लूका 8:15 - राना थारु नयाँ नियम

¹⁵ पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

परमेस्वर को सच्चो वचन

¹⁵ अच्छी जमीन मैं के गिरे भै बे बीज हैं, जो कि बचन सुनकै अच्छे मन मैं समारे रखाथैं, और बे तौले बने रहथैं जबले कि बे फल ना लामैं।

लूका 8:15 Referans Kwoze

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

लूका 6:45

एक अच्छो मनै अपन मनमे भओ अच्छो चीजसे अच्छीयए बात निकारत हए। पर एक खराब मनै अपन मनमे भओ खराब चीजसे खराबए बात निकारत हए। काहेकी जौन बातसे मन भरो होतहए, आदमीनके मुँहुँसे बहे निकरत हए।”

1 यूहन्ना 2:3

अगर हम परमेश्वरको आज्ञाके मानंगे, तओ जासे हम जानलेमंगे, कि परमेश्वरके सँग हमर संगती हए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

यूहन्ना 14:15

अगर तुम मोके प्रेम करत हओ कहेसे, जो आज्ञा मए तुमके दओ हओं बोके फिर पालन करओ।

लूका 11:28

तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

यूहन्ना 15:10

अगर मिर आज्ञापालन करैगे, तओ तुमर प्रेम मोएमे बनो रहाबैगो, जैसी मए मिर दौवाको आज्ञापालन करो हओं, और दौवाको प्रेम मोएमे बनो रहात हए।

मत्ती 24:13

पर जौन अपने जीबनके अन्त तक मिर उपर बिश्वास करेरएहए, बो बचाओ जाबैगो।

हिब्रू 2:1

जहेमारे हमरी सिखाइ भइ बात पालन करनके ताहीं जद्धा ध्यान देन पणत हए, तओ हम सच्चाईसे दुर नाए जाए पामंगे।

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

1 कोरिन्थी 7:19

कोइको खतना भओ हए या नाए भओ हए, जासे कोइ फरक नाए पणत हए, पर परमेश्वरको आज्ञानके मानन बहुत जरुरी हए।

रोमियों 7:18

काहेकी मए जानत हओं, कि मोएमे अर्थात् मेरे पापमय आदमीको स्वभाबमे कोइ अच्छी चीज बास नाए करत हए, भले काम करनके ताहीं इच्छा त मोएमे हएं पर उनके करनके मोसे नाए हुइपात हए।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

याकूब 1:4

तुमके सब कुछ सहान सिखन पणो, ताकी तुम आत्मिक रुपसे मजबुत और सिद्ध होबओ, और कोइ फिर अच्छो गुणको कमी नाए रहाबए।

लूका 8:14

काँटोको बीचमे पणन बारे बेही हएं, जौन बचन सुनत हएं, पर पिच्छु जा जीबनको चिन्ता, धन, सुखमे पणके बढनाए पातहएं, और बे फरा नाए फरए पातहएं।

लूका 8:16

कोइ दिया पजारके बर्तनसे नाए तोपत हएं, और खटिया तरे नाए धरत हएं पर भितर आन बारेके उजियारो होबए कहिके आरोमे धरत हएं।

रोमियों 8:25

पर हमके कुछ अइसो पानको आसरा हए जो हमर ठिन अभए तक नैयाँ, जहेमारे हम धर्यसे तबतक आसरा करत हएं जब तक हम बोके प्राप्त नाए करलेमएं।