लूका 17:16 - राना थारु नयाँ नियम

¹⁶ और येशूके धन्यबाद देत बाको पाउँमे घुपटा पणिगओ। और बो एक सामरी सहरमे रहान बारो आदमी रहए।

परमेस्वर को सच्चो वचन

¹⁶ और बौ ईसु के पाओं मैं घुपटियाय कै बाको धन्यवाद करी। और बौ एक सामरी आदमी रहै।

लूका 17:16 Referans Kwoze

मत्ती 10:5

येशू जे बाह्र चेलनके अइसो आज्ञा दइके पठाइ, “गैर-यहूदी आदमीनके बीचमे मत् जैयओ, और सामरी सहरमे रहान बारेनके सहरमे मत् घुसियओ।

प्रकाश 19:10

जब मए जा बात सुनो तओ मए बो आदमीके अग्गु घुपटा पणो, जौन मोके जे बात बतानडटो रहए। काहेकी मए बाकी आराधना करन जानडटो रहओं। बा मोसे कही, “मिर आराधना मत् कर। तोके परमेश्वरएको आराधना करन पणैगो, काहेकी मए फिर तेरेकता परमेश्वरको दास हओं और येशू ख्रीष्टके प्रभुके रुपमे स्वीकार करोभओ तोही कता बिश्वासी ददाभइया हओं। बो सत्य, जो येशू प्रकट करी रहए, बो सत्य आदमीनके परमेश्वरको बचन परचार करन लायक बनातहए।”

प्रकाश 5:14

तओ चारौ जिन्दा प्राणी, “आमेन” कहीं। और बे धर्मगुरु घुपटा पणके आराधना करीं।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

यूहन्ना 4:9

तओ सामरी बैयर येशूसे कही, “तुम एक यहूदी समुहके हओ, मए एक सामरी बैयर हओं। तुम मोसे पानी काहे मागत हओ?” काहेकी यहूदी समुहके आदमी सामरी सहरमे रहान बारेनसे कुछु सम्बन्ध नाए रख्त रहएं।

यूहन्ना 8:48

यहूदी अगुवा येशूसे पुछीं, “हम जा कहानमे सही नाए हएं, कि तए एक सामरी सहरमे रहान बारो हए और तोएमे एक भुत लागो हए?”

लूका 5:8

तओ जा देखके येशूके पाउँ पणके सिमोन पत्रुस कही, “हे प्रभु, मिर ठिनसे चलेजाओ, काहेकी मए पापी आदमी हओं।”

मर्कूस 5:33

तओ बो बैयर अपना अच्छी भइ पता पाएके डरसे थरथरात आइ और येशूके आगु घुपटा पणिगै। और जो कुछ भओ रहए बो सब बात ठिकए ठिक बताए दइ।

मत्ती 2:11

और जब बे घर भितर घुसे तओ, बच्चाके और बाकी अइया मरियमके सँगमे देखीं, और झुक्के आराधना करीं। तओ अपन झोला खोलके बाके सोनो, मिठो बासना आन बारो धुप और मिठो बासना आन बारो मूर्रको तेलकी भेँटी चढाइं।

लूका 17:17

और येशू कही, “का दशौं आदमी अच्छे नाएभए, तओ फिर नौ जनै कहाँ हएं?

1 कोरिन्थी 14:25

परमेश्वरको सन्देशके कारण बोके अपनो खराब काम और बोको गुप्तमे भए सोँचके बारेमे महसुस होबैगो। तओ बोके महसुस होबैगो कि बो पापी हए, तओ बो अपन मन परमेश्वरके घेन घुमाबैगो और पाप करन छोडदेहए। और बो परमेश्वरको आराधना करतए कहाबैगो “परमेश्वर नेहात्तओकमे हियाँ तुमर बीचमे हए।”