यूहन्ना 5:24 - राना थारु नयाँ नियम

²⁴ “मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

परमेस्वर को सच्चो वचन

²⁴ मैं तुमसे सच-सच कहथौं, जो मेरो बचन सुनकै मेरे भेजन बारे के ऊपर बिस्वास करथै, अनंत जिंदगी बाकी है; और बाकै न्याय की आग्या नाय मिलथै, और बौ मरन से पार हुईकै अनंत जिंदगी मैं जाए चुको है।

यूहन्ना 5:24 Referans Kwoze

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

यूहन्ना 3:18

जौन परमेश्वरको लौंणाके उपर बिश्वास करैगो, बिनके उपर दण्डको आज्ञा नाए होत हए, पर जौन बाके उपर बिश्वास नाए करत हएं, बे अग्गुवएसे दोषी ठहिरे हएं; काहेकी बे परमेश्वरको एकलौटो लौंणाके नाउँमे बिश्वास नाए करी हएं।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

यूहन्ना 6:47

नेहात्तओ मए तुमसे कहात हओं, जौन कोइ बिश्वास करैगो बोके सँग कभी फिर नाश नाए होन बारो जीबन हए।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

यूहन्ना 11:26

और जो कोइ मोएमे जीइत हए और मोएमे बिश्वास करत हए बो कभीनाए मरैगो। का तए जा बातमे बिश्वास करत हए?”

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

यूहन्ना 8:51

नेहात्तओ मए तुमसे कहात हओं, कि अगर कोइ आदमी मिर शिक्षा पालन करैगो कहेसे बो अनन्त कालतक नाए मरैगो।”

1 थेसलोनिकी 5:9

काहेकी परमेश्वर हमके जाकेमारे नाए चुनी, कि अपने दिक्कसे हमएं दण्ड देबए। बल्कि हम अपने प्रभु येशू ख्रीष्टके द्वारा उद्धार पानके ताहीं छानेगए हएं।

1 यूहन्ना 5:1

जौनके जा बिश्वास हए, कि येशूए ख्रीष्ट हए, बे सब परमेश्वरके सन्तान हएं। और जो कोइ दौवा परमेश्वरके प्रेम करत हए, बो लौंणाके फिर प्रेम करत हए।

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

1 यूहन्ना 3:14

हम जानत हएं, कि हम मृत्युकी शक्तिसे पार हुइगए हएं, अब हमर ठिन कभी फिर नाश नाए होन बारो जीबन हए। काहेकी हम बिश्वासी ददाभइयनसे प्रेम करत हएं। जो प्रेम नाए करत हए, बो मृत्युकी बन्धनमे रहात हए।

यूहन्ना 12:44

येशू भिडके चिल्लाएके कही, “मोके बिश्वास करन बारे मोए उपर नाए, बल्कि मोके पठान बारो परमेश्वरमे बिश्वास करत हएं।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

यूहन्ना 4:36

और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं।

यूहन्ना 6:50

पर स्वर्गसे आओ भओ रोटी जहेहए, जौन जा खएहए बो कभी फिर नाए मरैगो।

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

यूहन्ना 6:58

स्वर्गसे आन बारो रोटी जहेहए। जा तुमर पुर्खा खाइभइ रोटी जैसो नाए हए। बे रोटी खाइं तहुँफिर मरिगए। पर मए दओ भओ रोटी खान बारे आदमी सदादिन जिइबैगो।”