यूहन्ना 17:11 - राना थारु नयाँ नियम

¹¹ “अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

परमेस्वर को सच्चो वचन

¹¹ मैं अब जौ दुनिया मैं नाय रहमंगो, पर जे जौ दुनिया मैं रहमंगे, और मैं तेरे झोने आए रौ हौं। हे पवित्र दऊवा! अपने बौ नाओं से जो तैं मोकै दौ है, उनकै देखे रहिये कि बे आपन के हानी एक होमैं।

यूहन्ना 17:11 Referans Kwoze

मत्ती 6:9

तुम अइसे परमेश्वरसे प्राथना करओ: “हे हमर दौवा, जो स्वर्गमे हए; तुमर नाउँ पबित्र होए।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

इफिसियों 4:4

हम सबए बिश्वासी एकए शरीरके अंग कता हएं, और हम सबके एकए पबित्र आत्मा मिलो हए; जैसे तुमके एक आसरा दओगओ रहए, जब तुमके परमेश्वरके आदमी होनके ताहीं बुलाओ गओ।

फिलिप्पी 2:9

जहेमारे दौवा परमेश्वर, येशूके सबसे उँचो पदमे पुगाइ, और बाके बो नाउँ दइ जो सबसे उँचो हए।

यूहन्ना 17:25

“हे सत्य और न्याय करन बारो दौवा, संसारके आदमी मोए नाए चिन्त हए, पर मए तुमके चिन्त हओं और जे चेला फिर जानएं, कि तुम्ही मोके पठाए हओ।

यूहन्ना 13:1

यहूदीनको निस्तार तेवहार सुरु होनसे पहिले येशू जानलै, कि अपना संसार छोडके दौवा परमेश्वरके ठिन लौट जानको समय आनलागो हए। बा संसारमे भए अपन चेलनके सब दिन प्रेम करत रहए। और बा बिनके आखिरी समय तक अपनए कता प्रेम करी।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

यूहन्ना 14:20

जब मए मारके जिन्दा हुइके लौटके आमंगो तओ तुम जान लेबैगे, कि मए मिर दौवामे हओं और तुम मोएमे और मए तुमरमे हओं।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

1 यूहन्ना 5:19

हम जानत हएं, हम परमेश्वरके सन्तान हएं, और सारा संसार बो शैतानके कब्जामे पणो हए।

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

यूहन्ना 13:3

परमेश्वर मोके सब चीजमे अधिकार दइ हए, कहान बारी बात येशूके पता रहए, और परमेश्वरसे आएके फिर परमेश्वर ठिन लौटरहो हओं, कहिके फिर बाके पता रहए।

प्रकाश 4:8

बे चारौ जिन्दा प्राणीनके छय-छय पखना रहएं और बे पखनाके बाहेर और भितर दुनौ घेन आँखीसे भरे रहएं। रातदिन बे अइसे कहातए गात रहात रहएं, “पबित्र, पबित्र, पबित्र परमप्रभु सर्बशक्तिमान परमेश्वर, बा बहे परमेश्वर हए जो समयकी सुरुवातसे लैके अबतक और हमेसाके ताहीं नाए बद्लत हए।”

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

1 कोरिन्थी 1:10

हे बिश्वासी ददाभइया, हमर प्रभु येशू ख्रीष्टको अधिकारसे, मए तुमसे अइसे करनके ताहीं बिन्ती करत हओं, कि तुमरमे फुट नाए होनचाहो।

रोमियों 12:5

उइसीयए, हम फिर जो ख्रीष्टमे बिश्वासी हएं, हम सबए ख्रीष्टके शरीरके अंग हएं, और हम सबए एकदुस्रेसे जुडे भए हएं।

रोमियों 9:17

काहेकी पबित्र-शास्त्रमे परमेश्वर मिश्रदेशको राजासे अइसे कहात हए, “मए तोके जाकेमारे राजा बनाओ हओं, कि तोएमे अपनो शक्ति दिखाए पामओं, और मिर नाउँको परचार जा संसारके सब आदमीनमे होए।”

यूहन्ना 16:28

मए दौवाके ठिनसे संसारमे आओ हओं, और अभए संसारके छोडके फिरसे दौवाके ठिन जानडटो हओं।”

यूहन्ना 7:33

तओ फिर येशू उनसे कही, “मए हबए कुछु समय तक तुमर सँग रहामंगो, और तओ पिच्छु मोके पठान बारोके ठिन लौट जामंगो।

मत्ती 10:16

“देखओ, मए तुमके गुलहाके बीचमे भेंणा कता पठएहओं, जहेमारे तुम साँप कता चलाँक और कबुतर कता निर्दोष होबओ।

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

प्रकाश 19:12

बाकी आँखी आगिको ज्वाला कता उजियारो रहए, और बा बहुत मुकुट लगाए रहए। बामे एक नाउँ लिखो रहए, पर बाके इकल्लो बो नाउँको अर्थ पता रहए।

प्रकाश 15:4

हे परमप्रभु, तुमके सब आदमी आदर करत हएं, और बे सब तुमर नाउँके सम्मान करत हएं, काहेकी तुमही इकल्ले पबित्र परमेश्वर हओ। हर राज्यके सब जाति तुमर ठिन आत हएं और बे तुमर आराधना करत हएं, काहेकी तुमर धार्मिक काम सबके अच्छेसे पता हए।”

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।

1 यूहन्ना 3:12

और आदमको लौंणा कयिनके हानी नाए बनएं, जो शैतानसे रहए, और जौन अपनो भइया हाबिलके हत्या करी। बो अपन भइयाको हत्या काहे करी? जाकेमारे कि बोको काम ठिक नाए रहएं, और बोको भइयाके काम ठिक रहएं।

यूहन्ना 17:6

येशू कही, “मए तुमर नाउँमे बे आदमीनके जा बताओ हओं, कि तुम कौन हओ, जौनके संसारमे मोके दएहओ। बे तुमर रहएं और तुम बिनके मोके दए और बे तुमर शिक्षाके पालन करी हएं।

यूहन्ना 17:23

मए बिनमे, और तुम मोएमे हओ। जहे रितिसे बे फिर पुरा रुपसे एक होमएं। तुम्ही मोके पठाए, और जैसी तुम मोके प्रेम करे, उइसी बिनके फिर प्रेम करत हओ कहिके संसारके आदमी जान पामएं।”