लूका 9:51 - राना थारु नयाँ नियम

⁵¹ येशूको स्वर्ग जान बारो दिन ढिँगै आइगओ रहए, तओ बा यरूशलेम सहर घेन जान बिचार करी।

परमेस्वर को सच्चो वचन

⁵¹ जब ईसु स्वर्ग जानकै भौ, तौ बौ यरूसलेम कै जान ताहीं निकर पड़ो।

लूका 9:51 Referans Kwoze

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

लूका 18:31

येशू बाह्रऔ चेलाके अलग लैजाके कही, “देखओ, हम यरूशलेम सहर घेन जात हएं, और मए, आदमीको लौंणाके बारेमे अगमबक्तन द्वारा लिखो भओ, सबए बात पुरा होबैगी।

लूका 13:22

अब सहर-सहर और गाँउ-गाँउ हुइके अपन चेलनके सँग शिक्षा देत यात्रा करत यरूशलेम सहर घेन जात रहए।

लूका 17:11

जब येशू और बाके चेला यरूशलेम सहर जान बारो डगरमे जात रहएं, बे सामरिया और गालील परदेशके क्षेत्र हुइके जात रहएं।

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 6:20

हमरे ताहीं येशू हमसे अग्गु जा ठाउँमे जाएके बैठिगओ हए। मल्‍कीसेदेक पुजारी कता, बा सब दिनके ताहीं प्रधान यहूदी पुजारी भओ हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

इफिसियों 1:20

जौन ख्रीष्टके मरे भएन मैसे उठाइ और बाके स्वर्गमे परमेश्वरको दाहिना हातमे सम्मानको ठाउँमे बैठिगओ।

प्रेरित 1:9

इतका कहिके येशूसे चुनेभए चेला येशूके देखतए देखत परमेश्वर बाके स्वर्गमे उठाए लैगओ, और एक बद्रिके कारण चुनेभए चेला बाके औ नाए देख पाइं।

प्रेरित 1:2

येशू परमेश्वरद्वारा स्वर्गमे उठाए लैजानसे पहिले अपने चुनेभए चेलनके पबित्र आत्माकी मदतसे आज्ञा दइ।

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 16:28

मए दौवाके ठिनसे संसारमे आओ हओं, और अभए संसारके छोडके फिरसे दौवाके ठिन जानडटो हओं।”

यूहन्ना 16:5

“अब मए मोके पठान बारेके ठिन जाएरहो हओं, और तुम मैसे कोइ मोसे नाए पुँछत हए, ‘तुम कहाँ जाएरहे हओ?’

यूहन्ना 13:1

यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

यूहन्ना 6:62

उइसो हए कहेसे मए, आदमीको लौंणाके उपर स्वर्गमे जात देखैगे, जहाँ मए पहिले रहओं, तओ तुम का करैगे?

लूका 24:51

और बिनके आशिष दइके उनसे अलग हुइगओ और स्वर्गमे उठाओ लैगओ।

लूका 19:28

जा बात कहिके येशू यरूशलेम सहर घेन अपन चेलनके सँग बिनके अग्गु-अग्गु जात रहए।

लूका 19:11

जब आदमी जा सुन्त रहएं, तओ येशू अपन बात सुनातए बिनके एक कहानी बतान लागो। तओ बो बेरा येशू यरूशलेम सहरके ढिँगै रहए, और आदमीके लागो, कि परमेश्वरको राज्य आन बारो हए।

लूका 12:50

मिर अग्गु भयानक पिणाको बप्तिस्मा हए, जो मोके लेनके हए। बो चीज पुरा नाए होनतक मए बहुत व्याकुल हओं।

फिलिप्पी 3:14

लक्ष्य घेन दौरत जात हओं, ताकी बो इनाम पामओं। जाको इनाम जा हए, कि परमेश्वर मोके स्वर्गमे बुलानडटो हए काहेकी येशू ख्रीष्ट मेरे ताहीं मरो।

लूका 9:57

येशू डगरसे जात रहए, तओ एक आदमी येशूसे कही, “हे प्रभु, तुम जहाँ जएहओ मए तुमर पिच्छु-पिच्छु जामंगो।”