लूका 10:42 - राना थारु नयाँ नियम

⁴² पर जरुरी एक बातकी हए, बहे अच्छी बात मरियम पाइहए, जो बोसे नाए छिनोजाइगो।”

परमेस्वर को सच्चो वचन

⁴² लेकिन एक बात जरूर है; मरियम अच्छी चीज चुनी है, जो बासे छीनो ना जागो।”

लूका 10:42 Referans Kwoze

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

लूका 18:22

जा सुनके येशू कही, “तोएमे औ एक बातकी कमी हए। तिरसँग जोकुछ हए बो सब बेँचके गरीबके बाँटदे, और तोके ताहीं स्वर्गमे धन मिलैगो, और आएके, मिर चेला बननके ताहीं मेरे पिच्छु लाग।”

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

मर्कूस 8:36

अगर कोइ आदमी संसारको सब चीज पाएके धनी बन्जएहए, पर बो परमेश्वरके सँग सदाकालको जीबनको मौका खोएदेहए कहेसे बोके का फाइदा हुइहए? कुछु फिर नाए!

लूका 8:18

बहेमारे होसियार होबओ, कि तुम कैसे सुन्त हओ। काहेकी अगर कोइके मिर शिक्षा बुझनको चहाना हए, परमेश्वर उनके औ जद्धा ज्ञान देहए। काहेकी जौनक ठिन हए, बोके औ दओ जाबैगो। पर जौन मिर शिक्षाके बुझनके जद्धा चहाना नाए करत हए, परमेश्वर बोसे, बो ज्ञान फिर दुर लैजाबैगो, जो बोके ठिन थोरीयए हए।”

लूका 12:20

पर परमेश्वर बोसे कही, ‘ए मुरख! आज रातके तए मरजाबैगो; और बे चीजके कौन लेबैगो, जौनके तए अपन ताहीं इकट्ठा करो हए?’

1 कोरिन्थी 13:3

और अगर मए अपनो पुरा धनसम्पति गरीब आदमीनके दइ देओं, या हियाँतककी अगर मए उनके मिर शरीरके जलानके दइ देओं, पर मोएमे प्रेम नाए हए कहेसे मिर ताहीं कोइ कामको नाए हए।

लूका 12:33

तुम सम्पति बेँचके दान देबओ। अपन ताहीं स्वर्गमे धन जमा करओ, जो कभी नाश नाएहोए। हुवाँ नए चुट्टा आत हएं और नए किरा लगत हएं।

लूका 16:25

पर अब्राहाम कही, ‘ए लौंणा याद कर, तए अपन जीबन कालमे सबसे अच्छी-अच्छी चीज पाएडारो हए, और लाजरस खराब चीज पाइ रहए। पर अब बो हियाँ अराम पाएरहो हए, और तए कष्ट पाएरहो हए।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

लूका 16:2

तओ मालिक ब्यवस्थापकके बुलाएके कही, ‘जा का हए जो मए तेरे बारेमे सुन रहो हओं? तए मिर रुपैयासे का करोहए बोको लेखा दे; काहेकी तए अबसे ब्यवस्थापक नाए रहाबैगो।’

लूका 10:39

और मरियम नाउँ भइ बोकी एक बहिनीया रहए, बो येशूको पाउँ ठिन बैठके बाको बचन सुनत रहए।

लूका 11:1

बा कोइ एक ठाउँमे परमेश्वरसे प्राथना करत रहए। बा प्राथना करके पिच्छु चेला मैसे एक जनै येशूसे कही, “हे प्रभु, बप्तिस्मा देन बारो यूहन्ना अपन चेलाके सिखाओ जैसो हमके फिर परमेश्वरसे प्राथना करन सिखा।”

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

यूहन्ना 11:1

बेथानिया गाउँमे लाजरस नाउँको एक बिमार आदमी रहए। बहे गाउँमे मरियम और बोकी दिदी मार्था रहात रहएं।

यूहन्ना 11:19

बहुतसे यहूदी आदमी मार्था और मरियमको भइया मरो दुखमे सान्त्वना देनके ताहीं आए रहएं।

यूहन्ना 12:3

बहे बेरा मरियम लगभग आधो लिटर शुद्ध जटामासीको तेल येशूके पाउँमे अख्नाइ, और अपन बारसे बाको टाँग पोँछी, और जटामसीको तेलसे पुरो घर महाकीगओ।