लूका 22:20 - राना थारु नयाँ नियम

²⁰ अइसियए खाएके येशू कटोरा लइ और कही, “जा कटोरा तुमर ताहीं बहाओ गओ मिर बलिदानको खुनमे स्थापित करोभओ नयाँ करार हए।

परमेस्वर को सच्चो वचन

²⁰ बैसिये, बौ उनकै खानु खान के बाद प्यालो जौ कहकै दई, “जौ प्यालो परमेस्वर कि नई वाचा है जोके ऊपर मेरे बौ खून से मुहर लगाई गई है, जो तुमरे ताहीं बहाओ जाथै।”

लूका 22:20 Referans Kwoze

1 कोरिन्थी 11:25

अइसियए करके बा कटोरा लैके धन्यबाद दइ और अइसे कही, “जा कटोरा मिर खुनमे भओ नयाँ करार हए। जब-जब तुम जा पिबैगे, मिर सम्झनाके ताहीं जा करतए रहियओ।”

मत्ती 26:28

काहेकी जा नयाँ करारको बलिदानको खुन हए, जा बहुतके ताहीं पापनको क्षमाके ताहीं बहोहए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 12:24

तुम परमेश्वर और आदमीनके बीचमे नयाँ करार बाँधदेन बारो मध्‍यस्‍थकर्ता येशू ख्रीष्ट ठिन आए हओ, और छिँटो भओ खुनमे आए हओ, जौन हाबिलको खुन कता न्यायके ताहीं चिल्लानके सट्टामे माफीके बारेमे कहात हए।

हिब्रू 9:17

काहेकी सम्पतिको मालीक जिन्दा होनतक बो इच्छापत्रको कोइ महत्त्व नाए होत हए। बो आदमी मरजाबैगो तब्ही इकल्लो बो इच्छापत्रको महत्त्व होत हए।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

मर्कूस 14:24

और बा बिनसे कही, “जा दाखको रसा मिर बलिदानको खुन हए। मिर खुन बहुत आदमीनके घेनसे बलिदानके रुपमे अख्नाओ जाबैगो। जा, बो नयाँ करारके साबित करैगो, जो परमेश्वर अपन आदमीनके ताहीं बहान डटो हए।