लूका 6:13 - राना थारु नयाँ नियम

¹³ भोरभए येशू अपन चेलनके अपन ठिन बुलाएके बिन मैसे बाह्र जनैके छाँटी, और “चुनेभए चेला” करके नाउँ दइ।

परमेस्वर को सच्चो वचन

¹³ जब दिन भौ, तौ ईसु अपने चेलन कै बुलाई और उनमैं से बारह कै चुनी, जिनकै ईसु प्रेरित को नाओं दई:

लूका 6:13 Referans Kwoze

प्रकाश 21:14

बे, सहरको दिबाल बणे-बणे बाह्र पत्थरके उपर बनाए रहएं। और हर एक पत्थरमे थुमाको बाह्र चुनेभए चेलन मैसे एक-एकको नाउँ लिखो रहए।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

मर्कूस 6:30

जब बे चुनेभए चेला, जौननके येशू पठाइ रहए, बे लौटके आए और आएके बाके चारौ घेन इकट्ठा हुइगए, बे जो-जो करी रहएं और सिखाइ रहएं सब बाके बताए दइं।

मर्कूस 6:7

कुछ समय पिच्छु, येशू बाह्र चेलनके अपने ठिन बुलाइ और बिनके भुतके निकारन अधिकार दइ। तओ येशू बिनके दुई-दुई जनैको समुह बनाएके पठाइ।

मत्ती 9:36

पर भिडके देखके येशूको हृदय बिनके ताहीं दयासे भरीगओ। काहेकी बे बकरेहेरा बिनाको भेंणा हानी रहएं, जौनक बकरेहेरा नाए होत हएं। बे व्याकुल और भटके भए रहएं।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”

प्रकाश 12:1

जब बो खतम हुइगओ, तओ हुवाँ एक बादरमे भओ अचम्मोको चिन्हा देखो जाए सकत रहए। काहेकी जोनीमे एक बैयर देखा पणी, जौन अइसो लत्ता पैँधे रहए, जो सूर्य कता चम्कत रहए। बो अपनी मुणमे एक मुकुट पैँधे रहए जोमे बाह्र तारा रहएं।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

इफिसियों 2:20

चुनेभए चेला और अगमबक्तनको डरो भओ जगमे बनाओ भओ घर तुम फिर हओ। जगको मूल पत्थर येशू ख्रीष्ट अपनए हए।

प्रेरित 1:13

और जब यरूशलेम सहरमे पुगे तओ बे घरको उपरको कोठामे गए। जो आदमी हुवाँ उपस्थित रहएं, बे जे रहएं; पत्रुस, यूहन्ना, याकूब, अन्द्रियास, फिलिप और थोमा, बारथोलोमाइ और मत्ती, अल्फयसको लौंणा याकूब और उग्रपन्थी दलको सिमोन कनानी और याकूबको लौंणा यहूदा रहएं।

लूका 22:30

ताकी मिर राज्यमे तुम मिर टेबुलमे खाबैगे और पिबैगे, और इस्राएल देशके बाह्रऔ कुलके न्याय करके सिंहासनमे बैठैगे।”

लूका 11:49

जहेमारे परमेश्वरको बुद्धि फिर कहात हए, कि मए बिनके ठिन परमेश्वरके अगमबक्तनके और चुनेभए चेलाके पठामंगो। उन मैसे कोइके मारङगे और कोइके सतामंगे।

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मत्ती 10:2

बे बाह्र चुनेभए चेलन्को नाउँ जेही हएं, पहिलो पत्रुस कहान बारो सिमोन और बिनको भइया अन्द्रियास, जब्दियाके लौंणा याकूब और बिनको भइया यूहन्ना,

लूका 6:14

सिमोन, जौनके बा पत्रुस नाउँ दइ, और बोको भइया अन्द्रियास, याकूब और यूहन्ना, फिलिप और बारथोलोमाइ।

यूहन्ना 4:33

तओ चेला आपसमे कहीं, “का कोइ बाके ताहीं खानु ल्याएदइ हए?”