यहूदा 1:11 - राना थारु नयाँ नियम

¹¹ परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।

परमेस्वर को सच्चो वचन

¹¹ उनके ताहीं कितनो भयानक है! काहैकि बे सब कैन की रहामैं चलीं, और बे पैसा के ताहीं बिलाम के तराहनी भूल कर बैठे। और बे कोरह के हानी बिरोध करकै खतम हुईगै।

यहूदा 1:11 Referans Kwoze

2 पतरस 2:15

बे ठिक काम करन बन्द करदइ हएं, और बे बहे गलत काम करन सुरु करी हएं, जो बओरके लौंणा बालाम बहुत समय पहिले करी रहए। बो गलत काम करके रुपैया कमानके मन पणाइ।

1 यूहन्ना 3:12

और आदमको लौंणा कयिनके हानी नाए बनएं, जो शैतानसे रहए, और जौन अपनो भइया हाबिलके हत्या करी। बो अपन भइयाको हत्या काहे करी? जाकेमारे कि बोको काम ठिक नाए रहएं, और बोको भइयाके काम ठिक रहएं।

प्रकाश 2:14

पर तिर बिरुद्धमे मिर जा गुनासो हए: काहेकी तए बे आदमीनको बिरोध नाए करत हए, जो तेरे मण्डलीमे झुठे शिक्षा देत हएं, जैसे अगमबक्ता बालाम बितो भओ समयमे शिक्षा दइ रहए। बालाम अगमबक्ता, राजा बालाकके सिखाइ, कि इस्राएल देशके आदमीनके पाप करनके ताहीं उक्सानके का करनके पणैगो। बो उनके मूर्तिनको बलि चढाओ भओ खानु खान और अनैतिक रुपसे जीइनके सिखाइ।

हिब्रू 11:4

बिश्वाससे आदमको लौंणा हाबिल परमेश्वरके अपनो ददा कयिनसे जद्धा ग्रहणयोग्य जानबरको बलिदान चढाइ, और बहेसे परमेश्वर हाबिलके धर्मी आदमीके रुपमे ग्रहण करी। हाबिलको चढाओ भओ बलिदान द्वारा परमेश्वर खुसी भओ कहिके दिखाइ। और हाबिल मरो, तहुँफिर परमेश्वरमे बिश्वास करनके बारेमे अभौफिर बो हमके सिखात हए।

मत्ती 11:21

“परमेश्वर तुमके दण्ड देहए बे आदमी, जो खोराजीन सहरमे रहात हँए! परमेश्वर तुमके दण्ड देहए बे आदमी, जो बेथसेदा सहरमे रहात हएं। काहेकी तुमरमे करोभओ शक्तिशाली चमत्कारको काम तुम टुरोस और सिदोन सहरमे करेभए होते, तओ बे बोराको लत्ता लगाएके अपनमे भुवा घिसलित्ते, जा दिखानके ताहीं, कि बे अपन मन बदलके पाप करन बन्द करदइ हएं।