मत्ती 19:29 - राना थारु नयाँ नियम

²⁹ हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

परमेस्वर को सच्चो वचन

²⁹ और जो कोई घरन या भईय्यन या बहेनियन या दऊवा या अईय्या या बाल-बच्चन या खेतन कै मेरे नाओं के ताहीं छोड़ दई है, बाकै सौ गुना मिलैगो, और बौ अनंत जिंदगी को अधिकारी होगो।

मत्ती 19:29 Referans Kwoze

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

लूका 14:26

जौन आदमी मिर ठिन आत हएं बे तबतक मिर चेला नाए हुइ सकत हएं, जबतककी बे अपन अइयादौवासे, लौंणालौंणीया, ददाभइया, दिदी-बहिनीया और अपनेसे जद्धी मोसे प्रेम नाए करहएं।

मत्ती 16:25

काहेकी जौन अपन प्राण बचानके इच्छा करत हए, बो बोके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो।

मत्ती 6:33

सबसे पहिले परमेश्वरको राज्य और धार्मिकताको जीबन जीबओ, और जा सब चीज तुमके मिल जाबैगो।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।

मत्ती 10:22

मिर नाउँके कारण तुम सबसे घृणित हुइहओ। पर जो अन्त तक स्थिर रएहए, बोको उद्धार हुइहए।

यूहन्ना 15:19

अगर तुम जा संसारके आदमी जैसे हुइते तओ संसारके आदमीसे तुमके अपनए कता प्रेम करते। पर तुम संसारके नाए हओ काहेकी मए तुमके जा संसारके आदमीसे चुनलओ हओं। जहेमारे संसारके आदमी तुमके हेल्हा करत हएं।

लूका 6:22

धन्य हओ तुम, जब आदमीको लौंणाके खातिर आदमी तुमसे दुसमनी करंगे, और बहिष्कार करंगे, और गिल्ला करंगे, और तुमके खराब बताएके, तुमर नाउँके बदनामी करंगे।

मत्ती 5:11

धन्य हओ तुम, जब आदमी तुमके सतात हएं, बेज्जत करत हएं, और झुठ बोलके तुमर बिरुद्धमे सब किसिमको खराब बात कहात हएं। काहेकी तुम मिर चेला हओ।

1 कोरिन्थी 2:9

पर पबित्र-शास्त्रमे अइसो लिखो हए, “नए कोइ कभी देखो हए, और नए कभी कोइ सुनो हए और नए कभी कोइ उइसो अदभुत कामके बारेमे कल्पना करीहए, जो परमेश्वर बे आदमीनके ताहीं तयार करीहए, जो बासे प्रेम करत हएं।”

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

मत्ती 19:16

बाके ठिन आएके एक जनै कही, “हे गुरु, मोके कभी फिर नाश नाए होन बारो जीबन पानके ताहीं का असल काम करन पणैगो?”

मत्ती 13:23

पर असल जमिनमे बुए बेही हएं, जौन बचन सुनत हएं और बुझतहएं, और नेहात्तओके फरा फरातहएं। बे बुए भए बीजसे सओ गुणा, साठी गुणा, और तीस गुणा, फरा फरातहएं।”

2 कोरिन्थी 5:16

जहेमारे अबसे हम कोइके, आदमीको दृष्टिकोणसे नाए देखंगे। हम ख्रीष्टके एक समयमे आदमीके दृष्टिकोणसे देखे रहएं, पर अबसे बाके उइसे नाए देखंगे।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

मत्ती 13:8

और बीज अच्छी जमिनमे पणे, और कोइ सओ गुणा, साठी गुणा, कोइ तीस गुणा फरा दइं।

3 यूहन्ना 1:7

काहेकी बे आदमी हर ठाउँमे यात्रा जहेमारे कररहे हएं, ताकी बे ख्रीष्टको नाउँके, आदमीनमे चिन्हाए पामएं। और अबिश्वासीनसे जे कोइ मदत नाए लेत हएं।

लूका 5:11

तओ बे अपन नैयाँ डीणोमे लाइं, और तुरन्त बे अपनो मछ्री मारन बारो काम छोडके येशूके चेला बननके ताहीं येशूके पिच्छु गए।

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।