मत्ती 18:10 - राना थारु नयाँ नियम

¹⁰ “देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

परमेस्वर को सच्चो वचन

¹⁰ “देखौ, मेरे जे मासूम अनुयायी मैं से कोई कै तुच्छ मत समझियो; काहैकि मैं तुमकै बताथौं उनके रक्छक स्वर्गदूतन की पौहौंच स्वर्ग मैं मेरे परम दऊवा के झोने हमेसा रहथै।

मत्ती 18:10 Referans Kwoze

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

लूका 16:22

और एक दिन अइसो भओ, कि बो लाजरस मरिगओ, और स्वर्गदूत बोके लैके अब्राहामके ठिन सम्मानके ठिहामे पुग्गओ। और कुछ दिन पिच्छु बो धनी आदमी फिर मरिगओ; और गडो गओ।

मत्ती 24:31

बा अपन स्वर्गदूत तुरहीको बडो अबाजके साथ पठाबैगो, और बे बादरके जा छोरसे लैके बो छोरतक चारौ घेनसे अपन चुनेभएनके इकट्ठा करंगे।”

लूका 1:19

स्वर्गदूत जकरियासे कही, “मए गब्रिएल हओं, मए परमेश्वरके अग्गु ठाणो रहात हओं। तिर सँग बात करन और जा अच्छो समाचार परचार करनके ताहीं मए पठाओ गओ हओं।

मत्ती 18:14

अइसियए स्वर्गमे होन बारो तुमर दौवाको इच्छा हए, कि बे छोटे मैसे एक जनै फिर नष्ट नाए होमएं।”

मत्ती 18:6

“पर जौन मिर उपर बिश्वास करत हए और अगर जे छोटे मैसे कोइ एक जनैके पाप करन लगाबैगो कहेसे, बासेत बोके घेँटमे बडो चकियाको पट्टा बाँधके बोके गहिरो समुन्दरमे डुबाए देनो असल हुइहए।

मत्ती 2:19

योसेफ, मरियम और बच्चा येशू; हबएतक मिश्रदेशमे रहएं। जब राजा हेरोद मरो तओ, स्वर्गदूत सपनामे योसेफ ठिन मिश्रदेशमे दिखानो, और अइसे कही,

मत्ती 2:13

जब बे गए, तओ स्वर्गदूत सपनामे योसेफ ठिन दिखानो और बोसे अइसे कही, “उठ, बच्चा और बाकी अइयाके सँग लैके मिश्रदेशमे भाज्जा, और तुमसे मए नाए कहानतक हुवँए बैठियओ। काहेकी, राजा हेरोद बच्चानके मारन ढुँणरहो हए।”

मत्ती 1:20

तओ योसेफ, अइसो बातको बिचार करत पेती, स्वर्गदूत सपनामे दिखानो और कही, “योसेफ, राजा दाऊदको पिढी, मरियमके अपनी बैयर बनानके मत् डराए, काहेकी जो बोके गरबमे हए, बो पबित्र आत्मा कि शक्तिसे हए।

1 थेसलोनिकी 4:8

जहेमारे जो जे नियमके अनुसार जीइनसे इन्कार करत हए, बो आदमीनके नाए पर परमेश्वरके नियमके इन्कार करत हए, जो अपनो पबित्र आत्मा तुमके देतहए।

1 कोरिन्थी 11:22

तुम अपने घरमे खाए और पिइ सकत हओ। तुमके लागत हए, कि परमेश्वरको मण्डली जरुरी नाए हए, और तुम बे आदमीनके सरमबाए देत हओ जो गरीब हएं। मोए तुमके का बताओं? का मोए तुमर प्रसंसा करओं? अइसे करनके कारणसे मए तुमर प्रसंसा नाए करंगो।

1 कोरिन्थी 16:11

जहेमारे कोइ फिर बोके अनादर नाए करए, पर शान्तिसे हुवाँ पुगाए दियओ, ताकी मेरे ठिन आएजाए; काहेकी मए बोको आसरा करतए आएरहो हओं, कि बो बिश्वासी ददाभइयनके सँग आबए।

