमर सँग सब दिन नाए हुइहओं।

लूका 8:49

जब येशू मसकतए रहए, तब्ही यहूदी सभाघरको मुखिया सासक याइरसके घरसे एक आदमी आओ और कही, “तुमर लौंणीया मरिगइ हए। अब गुरुके कष्ट मतदेओ।”