यूहन्ना 5:19 - राना थारु नयाँ नियम

¹⁹ जहेमारे येशू बिनसे कही, “मए तुमसे नेहात्तओ कहात हओं, मए लौंणा अपनए कुछु नाए करपात हओं, काहेकी दौवा जो करत हए, लौंणा फिर बहे करत हए।

परमेस्वर को सच्चो वचन

¹⁹ जौ बात मैं ईसु उनसे कही, “मैं तुमसे सच-सच कहथौ, लौड़ा अपने आप कछु नाय कर सकथै, खाली बहे जो अपने दऊवा कै करत भौ देखथै; काहैकि जो-जो काम बौ करथै उनकै लौड़ा बैसिये करथै।

यूहन्ना 5:19 Referans Kwoze

यूहन्ना 12:49

काहेकी मए अपन इच्छासे नाए बोलत हओं, पर मिर दौवा जो मोके पठाइ हए, बहे मोके अढाइ हए, कि मए का कहाओं और कैसे कहाओं।

यूहन्ना 8:28

बहे बेरा येशू बिनसे कही, “जब तुम मए, आदमीको लौंणाके एक क्रूसमे चढाबैगे, तओ तुम पता पाए जबैगे कि ‘मए जो हओं बहे हओं,’ और मिर अपनो इच्छा नाए बल्कि जैसी मोके पठान बारो मिर दौवा परमेश्वर सिखाइ हए, बहे बात इकल्लो मए कहात हओं, कहिके तुम जानैगे।

यूहन्ना 14:10

का तुम बिश्वास नाए करत हओ, कि मए दौवामे हओं और दौवा मोएमे हए? मए तुमसे जे बात अपनएसे नाए कहो हओं पर दौवा मोएमे रहिके बहे करत हए, जो दौवा चाँहत हए।

यूहन्ना 10:18

कोइ मिर ज्यान मोसे नाए लैपाबैगो। पर मए अपन इच्छासे अप्नो ज्यान देत हओं, अपन ज्यान देनको अधिकार मिर ठिन हए और फिरसे लेनको अधिकार फिर मेरी ठिन हए। काहेकी जा बहे आज्ञा हए, जौन मए मिर दौवासे पाओ हओं।”

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

यूहन्ना 9:4

जौन मोके पठाइ हए, मोके जल्दीयए बाके द्वारा सौँपो गओ कामके पुरा करनके हए। बो रात आन बारी हए, जोमे कोइ फिर काम नाए करपाबैगो।

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

यूहन्ना 5:21

जैसे दौवा मरे भए आदमीनके फिरसे जिन्दा करत हए और उनके जीबन देतहए, उइसीयए मए फिर जौनके चाँहत हओं बहेके जीबन देत हओं।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

कलस्सी 1:16

काहेकी जा ख्रीष्ट रहए, जौन सब चीज परमेश्वरके सँग मिलके सृष्टि करी रहए, बादर होए या पृथ्वी, देखन बारी होए या नाए देखन बारी, चहुँ सिंहासन होए या राजा, चहुँ प्रधानता होए या अधिकार जे सब ख्रीष्टद्वारा और ख्रीष्टके आदर देनके ताहीं बनाए गए हएं।

फिलिप्पी 4:13

ख्रीष्टके द्वारा जौन मोके शक्ति देतहए, बहेमे मए सब कुछ कर सकत हओं।

फिलिप्पी 3:21

बा अपनो शक्तिको बहे प्रभावके अनुसार, जौनके द्वारा बा सब चीजके अपने अधिनमे कर सकत हए। हमर कमजोर संसारकी शरीरको रुप बदलके अपनो महिमाको शरीर जैसो बनाबैगो।

इफिसियों 3:16

मए प्राथना करत हओं, कि बाकी महिमाकी धन अनुसार शक्तिसे तुमके जा दान देबए और बाको आत्मा तुमके शान्ति देबए ताकी तुम अपनी आत्मामे मजबुत होबओ।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

2 कोरिन्थी 4:14

काहेकी हम जानत हएं, कि प्रभु येशूके मृत्युसे जिन्दा करबान बारो हमके फिर येशू सँग जिन्दा करैगो और येशू ख्रीष्टए हमके तुमर सँग परमेश्वरके अग्गु ठाणके लैजाबैगो।

1 कोरिन्थी 15:12

जहेमारे मए तुमसे जा पुछन चाँहत हओं: काहेकी हम सब तुमर बीच जहे परचार करे, कि जब ख्रीष्ट मारोगओ तओ परमेश्वर ख्रीष्टके फिरसे जिन्दा करदइ। पर तुम मैसे कोइ फिर अइसे नाए कहाबए, कि परमेश्वर बिश्वासीनके, मरे मैसे फिरसे जिन्दा नाए करत हए।

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

यूहन्ना 2:19

येशू बिनके जबाफ दइ, “जा मन्दिरके उजाड देओं? और मए फिर तीन दिनमे जाके दुबारा बनाए देमंगो।”

1 थेसलोनिकी 4:14

काहेकी अगर हम बिश्वास करत हएं, कि येशू मरो, और जीइउठो। तओ अइसियए परमेश्वर उनके फिर, जो येशूमे बिश्वास करतए मरिगए हएं, परमेश्वर उनके येशूके सँग लौटाएके लाबैगो।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

मत्ती 26:39

और येशू थुरदुर जाएके मुँहुँके बल गिरके परमेश्वरसे अइसे प्राथना करी, “हे मिर दौवा, हुइ सकत हए तओ, जा कटोरा मोसे हटाए देओ। तहुँफिर जैसे मए चाँहत हओं उइसे नाए पर जैसी तुम चाँहत हओ उइसीयए होबए।”

यूहन्ना 6:38

मिर अपनो इच्छा नाए बल्कि मोके पठान बारोको इच्छा पुरो करनके ताहीं मए स्वर्गसे आओ हओं।

यूहन्ना 12:50

मए जान्त हओं, कि बाको आज्ञा कभी फिर नाश नाए होन बारो जीबन देतहए। बहेमारे, मए तुमके बेहीं बात बतात हओं जो दौवा परमेश्वर मोसे कही हए।”