यूहन्ना 4:21 - राना थारु नयाँ नियम

²¹ येशू बोसे कही, “ए बैयर, मिर बातमे बिश्वास कर, बो बेरा आएरहो हए, तुम नए त जा पहाडमे, नए यरूशलेम सहरमे परमेश्वरको आराधना करैगे।

परमेस्वर को सच्चो वचन

²¹ ईसु बासे कही, “हे बईय्यर, मेरी बात को बिस्वास कर कि बौ समय आनबारो है कि तुम ना तौ जौ पहाड़ मैं दऊवा की आराधना करैगे, और ना यरूसलेम मैं।

यूहन्ना 4:21 Referans Kwoze

1 तिमोथी 2:8

मए चाँहत हओं, कि हर ठिहा जब तुम परमेश्वरको आराधना करनके ताहीं जमा होत हओ, तओ बे लोग जो पबित्र जीबन जीइत हएं अपने हातके उठाएके बिना दिक्क और बिना बिबाद करे प्राथना करएं।

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

यूहन्ना 4:23

पर बो बेरा आएरहो हए, बो बेरा हबैयए हए, जब सच्चा आराधक, दौवा परमेश्वरके आत्मा और सत्यतामे आराधना करंगे। काहेकी दौवा अपने अइसियए आराधकके ढुणत हए।

मत्ती 18:20

काहेकी तुम मिर चेला हुइके कारण जहाँ दुई या तीन जनै इकट्ठा होबैगे, हुवाँ मए तुमर बीचमे होमंगो।”

इफिसियों 3:14

जहे कारणसे, दौवा परमेश्वरके अग्गु मए प्राथना करत हओं,

यूहन्ना 16:32

देखओ, समय आए रहो हए और ढिँगै आइगओ हए, और तुम सब तितरबितर हुइके अपन घरमे जाबैगे और मोके अकेलो छोडदेबैगे, तहुँफिर मए अकेलो नाए हुइहओं काहेकी दौवा मोके अकेलो नाए छोडी हए और मए सब दिन बाके खुसी करन बारो काम करत हओं।

यूहन्ना 16:2

बे तुमके यहूदी सभाघरसे निकार देहएं। पर अइसो समय फिर आबैगो, कि जो कोइ तुमके मार डारैगो बो जा सम्झैगो, कि मए परमेश्वरको सेवा करत हओं।

यूहन्ना 5:28

“जामे अचम्मो मत् मानओ; काहेकी बेरा आइगओ हए, जब बे सब आदमी शरीरमे मरिगए हएं बे मिर अबाज सुनंगे।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

प्रेरित 6:14

काहेकी हम बोके जा कहात सुनेहएं, कि जहे नासरतको येशू जा मन्दिरके भत्काए देबैगो, और बे रिति रिबाजके बदल देबैगो जो मोशा हमके सौँपी रहए।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 5:25

नेहात्तओ मए तुमसे कहात हओं, बो बेरा आएरहो हए, और बो बेरा हबए हए, जब मरे भए परमेश्वरको लौंणाको अबाज सुनंगे, और जो सुनन बारे हएं बे हमेसाके ताहीं बचेजामंगे।

लूका 21:24

बे तरवारसे मारे जामंगे, और सब देशमे कैदी बनाएके लैजाए जएहएं। और गैर-यहूदी आदमीनको समय पुरा नाए होनतक बे यरूशलेम सहरके जितके टाँग तरे कब्जा करहएं।”

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

प्रकाश 21:22

मए कोइ मन्दिर नाएदेखो काहेकी सर्बशक्तिमान परमेश्वर और थुमा बो सहरमे हएं। जहेमारे हुवाँ मन्दिरको कोइ जरुरत नाए हए।