यूहन्ना 21:22 - राना थारु नयाँ नियम

²² येशू पत्रुससे कही, “अगर मए चाँहत हओ, कि जा मेरे लौटन तक जिन्दा रहाबए, तओ तोए का होतहए? तए मिर चेला बनो रहो।”

परमेस्वर को सच्चो वचन

²² ईसु बासे कही, “अगर मैं चाहथौं कि बौ मेरे आन तक रुको रहबै, तौ तोकै जासे का? तैं मेरे पच्छू आ!”

यूहन्ना 21:22 Referans Kwoze

मर्कूस 9:1

फिर येशू भिड और अपने चेलनसे कही, “नेहात्तओ, मए तुमसे कहात हओं, तुम मैसे कुछ आदमी जो हियाँ ठाणे हएं, बे देखंगे, कि बाके मरनसे पहिले परमेश्वरको राज्य एक नयाँ और महान शक्तिके तरिकासे आइगओ हए।”

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

याकूब 5:7

जहेमारे हे मेरे बिश्वासी ददाभइयओ, प्रभु नाए आनतक धिरजमे रहाओ। जैसे, किसानदार पृथ्वीको बहुमूल्य बालीको आसरा करतए प्रथम और अन्तिम बर्षा होन तक धिरज करत हए। ताकी फसल बढए, और कटनीके ताहीं तयार होबए।

1 कोरिन्थी 11:26

काहेकी हर समय जब तुम जा रोटीके खात हओ, और जा कटोरासे अंगुरको रसा पिइत हओ, तओ जब तक प्रभु नाए आए तबतक प्रभुको मृत्युको घोषणा करत रहियओ।

यूहन्ना 21:19

येशू जा बात बतानके ताहीं कही, कि पत्रुस कैसे मरैगो और परमेश्वरकी महिमा करैगो; और इतका कहिके बोसे कही, “मिर चेला बननके ताहीं मिर पिच्छु लागो रहो।”

मत्ती 24:44

जहेमारे तुम फिर तयार रहियओ, काहेकी आदमीको लौंणा तुम नाए सोँचो भओ समयमे आबैगो।”

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

प्रकाश 22:7

“देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

मत्ती 25:31

“जब मए, आदमीको लौंणा फिरसे आमंगो, तओ मए अपन महिमामे आमंगो और सब स्वर्गदूतके अपने सँग लामंगो। तओ मए सब आदमीनको न्याय करनके ताहीं अपन महिमामय सिंहासनमे बैठंगो।

मत्ती 24:27

काहेकी जैसी बिजुली अगारसे चम्कत हए और पछारतक उजियारो होत हए, उइसीयए आदमीको लौंणाको आगमन हुइहए।

मत्ती 24:3

येशू जैतून डँगामे बैठो रहए तओ चेला एकन्तमे बाके ठिन आएके पुछीं, “हमके बता, जा बात कब हुइहए, और तुमर आगमन और जा युगको चिन्हा का हुइहए?”

मत्ती 8:22

तओ येशू बोसे कही, “मिर चेला बननके ताहीं मिर पिच्छु आओ; और जौन आदमी आत्मिक रुपसे मरे भए हएं, बिनके अपने मुर्दाके गाडनके देओ।”

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

यूहन्ना 21:21

बोके देखके पत्रुस येशूसे कही, “हे प्रभु, जाके सँग का हाल होबैगो?”

1 थेसलोनिकी 2:19

हमर आसरा या आनन्द या बढाईको मुकुट कौन आदमी हए? जा सब तुमही हओ, जब तक हमर प्रभु येशू ख्रीष्ट फिरसे लौटके नाए आएजाए।

याकूब 5:8

उइसीयए तुम फिर धिरज करओ और आसरा मत् छोडओ, काहेकी प्रभु जल्दी आएरहो हए।