यहूदा 1:6 - राना थारु नयाँ नियम

⁶ याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

परमेस्वर को सच्चो वचन

⁶ और जो स्वर्गदूत अपने औधा कै बचाए कै नाय धरी रहै: लेकिन अपने खुद के घर कै छोड़ी है, परमेस्वर अनंत बंधन मैं जकड़ कै बौ बुरे दिन के न्याय के ताहीं अंधियारे मैं धरी है।

यहूदा 1:6 Referans Kwoze

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

मत्ती 8:29

बे भुत लागे आदमी अइसे करके चिल्लाइं, “हे परमेश्वरको लौंणा, तुमसे हमर का मतलब हए? हमर बेरा नाए पुगतए तुम हियाँ हमके कष्ट देन आए हओ?”

2 पतरस 2:9

परमेश्वर पहिलेके समयमे करेभए जे सब काम हमके जा दिखात हए, कि धार्मि जीबन जीइन बारे आदमी समस्यामे पणत हएं तओ प्रभु परमेश्वर जरुर सुरक्षित करत हए। और हम जा फिर पक्का होन सकत हएं, कि बा सबए आदमीनको न्याय करन बारो दिन नाए आनतक बा दुष्ट आदमीनके लगातार सजाय देबैगो।

हिब्रू 10:27

पर बे, परमेश्वरको न्यायके ताहीं डरातए आसरा करन पणत हए, और बे बाको दुश्मन होनके कारणसे पज्रत आगिमे भसम हुइ जामंगे।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

मत्ती 10:15

नेहात्तओ, मए तुमसे कहात हओं, न्यायके दिनमे बो नगरको दसासे सदोम और गमोराको नगरको दसा जद्धा सहन सिकन बारो होबैगो, जौन परमेश्वर तुमके देबैगो।”

रोमियों 2:5

पर तुम जिद्दी हओ और पाप बन्द करनसे इन्कार करत हओ। बो दिन जब परमेश्वर अपनो क्रोध दिखाबैगो, जोमे परमेश्वरको सच्चो दण्ड प्रकट होबैगो। जब परमेश्वर न्याय करैगो तओ, बा तुमके और जद्धा कष्ट देबैगो।

यहूदा 1:13

समुन्दरको कोइ मजबुत लणुरा, फोहर फिज निकारे कता, जे आदमी फिर सरम लागन बारो काम करत हएं। जैसी कोइ-कोइ तारा, बिना दिशाके रहात हएं, और उनकेमे भर नाए पणो जाए सकत हए। अइसीयए तुमके फिर जे आदमीनके पिच्छु नाए लागन पणत हए। तभीमारे सदादीनके ताहीं अंधियारोमे परमेश्वर उनके ताहीं एक ठाउँ धरेपणे हए, जहाँ एकौ उजियारो नाए होत हए।

प्रकाश 20:2

और बो बहे बडो अजिंगरके पक्णी जो बहे रहए जौनके बहुत समय अग्गु एक साँपके रुपमे देखा पणो रहए, जौनके शैतान फिर कहोजात हए। बो बोके सँकारसे बाँधी और गहिरो कुण्डामे फेँकदइ। तओपिच्छु बो बोके बन्द करदइ और ढोकामे मोहर लगाए दइ ताकी एक हजार बर्ष पुरा होनतक बोके ठिन जाति-जातिके आदमीनके धोखा देन बारो कोइ तरिका नाए होबए। जब बो पुरा होबैगो, तओ बोके फिरसे कैदसे कुछ समयके ताहीं इकल्लो छुटाओ जाबैगो।