मत्ती 10:41 - राना थारु नयाँ नियम

⁴¹ अगर तुम एक अगमबक्ताके स्वीकार करैगे जौन परमेश्वरके बचन बोलत हए, तुमके फिर अगम्बक्तए कता इनाम मिलैगो। जौन कोइ धर्मी जनके धर्मी जन मानके ग्रहण करैगो काहेकी बो धर्मी हए, और परमेश्वर धर्मी आदमीके देन बारो जैसो इनाम देबैगो।

परमेस्वर को सच्चो वचन

⁴¹ जो कोई भविस्यवक्ता कै तभई अपनाथै कि बौ भविस्यवक्ता है, बाकै बहे प्रतिफल मिलैगो जो भविस्यवक्ता कै मिलथै, और अगर कोई भले आदमी को तभईये स्वागत करथौ कि बौ भलो आदमी है बाकै सच मैं बहे प्रतिफल मिलैगो जो कोई धर्मी आदमी कै मिलनो चाहिए।

मत्ती 10:41 Referans Kwoze

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

2 यूहन्ना 1:8

जहेमारे तुमके होसियार रहानके चाहो, कि कहुँ जे आदमी तुमके धोखा नाए देमएं। ताकी परमेश्वरको सेवाके ताहीं तुमर द्वारा करेगए कोसिस बेकाममे नाए जाएं, पर तुमके बे सब आशिष मिलैगो, जौनको प्रतिज्ञा परमेश्वर तुमसे करीहए।

1 कोरिन्थी 9:17

मए जा अच्छो समाचार परचार करंगो कहेसे मोके इनाम मिलैगो। पर अगर जामे मिर कोइ इच्छा नाए हए, लेकिन अगर परमेश्वर मोके जा जिम्मेदारी दइ हए, तओ मए इनामको का आसरा कर सकत हओं? मए कोइ फिर इनामको आसरा नाए कर सकत हओं।

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 6:18

ताकी आदमी नाए, पर तुमर दौवा परमेश्वर जौन गुप्तमे हए, बो तुमए उपवास बैठो जानए। ताकी जा बात गुप्तमे होन बारो तुमर दौवा परमेश्वर देखए, और गुप्तमे देखन बारो दौवा परमेश्वर तुमके इनाम देहए।

रोमियों 16:23

गायस फिर तुमके अपनो नमस्कार पठाइ हए। मए बोको घरमे रहात हओं जहाँ मण्डली इकट्ठा होत हए। इरास्तस, जो सहरके ताहीं रुपैयाके मामलाके देखत हए, और हमर भइया क्‍वार्टस तुमके नमस्कार पठाइ हए।

मत्ती 6:6

पर जब तुम प्राथना करैगे तओ अपन कोठामे जाओ; और फाटक बन्द करके अपन दौवासे प्राथना करओ जो गुप्तमे हए, तओ तुमर दौवा जो गुप्तमे देखत हए तुमके प्रतिफल देबैगो।

प्रेरित 16:15

और बिश्वास करके, लिडिया और बोके घराना बप्तिस्मा लैं। तओ फिर बो हमके अपने घरमे बैठन अनुरोध करके कही, “अगर तुम मोके नेहात्तओ प्रभुमे बिश्वास करीभइ बहिनीया सम्झत हओ कहेसे हमरे घरमे आएके बैठदेबओ।” अइसे बो हमके बोके घरमे जानके कर लगाइ।

मत्ती 6:4

तुमर दान गुप्तमे होबए, और गुप्तमे देखन बारो तुमर दौवा तुमके इनाम देहए।

मत्ती 6:1

होसियार रहियओ! तुम आदमीनके दिखानके ताहीं भले काम मत् करओ। नत स्वर्गमे होन बारो तुमर दौवासे तुम कुछु इनाम नाए पएहओ।

मत्ती 7:8

काहेकी जौन कोइ मागत हए, बोके मिलत हए; और जौन ढुणत हए, बो पातहए; जौन ढकढकाबैगो, बोके ताहीं खुलो जाबैगो।

मत्ती 25:44

बे फिर अइसे कहिके जबाफ देहएं, ‘प्रभु, कब हम तुमके भुखानो और प्यासो देखे, परदेशी और नंग्बा और बिमार देखे, और जेलमे देखे, और तुमर सेवा नाए करे?’

मत्ती 25:45

तओ मए बिनके जबाफ देहओं, ‘नेहात्तओ, मए तुमसे कहात हओं, जा सबसे छोटे मैसे कोइ एककेसँग नाए करे, बो तुम मेरे ताहीं फिर नाए करे।’