लूका 13:13 - राना थारु नयाँ नियम

¹³ तओ येशू बोके उपर अपन हात धरी, और बो तुरन्तए सुध हुइगइ, और परमेश्वरको प्रसंसा करन लागी।

परमेस्वर को सच्चो वचन

¹³ ईसु बाके ऊपर हाथ धरी, और बौ तुरंतै सीधी हुई गई, और परमेस्वर कि बड़ाँईं करन लग गई।

लूका 13:13 Referans Kwoze

मर्कूस 16:18

अगर बे बिष बारे साँपन्के पकडंगे, तहुँफिर साँप बिनके नुक्सान नाए पुगाबैगो। और अगर कुइ बिषालु चीज पिमंगे, तओ जासे बिनके कोइ हानी नाए हुइहए। बे रोगीनके उपर हात धरंगे और बे अच्छे होमंगे।”

मर्कूस 5:23

और अइसे कहिके बिन्ती करी, “मेरी छोटी लौंणीया मरन लगीहए, तुम आएके बोके उपर हात धरदेओ, ताकी बो अच्छी हुइके जीइजए।”

मर्कूस 8:25

तओ येशू फिर दुबारा बक आँखीमे हात धरी। तओ बो आदमी अपनी आँखी खोली और अच्छो हुइगओ रहए और अब बो सब कुछ स्पष्ट देखलेत रहए।

मर्कूस 6:5

और उनको अबिश्वासके मारे, येशू कोइ-कोइ बिमार आदमीनके उपर हात धरके अच्छो करनके अलाबा औ जद्धा शक्तिशाली चमत्कार नाए करपाइ।

लूका 4:40

तओ दिन डुबनको समयमे आदमी येशूके जौँणे बहुत किसिमके बेमारिनके और भुत लागे भएनके लियाइं। तओ येशू बे सबके उपर अपन हात धरके बिनके अच्छो करी।

प्रेरित 9:17

तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”

लूका 18:43

तओ तुरन्तए बो देखन बारो भओ, और परमेश्वरको प्रसंसा करतए बो बाके पिच्छु लाग्गओ। जा देखके सब आदमी परमेश्वरको प्रसंसा करीं।

मत्ती 9:8

जब भिड जा देखी, तओ बे डराइगए, और आदमीनके अइसो शक्ति देन बारो परमेश्वरको महिमा करीं, जौन आदमीनके अइसो अधिकार दइ हए।

लूका 13:12

येशू बोके देखी, और बुलाएके कही, “ए नारी, तोके कमजोर बनान बारो रोगसे तए मुक्त हुइगओ हए।”