मत्ती 16:27 - राना थारु नयाँ नियम

²⁷ काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

परमेस्वर को सच्चो वचन

²⁷ इंसान को लौड़ा अपने स्वर्गदूत के संग अपने दऊवा की महिमा मैं आगो, और बौ समय ‘बौ सबन कै उनके कामन के हिसाब से फल देगो।’

मत्ती 16:27 Referans Kwoze

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

रोमियों 2:6

परमेश्वर हर आदमीनके उनको काम अनुसार प्रतिफल देहए।

रोमियों 14:12

उइसो हए कहेसे, हम मैसे सबएके अपने-अपने कामको लेखा परमेश्वरके देन पणैगो।

इफिसियों 6:8

काहेकी तुम जान्त हओ, कि जो कोइ जैसो अच्छो काम करैगो, चहुँ दास होए चहुँ स्वतन्त्र आदमी, बोको पुरुस्कार बो प्रभुसे पाबैगो।

यहूदा 1:14

आदमसे लैके सातौ पिढीमे जन्मो भओ हनोक जे आदमीनके बारेमे अइसे कहिके अगमबाणी बोली रहए, “देखओ, प्रभु नेहात्तओ अपनो अनगिन्ती पबित्र स्वर्गदूतनके सँग आबैगो।

प्रकाश 20:12

और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

मत्ती 25:31

“जब मए, आदमीको लौंणा फिरसे आमंगो, तओ मए अपन महिमामे आमंगो और सब स्वर्गदूतके अपने सँग लामंगो। तओ मए सब आदमीनको न्याय करनके ताहीं अपन महिमामय सिंहासनमे बैठंगो।

लूका 21:27

तओपिच्छु मए आदमीको लौंणाके, महान शक्ति और बडो महिमाके सँग बद्रिमे आत देखंगे।

मर्कूस 14:62

येशू कही, “हाँ मए हओं, और तुम मए, आदमीको लौंणाके परमेश्वरको महान शक्तिको दहिने बाहुलीमे बैठो और तुम मोके फिरसे स्वर्गसे बादरके बद्रिके सँग आत देखैगे जहाँ परमेश्वर बैठतहए।”

मर्कूस 8:38

और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”

मत्ती 24:30

तओ आदमीको लौंणाको चिन्हा बादरमे दिखाबैगो, और पृथ्वीके सब चीज बिलाप करंगे, और बे आदमीको लौंणाके बादरमे भओ महान शक्ति और बडो महिमाके सँग आत देखंगे।

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

प्रेरित 1:11

और बे कहीं, “हे गालील परदेशके आदमी, तुम काहे ठाणके बादर घेन देख रहेहओ? जहे येशू, जौनके परमेश्वर तुमर ठिनसे स्वर्गमे लैगओ हए। ठिक जहे कता दुबारा आबैगो, जैसे तुम अभए बाके स्वर्गमे जात देखे हओ।”

मत्ती 26:64

येशू बोसे कही, “तुम अपनए कहीदए: तहुँफिर मए तुमसे कहात हओं, पर अबसे तुम आदमीको लौंणाके सर्बशक्तिमानके दहिना हात घेन बैठो, और बादरके बद्रिमे आत देखैगे।”

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

लूका 22:69

पर अब मए आदमीको लौंणा परमेश्वरको महान शक्तिको दहिना घेन बैठंगो।”

लूका 9:26

पर कोइ मोसे और मिर बचनसे शर्माबैगो कहेसे, मए, आदमीको लौंणा फिर अपनो महिमामे, और पिताको और परमेश्वरको पबित्र स्वर्गदूतको महिमामे आत बोकेसँग शर्मामंगो।

मत्ती 13:49

युगके अन्तमे अइसियए हुइहए, स्वर्गदूत आएके दुष्ट आदमीनके धर्मीनके बीचसे अलग करैगो

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

1 थेसलोनिकी 4:16

काहेकी प्रभु येशू अपनए स्वर्गमे उतरैगो; बो समय आदमी उँचो अबाजमे हुकुम देत सुनंगे, आदमी एक प्रधान स्वर्गदूतके मस्कत सुनंगे और आदमी एक स्वर्गदूतके परमेश्वरको तुरही बजात सुनंगे। और जो ख्रीष्टमे बिश्वास करतए मरिगए हएं, बे पहिले जीइ उठंगे।

मत्ती 13:41

मए, आदमीको लौंणा अपन स्वर्गदूत पठामंगो, और बे पाप करन लगान बारे हरएक कारणके और दुष्ट काम करबान बारे सबएके परमेश्वरको राज्यसे हटाएदेमंगे।

1 कोरिन्थी 8:8

जा सच हए, कि जो खानु हम खात हएं बहेसे हमके परमेश्वरको सहमति नाए मिलसकत हए। अगर हम बोके नाए फिर खएहएं तहुँ हम कुछ नाए खोत हएं। और अगर खामंगे तहुँफिर हम कछु नाए पामंगे

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

यूहन्ना 21:22

येशू पत्रुससे कही, “अगर मए चाँहत हओ, कि जा मेरे लौटन तक जिन्दा रहाबए, तओ तोए का होतहए? तए मिर चेला बनो रहो।”

यूहन्ना 21:23

जहेमारे जा बात बिश्वासी ददाभइयनमे फैलीगओ, कि बो दुस्रो चेला नाए मरैगो। तहुँफिर येशू बोसे जा नाए कही रहए, कि जा नाए मरैगो, बल्कि जा कही रहए, “अगर मए चाँहत हओ, कि जा मेरे लौटन तक जिन्दा रहाबए, तओ तोए का?”

1 कोरिन्थी 3:13

जब ख्रीष्ट फिरसे आबैगो तओ आगी हर आदमीको करोभओ कामके दिखाबैगो। आगी जहे दिखाबैगो, कि बो आदमीको कामको कोइ मोल हए या नाए हए।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

कलस्सी 3:25

काहेकी जो फिर खराब काम करन बन्द नाए करैगो, परमेश्वर बोके दण्ड देबैगो, परमेश्वर कोइके पक्षपात नाए करत हए।

याकूब 5:7

जहेमारे हे मेरे बिश्वासी ददाभइयओ, प्रभु नाए आनतक धिरजमे रहाओ। जैसे, किसानदार पृथ्वीको बहुमूल्य बालीको आसरा करतए प्रथम और अन्तिम बर्षा होन तक धिरज करत हए। ताकी फसल बढए, और कटनीके ताहीं तयार होबए।

1 यूहन्ना 2:28

छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।