यूहन्ना 17:23 - राना थारु नयाँ नियम

²³ मए बिनमे, और तुम मोएमे हओ। जहे रितिसे बे फिर पुरा रुपसे एक होमएं। तुम्ही मोके पठाए, और जैसी तुम मोके प्रेम करे, उइसी बिनके फिर प्रेम करत हओ कहिके संसारके आदमी जान पामएं।”

परमेस्वर को सच्चो वचन

²³ मैं उनमैं और तैं मेरे मैं कि बे मजबूत हुईकै एक हुई जामैं, और जौ दुनिया जानै कि तहीं मोकै भेजो है, और जैसी तैं मोसे प्यार करो बैसिये उन्हऊँ से प्यार करो।

यूहन्ना 17:23 Referans Kwoze

यूहन्ना 17:21

कि बे सब एक होमएं। हे दौवा, जैसे तुम मोएमे हओ, और मए तुममे हओं, उइसीयए बे फिर हममे होमएं, जाकेमारे कि जा संसारके आदमी बिश्वास कर सिकएं, कि तुम्ही मोके पठाए हओ।

यूहन्ना 16:27

काहेकी दौवा परमेश्वर अपनए तुमके प्रेम करत हए, जहेमारे कि तुम मोसे प्रेम करत हओ और मए दौवा परमेश्वरसे आओ हओं कहिके बिश्वास करत हओ।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

यूहन्ना 13:35

अगर तुम एकदुस्रेके अपनए कता प्रेम करैगे तओ हर कोइ जान लेबैगो, कि तुम मेरे चेला हओ।”

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

कलस्सी 3:14

और जे सबसे जरुरी काम जो तुमके करन चाहो बो जा हए, कि एक-दुस्रेसे प्रेम करओ।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 17:24

“हे दौवा, तुम मोके दएभए आदमी मेरी ठिन रहामएं और तुम मोके दओ भओ महिमा बे देख पामएं, जौन महिमा तुम संसारको उत्पत्ति होनसे पहिलीयए मोके प्रेम करके दए।”

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

यूहन्ना 14:23

येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।

यूहन्ना 14:10

का तुम बिश्वास नाए करत हओ, कि मए दौवामे हओं और दौवा मोएमे हए? मए तुमसे जे बात अपनएसे नाए कहो हओं पर दौवा मोएमे रहिके बहे करत हए, जो दौवा चाँहत हए।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

फिलिप्पी 3:15

जहेमारे हम मैसे जितनो बिश्वासमे पक्के हएं, अइसियए करके हम एकए हानी सोचएं, और अगर कोइके बातमे तुमर दुस्रो सोँच हए कहेसे परमेश्वर बोके फिर तुमके प्रकट करदेबैगो।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

यूहन्ना 6:56

मिर शरीर खान बारो और मिर बलिदानको खुन पिन बारो मोएमे रएहए, और मए बोमे रएहओं।

यूहन्ना 3:17

काहेकी परमेश्वर अपन लौंणाके संसारमे जाकेमारे पठाइ, कि संसारके आदमीनके उपर दण्डको आज्ञा देनके नाए, बल्कि संसारके आदमीनके उद्धार दइपाबए।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

कलस्सी 1:28

जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

यूहन्ना 10:38

पर अगर बे काम मिर दौवासे हएं कहेसे, मोके बिश्वास नाए करेसे फिर कमसेकम मिर काम देखके त बिश्वास करओ। तओ तुम जानैगे, कि दौवा मोएमे हए और मए दौवामे हओं।”

यूहन्ना 15:9

“जैसे दौवा मोसे अपनए कता प्रेम करीहए, उइसीयए मए फिर तुमके प्रेम करंगो, और तुम मिर प्रेम सँग एकतामे रहियए रहाबओ।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 17:8

जहेमारे जो सन्देश तुम मोके पुगाए हओ, मए उनके ठिन पुगाएदओ हओं। और आदमी तुमर सन्देशमे बिश्वास करीं और जानीगए हएं, कि मए तुमर घेनसे आओ हओं, और जा बिश्वास करी हएं, कि तुमही मोके पठाए हओ।

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

प्रकाश 3:9

बे आदमी जौन शैतानको एक समुहके सदस्य हएं, बे दाबी करत हएं कि बे यहूदी हएं पर बे सच्चे यहूदी नाए हएं और बे ठगरहे हएं। मए अइसो करंगो, कि बे आएके तेरे चरणमे पणके ढोगंगे। और मए तोके प्रेम करत हओं कहान बारी बात बे पता पामंगे।