लूका 18:13 - राना थारु नयाँ नियम

¹³ पर कर उठान बारो दुरसे ठाणके, जोके स्वर्ग घेन देखन फिर हिम्मत नाए रहए, दुखी हुइके अइसे कहात अपन छाती पिट-पिटके कही, ‘हे परमेश्वर, मए एक पापी हओं। मोके दया करओ और मोके क्षमा करओ!’

परमेस्वर को सच्चो वचन

¹³ लेकिन लगान लेन बारो दूरै से ठाड़कै, स्वर्ग के घाँईं अपनी सकल भी नाय करी, बल्किन अपनी छाती पीट-पीटकै कहथै, ‘परमेस्वर मैं तौ पापी हौं मेरे ऊपर दया कर!’”

लूका 18:13 Referans Kwoze

1 तिमोथी 1:15

जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

लूका 23:48

जा दृश्य देखन ताहीं जमा भए सब आदमी जा घटनाके देखके बे अपन छाती पिटपिटके अपन घरमे घुमिगए, जा दिखानके ताहीं, कि बे बहुत दुखी रहएं।

हिब्रू 8:12

मए बिनको अपराध क्षमा करेदेहओं, और उनको पापनके फिर कभु याद नाए करंगो।”

प्रेरित 2:37

जब आदमी जा बात सुनीं, तओ बे अपनएके बहुत दोषी महसुस करीं, तओ पत्रुस और चुनेभए चेलासे बे पुँछीं, “हे, बिश्वासी ददाभइया, हम का करएं?”

हिब्रू 4:16

जहेमारे सहाससे परमेश्वरके अग्गु जामएं, जो अनुग्रहसे भरोहए। और जरुरत पणो समयमे हम परमेश्वरसे दया और अनुग्रह पामंगे।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

लूका 5:8

तओ जा देखके येशूके पाउँ पणके सिमोन पत्रुस कही, “हे प्रभु, मिर ठिनसे चलेजाओ, काहेकी मए पापी आदमी हओं।”

2 कोरिन्थी 7:11

देखओ, जा परमेश्वरको इच्छा अनुसारको जा दुख, तुमरमे कैसो-कैसो बदलाओ आओ हए: अइसो उत्सहासे भरो तत्परता, अपनएके निर्दोष बनान बारो इतनो बडो इच्छा, अन्यायके ताहीं क्रोध, समस्याके प्रती अइसो साबधानी, मोके भेँटनके ताहीं इतना बडो इच्छा, सेवाके ताहीं उत्सहा, और गलत काम करन बारेनके अइसो तिब्रता द्वारा तुम जा साबित करेहओ, कि सब बात असल रितिसे करनमे तुम कुछु फिर कमी नाए करेहओ।

मत्ती 9:13

जाको अर्थ का हए, तुम सिखओ: ‘मए जानबरको बलिदान नाए, पर दया चाँहत हओं,’ काहेकी मए धर्मीनके नाए, पर पापीनके बचानके आओ हओं।”

लूका 17:12

और एक गाउँमे घुसत पेती कोढ रोग लागेभए दश आदमीनसे बाको भेँट भओ।

मत्ती 6:5

जब तुम प्राथना करैगे तओ कपटी आदमी कता मत् होओ काहेकी आदमीनके दिखानके ताहीं सभाघरमे और सडकके चौराहोमे ठाणके प्राथना करन उनके अच्छो लगत हए। नेहात्तओ मए तुमसे कहात हओं, कि बे अप्नो प्रतिफल पाएडारी हएं।

मत्ती 10:3

फिलिप और बारथोलोमाइ, थोमा और कर उठान बारो मत्ती, अल्फयसको लौंणा याकूब और थेदियस,

मर्कूस 11:25

अइसियए, जब तुम परमेश्वरसे प्राथना करनके ठाणत हओ, तओ कोइके बिरुद्धमे तुमर कुछ हए तओ क्षमा करीयओ, ताकी परमेश्वर तुमर दौवा जो स्वर्गमे रहात हए बा फिर तुमर पाप क्षमा करए।

लूका 22:41

येशू बिनसे लगभग: तीस मिटर दुर जाएके घुँटो टेकके परमेश्वरसे अइसे प्राथना करी,