यूहन्ना 2:19 - राना थारु नयाँ नियम

¹⁹ येशू बिनके जबाफ दइ, “जा मन्दिरके उजाड देओं? और मए फिर तीन दिनमे जाके दुबारा बनाए देमंगो।”

परमेस्वर को सच्चो वचन

¹⁹ ईसु उनकै जबाब दई, “जौ मंदिर कै उजाड़ देबौ, और मैं जाकै तीन दिन मैं ठड़बाए देंगो।”

यूहन्ना 2:19 Referans Kwoze

मर्कूस 14:58

“जाके अइसे कहात हम सुनेहएं, ‘आदमीको बनाओ भओ जा मन्दिर मए उजाड देमंगो, और तीन दिनमे मए दुस्रो मन्दिर बनाए देमंगो।’”

मर्कूस 15:29

हुवाँसे जान बारे आदमी अपन मुण हलात अइसे कहिके बाके खिसबाइं, “ओहो! देखओ, तए मन्दिर उजाणके तीन दिनमे बनान बारो,

मत्ती 27:40

और कहीं, “ए मन्दिर उजाणन बारो और बोके तीन दिनमे बनान बारो, अपनएके बचा, और परमेश्वरको लौंणा हए तओ, क्रूससे उतरके तरे आएजा।”

मत्ती 12:40

योना तीन रात तीन दिन बहुत बडी मछ्रीके पेट भितर रहो, उइसी मए, आदमीको लौंणा फिर धर्तीके भितर तीन दिन और तीन रात रएहओं।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

यूहन्ना 11:25

येशू मार्थासे कही, “मए बा हओं, जो मरे भए आदमीनके जीबन लौटात हओं। जो कोइ मोएमे बिश्वास करत हए बो मरके फिरसे जिन्दा हुइ जाबैगे।

मर्कूस 8:31

तओ येशू अपन चेलनके सिखान सुरु करी, कि आदमीको लौंणाके बहुत दुख भोगन पणैगो, और यहूदी अगुवनको समुहसे, मुखिया यहूदी पुजारीसे और मोशाको नियम कानुन सिखान बारेसे इन्कार करो जएहए और मारो जएहए, फिर तिसरो दिनमे जिन्दा हुइके उठो जएहए।

कलस्सी 2:12

जब तुमके बप्तिस्मा दओगओ तओ बो जा दिखात हए, कि तुमर पापी स्वभाबके दफ्नाओ गओ हए। अइसीयए जैसे ख्रीष्ट दफ्नाओ गओ रहए। और तुमके एक नयाँ स्वभाबके सँग जिन्दा कराओगओ जैसे ख्रीष्टके जिन्दा बनाओगओ रहए। अइसे जा कारणसे भओ रहए, काहेकी तुम बिश्वास करओ, कि परमेश्वर अपन शक्तिसे ख्रीष्टके मरे मैसे फिरसे जिइबाए दइ।

1 कोरिन्थी 15:12

जहेमारे मए तुमसे जा पुछन चाँहत हओं: काहेकी हम सब तुमर बीच जहे परचार करे, कि जब ख्रीष्ट मारोगओ तओ परमेश्वर ख्रीष्टके फिरसे जिन्दा करदइ। पर तुम मैसे कोइ फिर अइसे नाए कहाबए, कि परमेश्वर बिश्वासीनके, मरे मैसे फिरसे जिन्दा नाए करत हए।

रोमियों 4:24

बल्कि हमर ताहीं फिर लिखोगओ हए, जौन हमर प्रभु येशूके मरे मैसे फिरसे जीबन देन बारो परमेश्वरमे बिश्वास करी हएं। जहे बिश्वासके कारणसे हम फिर परमेश्वरके अग्गु धर्मी घोषित करेजामंगे।

प्रेरित 3:26

परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

यूहन्ना 5:19

जहेमारे येशू बिनसे कही, “मए तुमसे नेहात्तओ कहात हओं, मए लौंणा अपनए कुछु नाए करपात हओं, काहेकी दौवा जो करत हए, लौंणा फिर बहे करत हए।

मत्ती 27:63

“हजुर, हमके याद हए, कि बो ठगहा जिन्दा रहन पेती कही रहए, ‘मिर मरनके तीन दिन पिच्छु मए फिर जिन्दा हुइ जामंगो।’

मत्ती 16:21

येशूके कैसे यरूशलेम सहरमे जानपणैगो, और यहूदी अगुवनको समुह और मुखिया यहूदी पुजारी और मोशाको नियम कानुन सिखान बारेसे बहुत कष्ट भोगन पणैगो, मरन पणैगो और तिसरो दिनमे जिन्दा हुइके उठन पणैगो करके येशू बहे बेरासे अपन चेलनके बातनलागो।

प्रेरित 6:14

काहेकी हम बोके जा कहात सुनेहएं, कि जहे नासरतको येशू जा मन्दिरके भत्काए देबैगो, और बे रिति रिबाजके बदल देबैगो जो मोशा हमके सौँपी रहए।”