यूहन्ना 6:46 - राना थारु नयाँ नियम

⁴⁶ दौवा परमेश्वरके कोइ आदमी नाए देखी हए, महीँ इकल्लो हओं, जो परमेश्वरके घेनसे आओ हओं, जो बाके देखो हओं।

परमेस्वर को सच्चो वचन

⁴⁶ जौ नाय कि कोई दऊवा कै देखो है; पर जो परमेस्वर के घाँईं से है, खाली बहे बाबा कै देखी है।

यूहन्ना 6:46 Referans Kwoze

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 7:29

पर मए बाके चिन्त हओं काहेकी मए बहेको कहीनासे आओ हओं। बहे मोके पठाइ हए।”

लूका 10:22

मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

1 तिमोथी 6:16

और सिरफ बहे इकल्लो हए, जो हमेसाके ताहीं जिन्दा हए, और बा इतनो चम्कन बारो उजियारोमे रहात हए, कि कोइ फिर बाके ढिँगै नाए आए पातहए। और नए बाके कोइ आदमी देखी हएं, और नए कभी देख पामंगे। बाकी महिमा और शक्ति सदा दिन रहाबए। आमेन।

1 यूहन्ना 4:12

कोइ कभु परमेश्वरके नाए देखी हए। पर हम एक-दुस्रेनके प्रेम करे कहेसे परमेश्वर हमर भितर रहात हए और बाको प्रेम हमरमे सिद्ध बनो होत हए।

कलस्सी 1:15

कोइ परमेश्वरके नाए देख पातहए, पर जब परमेश्वरको लौंणा आदमी बनो, बा आदमीनके परमेश्वरके अग्गु प्रकट करी। और परमेश्वरसे सृष्टि भओ सब चीजके उपर बाके ठिन सबसे बडो अधिकार हए।

यूहन्ना 15:24

अगर कोइ नाए करपान बारो चमत्कार काम, मए बिनके बीचमे नाए करतो कहेसे बे पापके दोषी नाए हुइते। पर मिर करोभओ अचम्मोको काम देखेके फिर बे मोके और मिर दौवाके समेत हेल्हा करत हए।

यूहन्ना 8:55

पर तुम परमेश्वरके नाए चिन्त हओ। मए बाके अच्छेसे चिन्हत हओं। अगर मए बाके, नाए चिन्त हओं कहितो, तओ मए फिर तुमए हानी ठगिया मानो जैतो। पर मए बाके चिन्त हओं और बाकी शिक्षाके मानत हओं।

यूहन्ना 8:19

फरिसीनको समुह येशूसे कहीं, “तुमर दौवा कहाँ हए?” येशू जबाफ दइके कही, “तुम नए मोके चिन्हत हओ नए त मिर दौवाके चिन्हत हओ। अगर तुम मोके चिन्ते कहेसे मिर दौवाके फिर चिनजैते।”

यूहन्ना 5:37

और दौवा, जौन मोके पठाइ हए, बहे मिर गवाही दइ हए: तुमकभु बाको अबाज नाए सुने हओ, और नए बाके देखे हओ।

यूहन्ना 14:7

तुम मोके सच्चो रुपसे चिन्ते कहेसे मिर दौवाके चिनजैते। अबसे तुम मिर दौवाके चिन्हैगे काहेकी तुम परमेश्वरके देखडारे हओ।”