यहूदा 1:16 - राना थारु नयाँ नियम

¹⁶ जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।

परमेस्वर को सच्चो वचन

¹⁶ जे लोग हमेसा दुसरेन के ऊपर बड़बोले और आरोप लगात रहथैं; बे अपनी बुरी इच्छा मैं चलथैं; बे अपने ऊपर घमंड करथैं और अपनी मंजिल पान के ताहीं दुसरेन की कानाफूसी करथैं।

यहूदा 1:16 Referans Kwoze

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

2 पतरस 2:10

बा पक्कए बे झुठे गुरुनके दण्ड देबैगो, जौन अपनो दुष्ट, लाज लगन बारो इच्छा अनुसार करत हएं और बिनके उपर परमेश्वरको अधिकार भओ इन्कार करत हएं। बे हठी और अहंकारी होत हएं। बे स्वर्गमे भए महिमित प्राणीनके बारेमे अपमान करनके डरात नाए हएं।

फिलिप्पी 2:14

बिना दिक्काएके और बिना बिबादसे सब काम करओ।

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

1 तिमोथी 6:5

और एकदुस्रेके सँग खतम नाए होन बारो लडाइसे उनको दिमाग खराब हुइगओ हए। और बे नाए समझ पातहएं, कि सच्चो का हए। बे सोचत हएं, कि परमेश्वरको सेवा करन धनी होनको तरिका हए।

1 कोरिन्थी 10:10

और हमके गनगन करन फिर नाए पणो, जौन रितिसे उन मैसे कितने आदमी गनगन करीं, तओ परमेश्वर एक दुत पठाइ और उनके मारडारी।

यहूदा 1:18

बे कहीं रहएं, “अन्तिम समयमे, हुवाँ बे आदमी रहामंगे, जौन प्रभु और बाके आदमीनको गिल्ला करंगे। जे बेही आदमी हएं, जौनको जीबन अपनो अभिलाषाके अधिनमे हएं, जौननके परमेश्वर स्वीकार नाए करत हए।”

2 पतरस 3:3

सबसे जरुरी बात, तुमके जानन हए कि अन्तिम दिनमे ख्रीष्ट दुबारा लौटके आनसे पहिले कुछ आदमी तुमके गिल्ला करंगे, काहेकी तुम बिश्वास करत हओ, कि ख्रीष्ट लौटके आबैगो। बे अपनो बानीके कारणसे गलत काम करंगे, जौन बिनके खुसी बनातहए।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

यहूदा 1:15

बा सबए आदमीनको न्याय करैगो और सबए अधर्मी आदमीनको करोभओ सबए अनैतिक और दुष्ट काम और बाके बिरुद्धमे पापी आदमीनको बोलो भओ अपमानित शब्दनको दण्ड देबैगो।”

1 पतरस 1:14

परमेश्वरको आज्ञापालन करओ, जैसी अच्छे बच्चा अपने दौवाको आज्ञापालन करत हएं। तुम परमेश्वरको सत्यता नाए जानो बेरा करोभओ गलत काम अब मत् करओ।

गलातियों 5:16

पर मए तुमसे कहात हओं, कि तुमके पबित्र आत्माको अगुवाईके अनुसार जीइनके जरुरी हए, तओ तुम बे खराब कामनके नाए करैगे, जो तुमर शारीरिक इच्छा करन चाँहत हए।

यूहन्ना 6:61

येशूके चेला जाके बारेमे बरबरात हएं, करके जानके येशू बिनसे कही, “का जा बातके कारणसे तुम अपन बिश्वास छोड देहओ?

2 तिमोथी 4:3

काहेकी अइसो समय आबैगो, कि आदमी सच्चो सन्देश स्वीकार करन नाए चाहंगे, पर बे अपनुयए इच्छाके इकल्लो पुरा करंगे। और बे अइसे गुरुके खोजमे हुइहएं, जौन बिनसे बहे बातके इकल्लो कहामंगे, जो बात बे सुनन चाहंगे।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

यूहन्ना 6:41

येशू कही, “स्वर्गसे आन बारी रोटी मही हओं” बहेमारे यहूदी समुहके अगुवा बाके बिरुद्धमे अइसे बरबरान लागे।

लूका 19:7

जा देखके सब आदमी बरबराएके कहान लागे, “बा त एक पापी आदमीके घरमे पहुना हुइके गओ हए।”

लूका 15:2

जा आदमी त पापीके ग्रहण करत हए, और बिनके सँग खानपिन करत हए कहिके फरिसीनको समुह और मोशाको नियम कानुन सिखान बारे गनगन करन लागे।

लूका 5:30

फरिसीनको समुह और मोशाको नियम कानुन सिखान बारे आदमी येशूके, चेलनके बिरुद्धमे अइसो कहिके काहान लागे, “तुम कर उठान बारे और पापीनके सँग काहे खानपिन करत हओ?”