लूका 15:29 - राना थारु नयाँ नियम

²⁹ बो अपन दौवाके जबाफ दइ, ‘देख; मए इतनो साल तिर सेवा कररहो हओं, और कभी फिर तिर आज्ञा उल्‍लङ्घन नाए करो, तहुँफिर तए मोके एक जानबरको बच्चा फिर नाए दओ, कि मए अपन सँगीके सँग आनन्द मनाए पामओं।

परमेस्वर को सच्चो वचन

²⁹ पर बौ दऊवा कै जबाब दई, ‘देख; मैं इतने साल से तेरी सेवा कर रहो हौं, और कभी भी तेरो आग्या नाय टालो, फिर तू मोकै आज तक एक बकरिया को बच्चा तक नाय दौ, कि मैं अपने दोस्तनौ के संग खुसी मनामौ!

लूका 15:29 Referans Kwoze

प्रकाश 3:17

तए कहात हए, ‘मए धनी हओं और मिर सँग बहुत धनसम्पति हए। मोके चाहन बारी सब चीज मेरे सँग हए।’ पर सच्चो जा हए, कि तए अन्धरा कता हए, तए खासमे कैसो हए कहान बारी बात तोके पता नाए हए। तोके दयाको जरुरत हए, काहेकी तए गरीब हए, जाको मतलब तोके बिश्वासको जरुरत हए। तए फिर बहे आदमी कता हए जोके सँग लत्ता नाए होत हए।

प्रकाश 2:17

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो, जो परमेश्वरको पबित्र आत्मा मण्डलीनसे कहात हए: बे आदमी जो बुराइके हराए देत हएं, मए उन्हएं बहे मन्न मैसे कुछ चीज देमंगो, जो चीज लुको हए। मए उन मैसे सबके एक सेतो पत्थर देहओं, जोमे एक नयाँ लिखो भओ होबैगो। जौन आदमी बोके पाबैगो, बोके छोडके कोइ फिर बो नाउँके नाए समझ पाबैगो।”

रोमियों 10:3

काहेकी बे, धार्मिकता जो परमेश्वरके घेनसे आतहए बोके पहिचानन्मे बिफल हुइके, बे अपनी तरिकासे धर्मी बनन्के कोसिस करके जो धार्मिकता परमेश्वरसे आतहए बोके अधिनमे नाएभए।

रोमियों 7:9

मए त पहिले नियम कानुनके सम्झे बिना जीबन जीइत रहओं, पर जब मए नियम कानुनके जानो, तओ पापको शक्ति बढन लागो, और मए परमेश्वरसे दुर हुइगओ।

लूका 19:21

मए तुमसे डराइगओ, काहेकी तुम कठोर आदमी हओ। जो नाए धरत हओ बो लेतहओ, और जो नाए बोत हओ, हुवाँसे कटनी करत हओ।’

लूका 18:9

अपन बारेमे इकल्लो सोँचन बारे और अपनएके धर्मी मानन बारे और दुस्रेनसे हेला करन बारेनसे येशू जा कहानी कही:

लूका 17:10

उइसी करके, जब तुम बो सब कुछ करलए हओ जो तुमके करनके ताहीं कहोगओ रहए, तओ जा कहान चाहो, ‘हम त नालायक नोकर हएं; काहेकी जो हमएं करनके रहए बहे करे।’”

लूका 15:7

मए तुमसे कहात हओं; जहे रितिसे पाप करन छोडके परमेश्वर घेन घुमन बारे, उनानसय धर्मीसे फिर अपनो पाप मानके पछुतो करन बारो एक पापीके ताहीं स्वर्गमे बहुत आनन्द होबैगो।”

मत्ती 20:12

बे कहान लागे “बे पिच्छु आन बारे एकए घण्टा काम करीं, और तुम बिनके उतनुवए देहाणी दएहओ, जितनो तुम हमके दए हओ। और हम गजब कर्रो घामुमे पुरो दिन कडा महेनत करे।”

रोमियों 3:27

तओ, का अइसो कुछ हए, जोके बारेमे हम घमण्ड कर सकएं? घमण्ड करनको त बातए नैयाँ। कौनछो नियमके कारणसे हम घमण्ड करएं? का जा जहे कारण हए, कि हम नियम कानुनके पालन करत हएं? नाए! बिरकुल नाए! बल्कि, येशू ख्रीष्टमे हमर बिश्वासको कारण हममे धर्म-कर्मको घमण्ड करनकी बातए नाए आत हए।

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

लूका 15:28

जा सुनके बो गुस्सासे भरीगओ और घरमे भितर जानके नाए मानी: जहेमारे बोको दौवा बाहिर आओ और घर भितर आनके ताहीं बडो लौंणासे बिन्ती करन लागो।

लूका 15:30

जब तिर जा लौंणा, जौन तेरो धनसम्पति वेश्याके सँग उणाएके आओ हए, और तए बोके ताहीं जानबर काटके बडो भोज खानके तयार करबाओ हए।’