मत्ती 20:34 - राना थारु नयाँ नियम

³⁴ येशू डहा करके बिनकी आँखी छुइदइ और तुरन्त बे देखन बारे हुइगए और बे येशूके पिच्छु लागे।

परमेस्वर को सच्चो वचन

³⁴ ईसु तरस खाएकै उनकी आँखी छुइ और बे तुरंतै देखन लगे, और बाके पच्छू हुई लईं।

मत्ती 20:34 Referans Kwoze

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

लूका 22:51

पर येशू कही, “हुइगओ, अब अइसो मत् करओ।” तओ बो आदमीको कान छुइके येशू बोके पहिलीयए कता अच्छो करदइ।

लूका 7:13

बोके देखके प्रभुको ह्रदय दयासे भरीगओ और कही, “तुम मत् रोबओ।”

मर्कूस 7:33

येशू बोके भिडसे अलग एकन्तमे लैगओ और अपन उँगरी बक कानमे लगाइ। तओ पिच्छु बा अपन उँगरीमे थुकी और बो आदमीक जिभके छुइ।

मत्ती 15:32

तओ येशू अपन चेलनके अपने ठिन बुलाएके कही, “मोए जा भिडके देखके डहा लागत हए, काहेकी जे मिर सँग रहे आज तीन दिन हुइगओ, और इनके सँग खान बारो चीज कुछु नैयाँ। जिनके भुँखे पठान मए नाए चाँहत हओं। अगर मए इनके भुखो पठएहओं कहेसे जे डगरमे बेहोस हुइजए हएं।”

मत्ती 14:14

जब येशू किनारे पुगो तओ बहुत बणी भिड देखके बो बिनके डहा करी, और बो बिमारीनके अच्छो करी।

मत्ती 9:29

तओ येशू बिनको आँखी छुइके कही, “तुम बिश्वास करत हओ कि मए तुमके अच्छो करडारंगो, जहेमारे तुम अच्छे हुइजाओ।”

मत्ती 8:15

येशू पत्रुसकी सासके ढिँगै आएके बोको हात पकणी, और जाणो बोके तुरन्त छोड दइ, तओ बो उठके येशूको सेवा करी।

लूका 18:43

तओ तुरन्तए बो देखन बारो भओ, और परमेश्वरको प्रसंसा करतए बो बाके पिच्छु लाग्गओ। जा देखके सब आदमी परमेश्वरको प्रसंसा करीं।

मत्ती 9:36

पर भिडके देखके येशूको हृदय बिनके ताहीं दयासे भरीगओ। काहेकी बे बकरेहेरा बिनाको भेंणा हानी रहएं, जौनक बकरेहेरा नाए होत हएं। बे व्याकुल और भटके भए रहएं।

हिब्रू 2:17

जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

मत्ती 20:33

बे बासे कहीं, “हे प्रभु, हमर आँखी खोलदेओ”

मत्ती 21:1

जब येशू यरूशलेम सहरको ढिँगै जैतून डँगाको बेथफागेमे आएपुगो, तओ येशू दुई चेलनके अइसे कहिके पठाइ,