लूका 12:15 - राना थारु नयाँ नियम

¹⁵ येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”

परमेस्वर को सच्चो वचन

¹⁵ और बौ बे सबन से कहत गौ, “देखौ और हर तरहन के लालच से खुद के बचाबौ; काहैकि तुमरी सच्ची जिंदगी बे चीजन से ना बनथै, जो तुमरी खुद कि हैं, चाहे तुम कितने सेठ क्यों ना होबौ।”

लूका 12:15 Referans Kwoze

हिब्रू 13:5

अपने जीबनके धनके लालचसे अलग रखाओ। तुमर सँग भओ चीजमे सन्तुष्ट रहाओ, काहेकी परमेश्वर अपनए कही हए, “मए तुमके कभीनाए छोडंगो और नाए त्यागंगो।”

2 तिमोथी 3:2

काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

लूका 16:14

फरिसीनको समुह जो धनके लोभी रहएं, जे सब बात सुनके येशूके मजाक उणाइं।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

लूका 8:14

काँटोको बीचमे पणन बारे बेही हएं, जौन बचन सुनत हएं, पर पिच्छु जा जीबनको चिन्ता, धन, सुखमे पणके बढनाए पातहएं, और बे फरा नाए फरए पातहएं।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

मर्कूस 7:22

लोभ, खराब काम, छल, छाडापन, ईष्या, बदनाम, घमण्ड, मूर्खता।

1 कोरिन्थी 6:10

नए चुट्टा, नए लोभी, नए दरोह, नए बेज्जत करन बारे, नए लुटन बारे कोइ फिर परमेश्वरको राज्यको हकदार नाए हुइहएं।

लूका 21:34

येशू कही, “जहेमारे होसियार रहियओ, अइसे तुमर मनको लापरबाही, दरोहपान और जीबनको चिन्तासे तुमर मन सुस्त नाए होबए, और बो दिन तुमर उपर इक्बरी फन्दा जैसो नाए आए।

2 पतरस 2:14

बे अपना देखेभए सब बैयरसँग व्यभिचार करन चाँहत हएं। बे पाप करन मौका ढुँणन कभु नाए छोडत हएं। बे आदमीनके धोखा देत हएं जौन ख्रीष्टके पुरा रुपमे बिश्वास नाए करत हए और बिनके पापमे डोर्यात हएं। बिनको बहुत बातनको जद्धा इच्छाके कारण, परमेश्वर बिनके सजाय देबैगो।

लूका 12:16

येशू बिनसे एक कहानी कही, “कोइ एक जनै धनी आदमीको जमिनमे प्रशस्त उब्जनी भओ।