लूका 7:39 - राना थारु नयाँ नियम

³⁹ बो देखके, फरिसीनको समुहमैको एक आदमी जौन येशूके बुलाइ रहए, अपने मनमे सोँचन लागो, “अगर जा परमेश्वरको अगमबक्ता हुइतो कहेसे, बाके छुन बारी बेश्या बैयर हए, कहिके जान लित्तो।”

परमेस्वर को सच्चो वचन

³⁹ जब फरीसी जौ सब देखी, तौ बौ अपने मन मैं सोचन लगो, “अगर जौ आदमी सच्ची मैं एक भविस्यवक्ता होतो तौ जान जातो, कि जो बईय्यर जाकै छुइ रइ है, जौ कैसी है? काहैकि जौ तौ पाप भरी जिंदगी जीथै!”

लूका 7:39 Referans Kwoze

लूका 7:16

तओ सब जनै डराइगए, और परमेश्वरको महिमा करीं, और कहीं, “एक जनै महान अगमबक्ता हमर बीचमे आओ हए, और परमेश्वर अपने आदमीनके रेखदेख करनके आओ हए।”

लूका 15:2

जा आदमी त पापीके ग्रहण करत हए, और बिनके सँग खानपिन करत हए कहिके फरिसीनको समुह और मोशाको नियम कानुन सिखान बारे गनगन करन लागे।

मर्कूस 7:21

काहेकी, हृदय हर मेलको बुराइको जर हए, जैसेकी खराब बिचार, व्यभिचार, चोरी, हत्या, परस्त्रीगमन,

यूहन्ना 9:24

तओ यहूदी समुहके अगुवा बो अन्धरा आदमीसे दुस्रो चोटी बुलाएके कहीं, “परमेश्वरके अग्गु कसम खा, कि तए सच्चो बताबैगो, और हम जान्त हएं, कि बो आदमी पापी हए।”

यूहन्ना 7:12

भिडमे भए बहुत आदमी येशूके बारेमे बात करत रहएं। कुइ कहात रहएं, “बा अच्छो हए।” और दुस्रे कहात रहएं, “नाए हए, बा त आदमीके भ्रममे पणात हए।”

यूहन्ना 4:19

बो बैयर कही, “हजुर, मोके अइसो लागतहए, कि तुम परमेश्वरके अगमबक्ता हओ।

लूका 18:4

न्यायधीश बहुत दिनतक बक बात नाए मानी, पर अन्तमे मनमे बिचार करके कही, ‘होन त मए, नए परमेश्वरसे डरातहओं, और नए आदमीनको वास्ता करत हओं;

लूका 16:3

तओ ब्यवस्थापक सोँचन लागो, ‘अब मए का करओं? काहेकी मिर मालिक अब ब्यवस्थापकको काम अब मोसे छिन रहोहए: खेत जोतन-खोदनको काम करनकी तागत मोएमे नाएहए; और भिख मागन मोके शर्म लागतहए।

लूका 7:37

बहे गाउँकी एक बैयर अनैतिक जीबन बितान बारी रहए। तओ येशू, फरिसीनको समुह मैसे एक आदमीके घरमे खान बैठो रहए करके बो बैयर सुनी, और जटामसीको तेल सिङगमरमरकी शीशीमे, बहुत महिंगो महाँकन बारो तेल लैके बहे घरमे पुग्गइ।

लूका 3:8

जहेमारे पाप छोडके परमेश्वर घेन घुमओ, दण्डसे बचनके ताहीं अइसो काम करओ, कि तुम नेहत्तओ पाप छोडके परमेश्वर घेन घुमे हओ; और अपने-अपने मनमे मत् सोँचओ, कि परमेश्वर हमके दण्ड नाए देहए, काहेकी अब्राहाम हमर दौवा हए; पर मए तुमसे कहात हओं, परमेश्वर तुमर ठिहा लेनके ताहीं अब्राहामके ताहीं पत्थरसे सन्तान उत्पन्न करसकत हए।

लूका 12:17

बो अपन मनमे सोँचन लागो, ‘मेरे ठिन सरा अनाज धरनके ताहीं भारी ठाउँ नाए हए, अब मोके का करन पणैगो कहिके मोए पता नाए हए।’

मत्ती 20:16

अइसियए पिच्छु बारे अग्गु हुइहएं और अग्गु बारे पिच्छु हुइहएं।”

मत्ती 21:11

भिडके आदमी जबाफ दइं, “जे गालीलके नासरत गाउँसे आएभए अगमबक्ता, येशू हएं।”

लूका 7:38

और येशूके पिच्छुसे आएके बाको पाउँ ठिन ठाणके रोनलागी और आँसुसे येशूको गोडो धोए दइ, और अपन मुणको बारसे पोछनलागी और येशूको पाउँके चुमके जटामसीको तेल अख्नाएके मिस्लन लागी।

लूका 7:40

येशू बोको बिचार पता पाएके बोके जबाफ दइके कही, “ए सिमोन, मोके तोसे कुछ बात कहानके हए।” बो कही, “बताबओ, गुरुज्यू।”