यूहन्ना 16:3 - राना थारु नयाँ नियम

³ और अइसे बे जाकेमारे करंगे, कि बे नए दौवाके जानी हएं नए मोके जानत हएं।

परमेस्वर को सच्चो वचन

³ ऐसो बे इसलै करंगे कि बे ना तौ परम दऊवा कै जानीं हैं और ना तौ मोकै जानथैं।

यूहन्ना 16:3 Referans Kwoze

यूहन्ना 15:21

पर जे सब कुछ, आदमी तुमके मेरे चेला होनेके कारण सतामंगे, काहेकी बे मोके पठान बारो परमेश्वरके नाए चिन्त हएं।

यूहन्ना 17:25

“हे सत्य और न्याय करन बारो दौवा, संसारके आदमी मोए नाए चिन्त हए, पर मए तुमके चिन्त हओं और जे चेला फिर जानएं, कि तुम्ही मोके पठाए हओ।

2 थेसलोनिकी 1:8

और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

यूहन्ना 8:55

पर तुम परमेश्वरके नाए चिन्त हओ। मए बाके अच्छेसे चिन्हत हओं। अगर मए बाके, नाए चिन्त हओं कहितो, तओ मए फिर तुमए हानी ठगिया मानो जैतो। पर मए बाके चिन्त हओं और बाकी शिक्षाके मानत हओं।

यूहन्ना 8:19

फरिसीनको समुह येशूसे कहीं, “तुमर दौवा कहाँ हए?” येशू जबाफ दइके कही, “तुम नए मोके चिन्हत हओ नए त मिर दौवाके चिन्हत हओ। अगर तुम मोके चिन्ते कहेसे मिर दौवाके फिर चिनजैते।”

1 यूहन्ना 4:8

जो एकदुस्रेनसे प्रेम नाए करत हए, बो परमेश्वरके नाए जानत हए, काहेकी परमेश्वर प्रेम हए।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

यूहन्ना 15:23

जौन मोके हेल्हा करत हए, बो मिर दौवाके फिर हेल्हा करत हए।

लूका 10:22

मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

प्रेरित 3:17

“मेरे बिश्वासी ददाभइया, मोके पता हए, कि तुम और तुमर अगुवा येशूके अन्जानमे मारे। काहेकी तुमके पता नाए रहए, कि बा ख्रीष्ट रहए।

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।