लूका 1:32 - राना थारु नयाँ नियम

³² बा महान होबैगो, और परमप्रधानको लौंणा कहोजाबैगो, और परमप्रभु परमेश्वर बाके बक पुर्खा, राजा दाऊद जैसो राजा बनाबैगो।

परमेस्वर को सच्चो वचन

³² बौ महान होगो; और परमप्रधान परमेस्वर को बालका कहो जागो। और प्रभु परमेस्वर बाके दऊवा दाऊद की सिंहासन बाकै देगो,

लूका 1:32 Referans Kwoze

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

मर्कूस 5:7

येशू बोसे कही, “ए भुत, तए बो आदमीसे बाहिर निकर!” तओ बो भुत गजब जोडसे चिल्लाइ और कही, “हे सर्वोच्च परमेश्वरको लौंणा येशू, तुम हमके काहे परेसान करत हओ? परमेश्वरको नाउँसे कसम खाएके कहबओ, कि तुम हमके दुख नाए देबैगो।”

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

लूका 1:76

बो बालका परमप्रभु परमेश्वरको अगमबक्ता कहोजाबैगो, काहेकी बो परमप्रधानको डगर तयार करैगो।

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

प्रेरित 2:30

पर एक परमेश्वरको अगमबक्ता होनके कारणसे जा जानके कि परमेश्वर बोसे कसम खाएके बोसे बाचा करी हए कि, ‘मए तिर खानदानमे एक आदमीके तिर सिंहासनमे बैठामंगो।’

मत्ती 1:1

येशू ख्रीष्ट, राजा दाऊद और अब्राहामको पिढी। येशू ख्रीष्टको पुर्खनको नाउँको सुची जा प्रकारसे हए:

प्रेरित 16:17

अब बो पावल और हमर पिच्छु लागके अइसे चिल्लान लागी, “जे महान परमेश्वरके दास हएं, जे त मुक्ति पानके बारेमे परचार करत हएं।”

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

यूहन्ना 12:34

जा बातमे भिड बासे पुछी, “हमर पबित्र-शास्त्रमे हम जा बात सुनेहएं कि ‘ख्रीष्ट त सदाकाल बचो रहाबैगो’ फिर तुम काहे कहात हओ, कि आदमीको लौंणाके पृथ्वीसे ऊँचाए लैजानके जरुरी हए? जा कौन आदमीको लौंणा हए?”

यूहन्ना 6:69

और हम बिश्वास करेहएं, और जाने हएं, कि तुमही परमेश्वरके तरफसे आएभए परमेश्वरको पबित्र सेवक हओ।”

मर्कूस 14:61

पर येशू चुप रहो, और कुछु फिर जबाफ नाए दइ। प्रधान यहूदी पुजारी फिरसे बासे पुछीं, “का तए परमेश्वरको लौंणा ख्रीष्ट हए, जौनके हम आराधना करत हएं?”

प्रेरित 7:48

पर परमप्रधान हातको बनो भओ मन्दिरमे नाए रहात हए, जैसेकी यशैया अगमबक्ताके किताबमे लिखो हए,

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

लूका 6:35

पर अपन दुस्मनके प्रेम करओ, और बिनको भलाइ करओ। फिरसे मिलैगो करके आसरा बिना ऋण देओ, तओ तुमर ताहीं बडो इनाम हुइहए, और तुम परमप्रधानके लौंणालौंणीया हुइहओ। काहेकी परमेश्वर गुन नाए मानन बारे और दुष्ट आदमीनके उपर फिर कृपालु हए।

लूका 3:16

तओ बप्तिस्मा देन बारो यूहन्ना जबाफ दइ, “जौन मिर पिच्छु आबैगो, बो येशू मोसे बहुत शक्तिशाली हए, और कमैया बनके और फिर लोहोकके बाको जुताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर येशू तुमके पबित्र आत्मासे आगीको बप्तिस्मा देबैगो।

लूका 1:15

काहेकी बो प्रभुके अग्गु महान होबैगो; और बो दारु और कुछु फिर नसा लगन बारी चीज नाए पिबैगो, और पहिलीसे अपनी अइयाके गरबसे बो पबित्र आत्मासे भरो होबैगो।

मत्ती 12:42

दक्खिनकी महारानी न्यायके दिनमे जा पिढीके आदमीके सँग खडा हुइके, बिनके दोषी ठहेरबैगी काहेकी तुम पाप करन छोडके परमेश्वर घेन घुमनके इन्कार करे पर बो सोलोमनको बुद्धि सुननके ताहीं पृथ्वी कि छोरसे आइ; पर देखओ, सोलोमनसे महान कोइ हियाँ हए, तहुँफिर तुम पाप करन नाए छोडन चाँहत हओ।”