रोमियों 14:10

तओ तुम काहे सँगी बिश्वासीके उपर दोष लगात हओ? या तुम काहे अपने सँगी बिश्वासीके तुच्छ मानत हओ? हमर सबको न्याय परमेश्वरको न्याय-आसनके अग्गु होबैगो।

प्रेरित 27:23

मए परमेश्वरको आदमी हओं और बहेको आराधना करनडटो हओं। बहेको स्वर्गदूत कल रातके मेरे ठिन आएके कही,

प्रेरित 12:23

अइसियए राजा हेरोद परमेश्वरके आदर नाए दएके कारण अचानक प्रभुको एक स्वर्गदूत बोके प्रहार करी। और बक शरीरमे किरा पणिगए और बो मरिगओ।

प्रेरित 12:15

बे रोदासे कहिं, “तए बौलाए गओ हए कि का?” पर बो “हाँ, पत्रुसए हए, नेहात्तओ,” कहिके जिद्दी करी। बे कहिं, “उइसो हए कहेसे बो पत्रुसके रेखदेख करन बारो स्वर्गदूत हुइहए।”

प्रेरित 10:3

एक दिन दुपहारके लगभग तीन बजे घेन दर्शनमे स्पष्ट रुपसे देखी, कि परमेश्वरको एक स्वर्गदूत बोके ठिन भितर आएके कही, “ए कर्नेलियस!”

प्रेरित 5:19

पर प्रभुको एक स्वर्गदूत रातके जेलको फाटक खोलदइ, और बिनके बाहिर ल्याएके कही,

1 तिमोथी 4:12

अइसो ब्यबहार कर, कि कोइ फिर तोके हेल्हा नाए करपाबए काहेकी तए जवान हए। तेरो बोलो जान बारे शब्दमे, तेरो ब्यवहारमे, दुस्रेके उपर तेरो प्रेममे, ख्रीष्टमे तेरो बिश्वासमे और तेरो पबित्र जीबनसे तोके एक नमुना बनन पणैगो। ताकी बिश्वासी आदमी तिर अनुसरण कर पामएं।

1 कोरिन्थी 9:22

जब मए बे आदमीनके सँग होत हओं जौनको बिश्वास कमजोर हए, तओ उनके बरोबर ब्यबहार करत हओं। ताकी मए उनके ख्रीष्टके पिच्छु चलनमे मदत करपामओं। मए सब आदमीनके ताहीं सब कुछ बनो हओं, कि कोइन-कोइ रितिसे, कोइ कुछ आदमीके उद्धार करबाए पामओं।

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

रोमियों 14:21

उचित त जा होबैगो, कि बुट्टी मत् खाओ, दारु मत् पिइयओ और कोइ अइसो काम मत् करियओ जोसे तुमर सँगी बिश्वासीके पाप करन लगात हए।

प्रकाश 8:2

और मए बे सात स्वर्गदूतनके देखो जो परमेश्वरके अग्गु ठाणे रहात हएं, और उन्हएं सात तुरही दओगओ।

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

2 कोरिन्थी 10:10

काहेकी कुछ आदमी कहात हएं, “बोको चिट्ठी खरो और प्रभावशाली होत हएं, पर बो अपनए उपस्थित होत पेती बो कमजोर होत हए और बोको बचन व्यर्थ होत हए।”

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

लूका 10:16

जौन तुमर बात सुनत हए, बो मिर बात सुनत हए। जौन तुमके अस्वीकार करत हए, बो मोके अस्वीकार करत हए, और जौन मोके अस्वीकार करत हए, बो मोके पठान बारोके अस्वीकार करत हए।”

मत्ती 12:20

बा फुटो नरकुटा जैसो कमजोर आदमीके चोट देन बारो नाए हए, और बो धिपधिप होत दियाके जैसो, कोइ फिर सहाराबिहिन आदमीके चोट नाए देहए, अन्तमे बो न्यायको बिजय होनके कारण बनैगो।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।