लूका 16:2 - राना थारु नयाँ नियम

² तओ मालिक ब्यवस्थापकके बुलाएके कही, ‘जा का हए जो मए तेरे बारेमे सुन रहो हओं? तए मिर रुपैयासे का करोहए बोको लेखा दे; काहेकी तए अबसे ब्यवस्थापक नाए रहाबैगो।’

परमेस्वर को सच्चो वचन

² तभईये बौ बाकै भीतर बुलाएकै कहथै, ‘जौ मैं तेरे बारे मैं का सुन रहों हौं? मेरी जायदाद को हिसाब दे, काहैकि अब तू मेरो भंडारी नाय रह सकथै।’

लूका 16:2 Referans Kwoze

प्रकाश 20:12

और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

1 पतरस 4:10

हर आदमी परमेश्वरसे बरदान पाइहए और बे बो बरदान औरेनके मदत करन प्रयोग करन पणत हए। बे अपनो बरदानके परमेश्वरके दास कता अच्छेसे प्रयोग करन पणत हए।

1 पतरस 4:5

पर एक दिन बिनके नेहात्तओ परमेश्वरके अग्गु न्यायके ताहीं ठाणन पणैगो, और परमेश्वर बे सबसे पृथ्वीमे करोभओ कामके बारेमे पुँछैगो। परमेश्वर जिन्दनके और मेरे भएन्को न्याय करैगो।

1 तिमोथी 5:24

मए तोसे कहात हओं, कि मण्डलीके रेखदेख करन बारो सेवकके चुननके हतार मत् करीए, काहेकी कुछ आदमी खुल्लम-खुल्ला पाप करत हएं। हियाँतककी न्याय होनसे अग्गुवए, बे बिश्वासीनके अग्गु स्पष्ट रुपसे दोषी हएं। दुस्रे आदमीनको पाप उतना स्पष्ट नाए होत हएं, और सिरफ पच्छुजाएके इकल्लो देखा पणत हएं।

1 तिमोथी 4:14

बहे बातके याद कर, जब मण्डलीको अगुवाको समुह अपन हात तिर उपर धरी रहएं और परमेश्वर उनके तिर खास योग्यताके बारेमे बतानके ताहीं सन्देश दइ रहए। बो योग्यताके हेल्हा मत् करए।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

1 कोरिन्थी 4:2

एक आदमी जोके अपनो मालिक द्वारा काम करनके ताहीं दओगओ हए, बोके सचमे बिश्वासयोग्य होनचाहो, ताकी बो आदमी बहे कामके करए जो करनके बोके आज्ञा दओगओ हए।

1 कोरिन्थी 1:11

काहेकी, मेरे बिश्वासी ददाभइया, क्लोएके परिवारके आदमी मोके तुमर बारेमे बताइ हएं, कि तुमर बीचमे लणाइ होए रहो हए।

रोमियों 14:12

उइसो हए कहेसे, हम मैसे सबएके अपने-अपने कामको लेखा परमेश्वरके देन पणैगो।

लूका 12:42

प्रभु कही, “बो बिश्वासी और बुध्दिमानी भण्डारे कौन हए, जौन बक मालिक अपन परिवारके ठिक समयमे उनको भागमे पणन बारो भोजन देन ताहीं खटाबैगो?

लूका 12:20

पर परमेश्वर बोसे कही, ‘ए मुरख! आज रातके तए मरजाबैगो; और बे चीजके कौन लेबैगो, जौनके तए अपन ताहीं इकट्ठा करो हए?’

मत्ती 12:36

मए तुमसे कहात हओं, हरेक व्यर्थकी बात जो आदमी मस्कत हए, न्यायके दिनमे बिनके बोको लेखा देन पणैगो।

मत्ती 20:8

संझाके अंगुरको बारीको जमिनदार अपने मुन्सीसे कही, “मजदुरनके बुलाएके सबसे पिच्छु काम करन आन बारेनसे लैके सुरुसे काम करन आन बारेनके सबके उनको देहाणी देओ।”

लूका 16:1

फिर येशू चेलनसे जा कहानी बताएके कही, “कोइ धनी आदमीको एक ब्यवस्थापक रहए, और बो अपन मालिकके अग्गु ब्यवस्थापकके जा दोष लगाएके कही, कि जा तुमर सब सम्पति उणाए रहोहए।

लूका 16:3

तओ ब्यवस्थापक सोँचन लागो, ‘अब मए का करओं? काहेकी मिर मालिक अब ब्यवस्थापकको काम अब मोसे छिन रहोहए: खेत जोतन-खोदनको काम करनकी तागत मोएमे नाएहए; और भिख मागन मोके शर्म लागतहए।