मत्ती 24:14 - राना थारु नयाँ नियम

¹⁴ और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

परमेस्वर को सच्चो वचन

¹⁴ और राज्य को जौ सुसमाचार पूरे देस दुनिया मैं प्रचार करो जागो, कि सब जाति मैं गभाई होबै, तौ अंत हुई जागो।

मत्ती 24:14 Referans Kwoze

प्रकाश 14:6

और मए दुस्रो स्वर्गदूतके बादर उपर उणनडटो फिर देखो। बो स्वर्गदूत अच्छो समाचार लाइ जो कब्ही नाए बदलत हए। बो स्वर्गदूत संसारमे भए आदमीनके, हर जाति, कुल, भाषा, और राष्ट्रके आदमीनके परचार करी।

रोमियों 10:18

पर मए जा पुँछत हओं, “का इस्राएल देशके आदमी ख्रीष्टके बारेमे सन्देश नाए सुनीं?” नेहात्तओ बे सुनीं हएं काहेकी पबित्र-शास्त्रमे लिखो हए, “बाको बचन पुरा पृथ्वीमे और पृथ्वीमे हर ठिहतक पुगीगए हएं।”

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

मत्ती 10:7

और ‘स्वर्गको राज्य ढिँगै आइगओ हए,’ कहात परचार करओ।

मत्ती 9:35

तओ येशू और बाके चेला गालील परदेशके सहर और गाउँ हुइके गए, और यहूदी सभाघरमे शिक्षा देत रहएं। और परमेश्वरको राज्यको अच्छो समाचार परचार करतए सब आदमीनको रोग और बिमारनसे अच्छो करत रहएं।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

मत्ती 24:6

तुम युद्ध और युद्धको हल्ला सुनैगे तओ मत् घबणैयओ, काहेकी जा सब बात होनके जरुरी हए, पर अन्त बहे समयमे नाए हुइहए।

मत्ती 4:23

और येशू सब गालील परदेशमे फिरत रहए, तओ येशू बिनके यहूदी सभाघरमे शिक्षा देत, परमेश्वरको राज्यको अच्छो समाचार परचार करत, और आदमीमे भए सबए रोग और शरीरके कमजोरी अच्छो करी।

प्रेरित 17:6

पर बे पावल और सिलासके हुवाँ नाएपाइं। तभीमारे बे यासोन और प्रभुमे बिश्वासी ददाभइयनके खिँचके ल्याइं। उनके सहरको हाकिमके ठिन पुगाएके चिल्लातए कहीं, “जा आदमी हरेक ठिहामे परेसानी फैलाएदइ हएं, बे आदमी अभए हमरे सहरमे फिर आइगए हएं।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

प्रेरित 20:25

अब देखओ, मए जानत हओं, कि तुम मैसे सब जनै जौन-जौनके मए परमेश्वरको राज्यको परचार करत नेँगो, तुम मोके दुबरा नाए देखैगे।

मत्ती 24:3

येशू जैतून डँगामे बैठो रहए तओ चेला एकन्तमे बाके ठिन आएके पुछीं, “हमके बता, जा बात कब हुइहए, और तुमर आगमन और जा युगको चिन्हा का हुइहए?”

प्रकाश 16:14

तीन भुतके सँग अचम्मो काम करन क्षमता रहए और बे जा संसारके सब देशमे शासन करन बारेनके जमा करीं, ताकी बे सर्बशक्तिमान प्रभु परमेश्वरको महान दिनमे बाके बिरुद्धमे लणाइ लणन जाए पामएं।

लूका 4:5

शैतान येशूके एक उँचो ठाउँमे लैजाएके संसारको सब राज्य दिखाइ।

प्रेरित 1:2

येशू परमेश्वरद्वारा स्वर्गमे उठाए लैजानसे पहिले अपने चुनेभए चेलनके पबित्र आत्माकी मदतसे आज्ञा दइ।

प्रेरित 11:28

बिन मैसे अगाबस नाउँ भओ एक अगमबक्ता रहए। पबित्र आत्मा बोके पृथ्वी भर अनिकाल पणन बारो हए कहिके बताइ रहए। और पिच्छु रोमी महाराजा सम्राट क्लौडियसको शासनकालमे अनिकाल पणो।

मत्ती 18:19

फिर मए तुमसे कहात हओं, अगर तुम मैसे दुई जनै पृथ्वीमे कोइ बातमे एक मन हुइके प्राथना करैगे, तओ स्वर्गमे होन बारो मिर दौवाके घेनसे हुइजएहए।

लूका 2:1

बे दिनमे रोमको महाराजा कैसर अपनो सबए रोमी साम्राज्यके आदमीनके नाउँ दर्ता करनके ताहीं हुकुम जारी करी।

मर्कूस 13:10

जाके अलाबा, दुनियाको अन्तसे पहिले मिर बारेमे अच्छो समाचार जाति-जातिके आदमीके सुनान पणैगो।

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 19:27

अइसे हमर कामको इकल्लो नाए, पर महान देबी आर्तेमिसको मन्दिरको समेत हेला होबैगो। और पुरा एशिया परदेश और संसार भरके आदमी मान्तए आओ महान देबी आर्तेमिसको आराधना फिर बन्द हुइ जाबैगो।”

हिब्रू 1:6

और परमेश्वर अपन बडो लौंणाके संसारमे पठानसे अग्गु बा फिरसे कही, “मिर सब स्वर्गदूत बाके आराधना करएं।”

हिब्रू 2:5

जोको हम बात कररहे हएं, बो नयाँ संसारके परमेश्वर स्वर्गदूतनके अधीनमे नाए धरी, पर प्रभु येशूको अधीनमे धर दइ।