लूका 15:28 - राना थारु नयाँ नियम

²⁸ जा सुनके बो गुस्सासे भरीगओ और घरमे भितर जानके नाए मानी: जहेमारे बोको दौवा बाहिर आओ और घर भितर आनके ताहीं बडो लौंणासे बिन्ती करन लागो।

परमेस्वर को सच्चो वचन

²⁸ बौ बड़ा गुस्सा से भरगौ और घर के भीतर नाय जानो चाही: पर बाको दऊवा दुआरे आयकै बासे नहोरे करी, की बौ भीतर आबै।

लूका 15:28 Referans Kwoze

लूका 15:2

जा आदमी त पापीके ग्रहण करत हए, और बिनके सँग खानपिन करत हए कहिके फरिसीनको समुह और मोशाको नियम कानुन सिखान बारे गनगन करन लागे।

लूका 7:39

बो देखके, फरिसीनको समुहमैको एक आदमी जौन येशूके बुलाइ रहए, अपने मनमे सोँचन लागो, “अगर जा परमेश्वरको अगमबक्ता हुइतो कहेसे, बाके छुन बारी बेश्या बैयर हए, कहिके जान लित्तो।”

प्रेरित 14:2

पर बिश्वास नाए करन बारे यहूदी, गैर-यहूदी आदमीनके प्रभुमे बिश्वास करन बारे बिश्वासी ददाभइयनको बिरोधमे भणकाइं।

प्रेरित 13:45

पर यहूदी अगुवा भिडनके देखके दिक्कसे भरीगए और पावलको बत्काओ भओ बातके बिरोध करतए उनको बदनाम करन लागे।

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

लूका 13:34

हे यरूशलेम सहरके आदमी! तुम परमेश्वरके अगमबक्तनके मारडारे जो बहुत पहिले रहएं। और बे आदमीनके पत्थर मारे रहओ, जौन तुमर ठिन पठाएगए रहएं। बहुत चोटी मए जा चाहो, कि जैसी मुर्गी अपन चिङगनन्के पखना तरे बटोरत हए, उइसीयए मए फिर तुमर बालकाके रेखदेख करन चाहो, पर तुम नाए माने।

लूका 5:30

फरिसीनको समुह और मोशाको नियम कानुन सिखान बारे आदमी येशूके, चेलनके बिरुद्धमे अइसो कहिके काहान लागे, “तुम कर उठान बारे और पापीनके सँग काहे खानपिन करत हओ?”

मत्ती 20:11

जब देहाणी मिली, तओ बे जमिनदारके बारेमे बरबरात कहान लागे।

1 थेसलोनिकी 2:16

और अब बे, गैर-यहूदीनसे उनको उद्धारके ताहीं बात करनसे हमके रोकत हएं। बे अपने पापमे, पाप जोडतए जात हएं, अब अन्तमे परमेश्वर नेहात्तओ उनके दण्ड देन बारो हए।

2 कोरिन्थी 5:20

जहेमारे हम ख्रीष्टके राजदूत हएं, और परमेश्वर आदमीनके हम द्वारा बाको सन्देश स्वीकार करनके बिन्ती करनडटो हए। ख्रीष्टके पक्षमे हम तुमके बिन्ती करत हएं, कि तुम परमेश्वर सँग मेलमिलापमे आबओ।

रोमियों 10:19

मए फिरसे पुँछत हओं। का जा सत्य हए, कि इस्राएल देशके आदमीनके ख्रीष्टके बारेमे सन्देश समझमे आओ? हाँ, बे बुझडारी हएं। पहिले त प्रभु, मोशाके द्वारा जा कही, “मए तुमके बेहीं जाति-जातिनसे जलन करबामंगो जो इस्राएल देशके नाए हएं, मए तुमके बेहीं आदमीनसे गुस्सा होनको कारण बनामंगो जौनन्के यहूदी मुरख सम्झत हएं।”

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

मर्कूस 1:40

एक दिन, एक कोढ रोगसे पिणित आदमी येशूके ठिन आएके घुँटो टेकी और अइसे बिन्ती करी, “तुमर इच्छा हए तओ मोके अच्छो करडारैगे, ताकी मए धार्मिक रिबाजके अनुसार शुद्ध हुइजाओं।”

लूका 15:27

कमैया बोसे कही, ‘तुमर भइया घरमे लौटके आओ हए, और तुमर दौवा जानबर काटके बडो भोज तयार करबाइ हए। काहेकी बो सुरक्षित और स्वस्थ घर लौटो हए।’

लूका 15:29

बो अपन दौवाके जबाफ दइ, ‘देख; मए इतनो साल तिर सेवा कररहो हओं, और कभी फिर तिर आज्ञा उल्‍लङ्घन नाए करो, तहुँफिर तए मोके एक जानबरको बच्चा फिर नाए दओ, कि मए अपन सँगीके सँग आनन्द मनाए पामओं।