लूका 12:37 - राना थारु नयाँ नियम

³⁷ बो नोकर धन्यके हए, जौनको मालिक घर आनके बेरा बिनके, बोको डगर देखत असियात पाबैगो। मए नेहात्तओ तुमसे कहात हओं, कि बो मालिक एक सेवक हानी लत्ता पैँधके बिनके सँग खानु खानके बैठैगो, और ढिँगै आएके बिनको सेवा करैगो।

परमेस्वर को सच्चो वचन

³⁷ खुसनसीब हैं बे सेवक, जिनके प्रभु बापस आन मैं उनकै जगत भइ और सेवा करत भै पाथै! मैं तुमसे सच्ची कहथौं, बौ अपनो कोट उतारकै, उनके झोने बैठ जागो, और उनके संग असियागो।

लूका 12:37 Referans Kwoze

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

मत्ती 24:42

जहेमारे जगे रहओ, काहेकी कौन दिन तुमर प्रभु अएहए, सो तुम नाए जानत हओ।

फिलिप्पी 1:23

काहेकी मोके जे दुई मैसे कौनछो छानन पणैगो बो मए नाए जानतहओं। मन त लगत हए, कि मरके ख्रीष्टके ठिन जाओं काहेकी जा बहुत अच्छो हए।

1 कोरिन्थी 2:9

पर पबित्र-शास्त्रमे अइसो लिखो हए, “नए कोइ कभी देखो हए, और नए कभी कोइ सुनो हए और नए कभी कोइ उइसो अदभुत कामके बारेमे कल्पना करीहए, जो परमेश्वर बे आदमीनके ताहीं तयार करीहए, जो बासे प्रेम करत हएं।”

प्रकाश 14:13

फिरसे मए स्वर्गसे कोइके मस्कत सुनो, और बा मोसे कही: “जे बातनके हियाँ लिख। अबसे, अइसे आदमी धन्यके हएं, जो परमेश्वरमे बिश्वास करके मरत हएं।” तओ पबित्र आत्मा पक्का करी और कही, “जा सत्य हए। बे धन्यके हएं, काहेकी बे अपनो कठिन परिश्रमसे अराम करंगे और बिनको करोभओ कामसे उनके इनाम दओ जाबैगो।”

2 पतरस 1:11

और जाके सँगएसँग परमेश्वर तुमके येशू ख्रीष्ट भओ राज्यमे भव्य स्वागत करैगो, जो हमर प्रभु और मुक्तिदाता हए, बा हुवाँ सदादीनके ताहीं राजा हुइके राज्य करैगो।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

लूका 21:36

जहेमारे संसार रहाबओ, और हर समय परमेश्वरसे प्राथना करत रहाबओ, ताकी तुम जे सब आन बारे घटनासे बच पाबओ। और मए, आदमीको लौंणाके अग्गु ठाणनके लायक बन पाबओ।”

प्रकाश 7:17

काहेकी थुमा, जो सिंहासनके बीचमे हए, उनकी रेखदेख करैगो। उइसीयए, जैसे एक बकरेहेरा अपने भेंणाके रेखदेख करत हए। और बा उन्हएं ताजा पानी पिनके ताहीं लैजाबैगो जो आदमीनके जीबन देतहए। और परमेश्वर उनकी आँखीसे सब आँसु पोँछ डारैगो।”

प्रकाश 3:21

जौन आदमी बुराइके हराए देबैगो, बे मेरे सँग मेरे सिंहासनमे बैठंगे जैसे मए जितो और मिर दौवा सँग बाको सिंहासनमे बैठो हओं।

फिलिप्पी 1:21

काहेकी अगर मए जिन्दा रहामंगो तओ जा ख्रीष्टके ताहीं होबैगो, और जब मए मरजामंगो तओ मेरे ताहीं अच्छो हुइहए, काहेकी तओ मए ख्रीष्टके सँग रहामंगो।

लूका 17:8

बल्कि तुम कहाबैगे, कि ‘मिर ताहीं खानु तयार कर, और जब तक मए नाए खाएडारओं, तबतक मिर सेवा करनके ताहीं तयार हो; तओ फिर तए खैए-पिए’

लूका 12:43

बो कमैया धन्यको हए, जो बक मालिक आत पेती उइसी करत पाबैगो।

लूका 12:36

और तुम बे आदमीन कता बनओ, जौन अपन मालिकको आसरा करत हए, कि बो बेहासे कब लौटैगो। जब बो आएके फाटक ढकढकाए तओ तुरन्त बोके ताहीं खोलदेहए।

लूका 22:27

काहेकी बडो कौन हए? खानु खानके बैठन बारो कि ठाणके सेवा करन बारो? का खानु खानके बैठन बारो बडो नाए हए? पर मए तुमर बीचमे एक सेवा करन बारो कता हओं।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”