मत्ती 18:15 - राना थारु नयाँ नियम

¹⁵ “अगर तुमर सँगी तुमर बिरुद्धमे अपराध करैगो, तओ इकल्लेमे बात चित करके बोके दोष दिखाएदेओ; अगर बो तुमरी बात सुनए और पाप करन छोडके परमेश्वर घेन घुमए, तओ तुम अप्नो सँगीके जीतके फिर्ता पाए हओ।

परमेस्वर को सच्चो वचन

¹⁵ “अगर तेरो भईय्या तेरे बिरोध मैं पाप करै, तौ जा और अकेले मैं जाएकै बाकै समझा; अगर बौ तेरी सुनै तौ तैं अपने भईय्या कै जीत लेगो।

मत्ती 18:15 Referans Kwoze

कलस्सी 3:13

एकदुस्रेके सहिके प्रेम दिखाओ, कोइको बिरोधमे कोइ बात हए कहेसे क्षमा करओ। जैसे प्रभु तुमके क्षमा करीहए, उइसी तुम फिर एकदुस्रेके क्षमा करओ।

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

2 थेसलोनिकी 3:15

तहुँफिर बोके उपर अइसो काम मत् करओ जैसे तुम एक दुस्मनके उपर करत हओ। पर एक सँगी बिश्वासीके बराबर बोके चेतावनी देओ, कि जो बो करीहए अबसे उइसो नाए करए।

मत्ती 18:35

अइसियए करके, अगर तुम मैसे हर एक अपने सँगीके ह्रदयसे गलत काम क्षमा नाए करैगे, तओ मिर दौवा जो स्वर्गमे हए, तुमके फिर उइसीयए करैगो।”

रोमियों 12:21

खराबीसे मत् जितओ पर खराबीके भलाइसे जितओ।

1 पतरस 3:1

हे बैयर आदमी, तुम फिर अपने लोगाके अधिनमे रहाओ, ताकी अगर बिन मैसे कोइ लोग परमेश्वरको बचनमे बिश्वास करनसे इन्कार करत हए कहेसे, तुमर ब्यबहार बिनके, कुछु नाए कहिके फिर बिश्वास करन बारो बनाबैगो। जब बे तुमर भक्ति और शुद्ध ब्यबहार देखंगे तओ अपनए बे ख्रीष्टमे बिश्वास करंगे।

1 कोरिन्थी 8:12

जब तुम दुस्रे बिश्वासी ददाभइया और बहिनियाके अइसो काम करनके ताहीं प्रोत्साहित करके पाप करत हओ, जासे बे जानत हएं कि बो गलत हए तओ तुम ख्रीष्टके बिरुद्धमे पाप कर रहेहओ।

2 कोरिन्थी 7:12

मए बो गम्भीर चिट्ठी अन्याय करन बारो आदमीके कारणसे नाए लिखो हओं, नए त अन्यायमे पणन बारे आदमीके कारणसे हए, पर परमेश्वरको नजरमे हमर ताहीं तुमर उत्सहा कैसो हए, सो तुमके पता होए कहिके मए लिखो हओं।

1 थेसलोनिकी 4:6

अइसे करके, तुमके अपने बिश्वासी भइयाके बिरुद्धमे पाप नाए करन चाहो, काहेकी प्रभु येशू बोके दण्ड देबैगो, जो अइसे मेलके सब काम करत हएं; जैसेकी हम तुमसे पहिले सफासे कहिदए रहएं और शिक्षा फिर दए रहएं।

मत्ती 18:14

अइसियए स्वर्गमे होन बारो तुमर दौवाको इच्छा हए, कि बे छोटे मैसे एक जनै फिर नष्ट नाए होमएं।”

मत्ती 18:21

तओ येशूके ठिन आएके पत्रुस कही, “हे प्रभु, मिर सँगी जित्तो चोटी मिर बिरुद्धमे अपराध करैगो का उत्तो चोटी मोके बोके क्षमा करन पणैगो? का सात चोटीतक?”

तीतुस 3:10

अगर कोइ अइसो आदमी हए, जो बिश्वासीनके बीच फुट पैदा करत हए, तओ बोसे गम्भीरतासे बात कर, और बोसे अइसो ब्यबहार करन छोडनके कहो। अगर बो छोडनसे नाए मानैगो, तओ बोके फिरसे चेतावनी दे। जाके पिच्छु, अगर बो फिरसे नाए छोडन मानैगो कहेसे तोके अइसे आदमीके छोडदेन चाहो।