लूका 6:8 - राना थारु नयाँ नियम

⁸ पर येशू बिनकी नियत पता पाइगओ रहए, और लुला हात भओ आदमीसे कही, “हियाँ आ, और ठाण।” तओ बो उठो, और ठाणिगओ।

परमेस्वर को सच्चो वचन

⁸ लेकिन ईसु उनकी मन की बात जानत रहै; इसलै ईसु जोके हाथ मैं फालिस मारी रहै, बौ आदमी से कही, “उठ, ठाड़कै अग्गु आ।” बौ आदमी उठकै हुँआँ ठाड़गौ।

लूका 6:8 Referans Kwoze

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

मत्ती 9:4

येशू उनको बिचार पता पएके कही, “तुम काहे अपन हृदयमे खराब बिचार सोँचत हओ?

1 पतरस 4:1

जहेमारे ख्रीष्ट अपनो शरीरमे रहातए दुख भोगी, और तुम फिर बहे कता बिचार करके दुख उठान तयार होन पणत हए। काहेकी अगर तुम ख्रीष्टके ताहीं दुख उठान इच्छा करत हओ कहेसे, तुम पाप करन छोडनको फैसला करे हओ।

हिब्रू 4:13

परमेश्वरके नजरमे कोइ आदमी नाए लुको हए। और बाके हम, अपनो जीबनभर करोभओ कामको लेखा देन पणैगो। बाके अग्गु सब चीज स्‍पष्‍ट और खुल्ला हए।

फिलिप्पी 1:28

और तुम अपनो बिरोधीनसे नाए डरात हओ। तुमर सहास उनके ताहीं बिनाशको चिन्हा हए, पर तुमर ताहीं उद्धारको चिन्हा हए, और जा परमेश्वरके घेनसे हए।

प्रेरित 26:26

राजा अग्रिपासके जे बातके बारेमे सब पता हए, बोसे मए जा बात निडर हुइके कहे सकत हओं। और मोके बिश्वास हए, कि जे बात बासे लुकी नैयाँ, काहेकी जे बात गुप्तमे नाए भओ रहए।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

यूहन्ना 21:17

येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।

यूहन्ना 9:4

जौन मोके पठाइ हए, मोके जल्दीयए बाके द्वारा सौँपो गओ कामके पुरा करनके हए। बो रात आन बारी हए, जोमे कोइ फिर काम नाए करपाबैगो।

यूहन्ना 2:25

और येशूके कोइकी जरुरत नाए रहए, जो बाके आदमीनके बारेमे बताए, काहेकी आदमीनकी मनकी बात और बिचारके बारेमे येशूके पता रहए।

लूका 5:22

पर येशू बिनको मनकी बात पता पएके बिनके जबाफ दइके कही, “तुम अपन हृदयमे काहे अइसो सोँचत हओ?

लूका 6:9

तओ येशू बिनसे कही, “मए तुमसे पुछत हओं, पबित्र दिनमे, मोशाको कानुन हमके अच्छो करनके कहात हए, कि गलत करन कहात हए? कोइको जीबनके बचान कहात हए, कि बोके मारदेनके कहात हए?”

मर्कूस 3:3

तओ येशू लुला हात भओ मनैसे कही, “सब आदमीनके बीचमे ठाण।”

लूका 13:12

येशू बोके देखी, और बुलाएके कही, “ए नारी, तोके कमजोर बनान बारो रोगसे तए मुक्त हुइगओ हए।”