यूहन्ना 8:12 - राना थारु नयाँ नियम

¹² येशू फिरसे आदमीनके शिक्षा देतए कही, “मए बहे हओं, जो संसारके उजियारो देत हए। मेरे पिच्छु लगन बारेनके कभु फिर अँध्यारोमे नेगन नाए पणैगो, बल्कि बे बो उज्यारोके पामंगे जौन जीबन देतहए।”

परमेस्वर को सच्चो वचन

¹² ईसु फिर फरीसियन से बात करी, “जौ दुनिया को उजियारो मैं हौं,” बौ कही। जो मेरे पच्छू हुई लेगो, बाके पास जिंदगी को उजीतो होगो और बौ कहु अंधियारे मैं नाय चलैगो।

यूहन्ना 8:12 Referans Kwoze

यूहन्ना 12:46

संसारको उजियारो महीँ हओं। मोए उपर बिश्वास करन बारो कोइ फिर अंधियारोमे नाए रहाबए करके मए संसारमे आओ।

यूहन्ना 9:5

मए संसारमे रहानतक, महीँ संसारको उजियारो हओं।”

यूहन्ना 12:35

येशू बिनसे कही, “हबए थोरी देरतक उजियारो (येशू) तुमर सँग हए। उजियारो तुमरे सँग रहानतक तुम नेँगघुम करओ, ताकी अंधियारो तुमके नाए तोपए। अगर कोइ अंधियारोमे नेँगघुम करत हए कहेसे, बो नाए जान्त हए, कि बो कहाँ जाएरहो हए।

मत्ती 5:14

तुम पुरे संसारके ताहीं ज्योति कता हओ। जौन सहर पहाड उपर बनाओगओ हए बो लूक नाए पएहए।

यूहन्ना 3:19

और दण्डको आज्ञाको कारण जा हए, कि उजियारो संसारमे आइगओ रहए, तहुँफिर आदमी उजियारोसे जद्धा अन्धकारके अच्छो मानीं। काहेकी बिनके काम खराब रहए।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

प्रेरित 13:47

काहेकी प्रभु हमके जा आज्ञा दइ हए, ‘मए तोके जाति-जातिके आदमीके ताहीं ज्योति ठहिराओ हओं, ताकी तुमके संसारमे हर ठिहा आदमीनके ठिन जाओ, और उनके बताओ कि परमेश्वर उनके कैसे बचान चाँहत हए।’”

प्रेरित 26:23

अगमबक्ता कहिडारी रहएं, कि ख्रीष्टके दुख भोगके मरन पणैगो, बा मरे भए मैसे जिन्दा होनमे सबसे पहिलो होबैगो और बा यहूदी और गैर-यहूदीनके परचार करैगो कि बे मुक्ति पाए सकत हएं।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 7:17

अगर कोइ आदमी परमेश्वरको इच्छा पालन करन चाँहत हए, तओ बो जान जाबैगो, कि मिर शिक्षा परमेश्वरके घेनसे आतहए कि मिर अपनो शिक्षा हए।

प्रकाश 21:24

बो सहरमे भओ उजियारो, संसारमे बैठन बारे जति-जातिके आदमीनके उजियारो देतहए और पृथ्वीके सबए राजा अपनो-अपनो सम्पति बो सहरमे लामंगे।

लूका 2:32

बा गैर-यहूदीनके ताहीं परमेश्वरके प्रकट करबान बारो ज्योति हए, और तुमर अपने इस्राएल देशके आदमीनके ताहीं आदर हए।”

यहूदा 1:13

समुन्दरको कोइ मजबुत लणुरा, फोहर फिज निकारे कता, जे आदमी फिर सरम लागन बारो काम करत हएं। जैसी कोइ-कोइ तारा, बिना दिशाके रहात हएं, और उनकेमे भर नाए पणो जाए सकत हए। अइसीयए तुमके फिर जे आदमीनके पिच्छु नाए लागन पणत हए। तभीमारे सदादीनके ताहीं अंधियारोमे परमेश्वर उनके ताहीं एक ठाउँ धरेपणे हए, जहाँ एकौ उजियारो नाए होत हए।

2 पतरस 2:17

जे झुठे गुरु सुखेगए पनीको कुँइँयाँ कता हएं। बे बादर कता बिना कामके हएं, जौनके पानी बर्षनसे अग्गु शक्तिशाली हबा उणाएके लैजात हए। परमेश्वर बिनके ताहीं एक ठाउँ तयार करीहए, बो पुरा अंधियारो हए।

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

यूहन्ना 12:36

जब तक उजियारो तुमर सँग हए, तबतक तुम उजियारोमे बिश्वास करओ, और तुम उजियारोके सन्तान बनओ।” जा बात कहिके, येशू हुवाँसे चुप्पएसे गइ भओ, और उनसे दुर रहो।

1 यूहन्ना 1:6

अगर हम कएहएं, कि परमेश्वरके सँग हमर संगती हए, पर फिरसे बहे खराब काम करत हएं कहेसे हम झुठ मस्कत हएं, और सत्य शिक्षा अनुसार नाए जीइत हएं।