यूहन्ना 21:15 - राना थारु नयाँ नियम

¹⁵ खानु खाएके येशू सिमोन पत्रुससे पुँछी, “ए सिमोन, यूहन्नाको लौंणा, का तए सचमे जे दुस्रेनसे जद्धा मोके प्रेम करत हए?” बो येशूसे कही, “हाँ प्रभु, तुम त जानतए हओ, कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।”

परमेस्वर को सच्चो वचन

¹⁵ खानु खान के बाद ईसु सिमौन पतरस से कही, “सिमौन, यूहन्ना को लौड़ा, का तैं इन सबसे अगरो प्यार करथै?” सिमौन पतरस बासे कही, “हाँ, प्रभु; तैं तौ जानथै कि मैं तोसे प्यार करथौं,” ईसु बासे कही, “मेरे मेम्नन कै चुगा।”

यूहन्ना 21:15 Referans Kwoze

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

1 पतरस 1:8

तुम येशूके कभु नाएदेखे हओ, तहुँफिर तुम बाके प्रेम करत हओ। तुम बाके हबए नाए देखैगे। पर तुम बामे बिश्वास करत हओ, बहेमारे तुम बहुत खुसी हओ। तुम कित्नो खुसी हओ कहिके बर्णन करनके सब्द नाए हएं।

इफिसियों 6:24

परमेश्वर बे सबके अनुग्रह दिखाबए जो हमर प्रभु येशू ख्रीष्टसे प्रेम करत हएं। बो प्रेम, जो कभी खतम नाए होतहए।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

1 यूहन्ना 5:1

जौनके जा बिश्वास हए, कि येशूए ख्रीष्ट हए, बे सब परमेश्वरके सन्तान हएं। और जो कोइ दौवा परमेश्वरके प्रेम करत हए, बो लौंणाके फिर प्रेम करत हए।

यूहन्ना 16:27

काहेकी दौवा परमेश्वर अपनए तुमके प्रेम करत हए, जहेमारे कि तुम मोसे प्रेम करत हओ और मए दौवा परमेश्वरसे आओ हओं कहिके बिश्वास करत हओ।

1 पतरस 2:25

पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।

हिब्रू 4:13

परमेश्वरके नजरमे कोइ आदमी नाए लुको हए। और बाके हम, अपनो जीबनभर करोभओ कामको लेखा देन पणैगो। बाके अग्गु सब चीज स्‍पष्‍ट और खुल्ला हए।

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

रोमियों 14:1

बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

मत्ती 16:17

येशू बिनसे कही, “योनाको लौंणा सिमोन, तुम धन्य हओ। काहेकी आदमीको शरीर और खुनसे जा प्रकट नाए भओ हए, पर स्वर्गमे होन बारो मिर दौवासे प्रकट भओ हए।

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

यूहन्ना 21:12

येशू बिनसे “खानके आओ!” कहिके बुलाइ। बहेबेरा कोइ फिर चेला “तुम कौन हओ?” कहिके येशूसे पुँछनके हिम्मत नाए करी। बे चिनगए रहएं कि बा प्रभुए हए करके।

यूहन्ना 21:7

जहेमारे जा देखके येशूके प्रेम करन बारो चेला पत्रुससे कही, “जा त प्रभु हए।” जब सिमोन पत्रुस जा सुनी कि “बा प्रभु हए,” तओ बो अपन बाहिरी कुर्ता पैँधलै जो बो काम करत पेती उतारदइ रहए, और समुन्दरके पानीमे कुदपणो।

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

1 कोरिन्थी 8:11

जहे रितिसे तुमर ज्ञानके कारण जौन बिश्वासीको बिश्वास कमजोर हए बो ख्रीष्टमे बिश्वास करन बन्द करदेबैगो, जोके ताहीं ख्रीष्ट येशू अपनो प्राण दइ।

यूहन्ना 8:42

येशू बिनसे कही, “नेहात्तओ तुमर दौवा परमेश्वर हुइतो तओ तुम मोके प्रेम करते, काहेकी मए परमेश्वरके घेनसे आओ हओं; मए अपनो इच्छासे नाए आओ हओं, बल्कि परमेश्वर मोके पठाइ हए।

मर्कूस 14:29

पत्रुस बासे कही, “सब जनै धोखा देहएं, पर मए तुमके धोखा नाए देहओं।”

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

मत्ती 10:37

जौन मोसे जद्धा अपन दौवा या अइयाके अपनए कता प्रेम करैगो, बो मिर चेलाको लायक नैयाँ, और जौन मोसे जद्धा अपन लौंणा या लौंणीयाके प्रेम करैगो, बो फिर मिर चेला बननके लायकको नाए हए।

यूहन्ना 13:37

पत्रुस येशूसे कही, “हे प्रभु, मए हबए तुमर पिच्छु काहे नाए आए पएहओं? तुमर ताहीं मए मरनके फिर तयार हओं।”

यूहन्ना 1:42

अन्द्रियास, सिमोन पत्रुसके येशूके ठिन ल्याइ। येशू बोके देखी और कही, “तुम यूहन्नाको लौंणा सिमोन हओ, देखओ तुम केफास (जौनक अर्थ हए, चट्टान) कहेजाबैगे।”

मत्ती 26:35

पत्रुस येशूसे कही, “मोए तुमर सँग मरन पणेहए, तहुँफिर मए तुमके इन्कार नाए करंगो।” और बाँकी सब चेला अइसीयए कहीं।

मत्ती 26:33

पत्रुस येशूके जबाफ दइके कही, “तुमर कारणसे सब जनै पिच्छु हटजएहएं पर मए कभु पिच्छु नाए हटंगो।”

प्रेरित 20:29

काहेकी मोके पता हए, कि तुमर बीचमे झुठे शिक्षाक आमंगे और बिश्वासीनके बहुत नुक्सान पुगामंगे। बे उनके चिरडारन बारे बनकुत्ताके समान होमंगे जो भेंणाके मरडारत हएं।