यूहन्ना 15:27 - राना थारु नयाँ नियम

²⁷ और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

परमेस्वर को सच्चो वचन

²⁷ और तुम्हऊँ मेरे गभा हौ काहैकि तुम सुरू से मेरे संग रहे हौ।

यूहन्ना 15:27 Referans Kwoze

1 यूहन्ना 4:14

हम लौंणाके देखे हएं और जहेको गवाही देत हएं, कि दौवा परमेश्वर अपनो लौंणाके संसारके आदमीनके ताहीं मुक्तिदाताके रुपमे पठाइ हए।

यूहन्ना 21:24

यूहन्ना बहे चेला हए जौन जे सब देखी, और गवाही दइ हए। और जौन आदमी जे बातके लिखी हए और हम जान्त हएं, कि बोकी गवाही सच्ची हए।

लूका 24:48

तुम जे सब बातके साक्षी हओ।

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

प्रेरित 4:20

काहेकी हम त अपन आँखीसे देखी और कानसे सुनी बात कहे बिना हम चुप नाए बैठंगे।”

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 1:2

यूहन्ना अपन देखो भओ सब चीज लिखी अर्थात् जा परमेश्वरसे आओ भओ सन्देश हए और येशू ख्रीष्टको कहो भओ सब बात हए।

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

प्रेरित 13:31

और बहुत दिनतक येशू गालील परदेश मैसे यरूशलेम सहरमे आन बारे अपन चेलनके ठिन दिखाइ देतए रहो। और अब आदमीनके ठिन जेहीँ इकल्ले साक्षी रहएं। काहेकी जे येशूके देखी रहएं।

प्रेरित 4:33

बे चुनेभए चेला बडो शक्तिसे ‘प्रभु येशू मरके जिन्दा भओ’ कहिके गवाही देतरहे, और बिनके सबके उपर बडो अनुग्रह रहए।

यूहन्ना 19:35

जौन आदमी जा सब देखी, बो गवाही दइ हए, ताकी तुम फिर येशूमे बिश्वास कर पाबओ। और बोकी गवाही सच्चो हए। और बो जान्त हए, कि बो सच्चो बात मस्कत हए।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

मर्कूस 1:1

परमेश्वरको लौंणा, येशू ख्रीष्टके बारेमे अच्छो समाचार जा प्रकारसे सुरु होतहए: