यूहन्ना 15:15 - राना थारु नयाँ नियम

¹⁵ अबसे मए तुमसे कमैया नाए कएहओं, काहेकी बोको मालिक का करत हए कहिके कमैया नाए जानत हए। मए तुमसे सँगी कहात हओं काहेकी मिर दौवासे सुनो बात सब मए तुमर अग्गु परचार करदओ हओं।

परमेस्वर को सच्चो वचन

¹⁵ अब से मैं तुमकै सेवक ना कहेंगो, काहैकि नौकर ना जानथै कि बाको मालिक का करथै; पर मैं तुमसे दोस्त कहो हौं, काहैकि जो बात मैं अपने परम दऊवा से सुनों, बे सब तुमकै बताए दौ हौं।

यूहन्ना 15:15 Referans Kwoze

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

याकूब 2:23

और पबित्र-शास्त्रको जा बचन पुरा भओ, “अब्राहाम परमेश्वरमे बिश्वास करी, और बोके बिश्वासके कारण परमेश्वर बोके एक धर्मी आदमीके रुपमे मानी” और बो परमेश्वरको सँगी कहोगओ।

कलस्सी 1:26

अर्थात् बो रहस्यके, जौन युग-युगसे और बितो भओ पुस्तासे गुप्त रहए, पर अब परमेश्वरके बे पबित्र आदमीनमे प्रकट भओ हए।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।

इफिसियों 3:5

जा गुप्त योजना, बितोगओ पुस्तनके आदमीनके नाए बताओ गओ रहए, पर अब बा पबित्र आत्माके माध्यमसे अपने पबित्र चुनेभए चेला और अगमबक्तनके जा योजनाको खुलासा करी हए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

गलातियों 4:6

काहेकी हम बाके सन्तान हएं, जहेमारे परमेश्वर अपनो लौंणाको आत्माके हमरे हृदयमे पठाइ हए, जो आत्मा परमेश्वरके “हे अब्बा, हे दौवा” कहिके कहात हए।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

यूहन्ना 8:26

तुमर बारेमे मोके बहुत कुछ कहान और तुमर न्याय करनके ताहीं बहुत कुछ कहानके हए, पर मोके पठान बारो सत्य हए। बासे सुनो भओ बात इकल्लो मए संसारके आदमीनके सुनात हओं।”

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

फिलेमोन 1:16

पर फिलेमोन सिरफ तिर दास नाए होबैगो, बल्कि बो एक दाससे जद्धा हए। अब बो तिर प्रिय बिश्वासी भइया हए, मए बोसे बहुत प्रेम करत हओं, पर तोए ओनेसिमसके दुनौ रुपमे बहुत जद्धा प्रेम करनके चाहो, अर्थात् अपनो दासके रुपमे, और ख्रीष्टमे एक भइयाके रुपमे।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

यूहन्ना 13:16

नेहात्तओ मए तुमसे कहात हओं, कमैया अपन मालिकसे बडो नाए होत हए, और खबर लान बारो चुनेभए चेलासे बडो नाए होत हए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

प्रेरित 20:27

काहेकी मए तुमके सब बात बताओ हओं, जो तुम जानओ करके परमेश्वर चाँहत हए।

यूहन्ना 4:19

बो बैयर कही, “हजुर, मोके अइसो लागतहए, कि तुम परमेश्वरके अगमबक्ता हओ।

लूका 10:23

चेला घेन घुमके येशू बिनसे चुप्पएसे कहीं, “धन्य हएं बे आँखी, जौन तुमर देखीभइ, जा बातके देखत हएं।

यूहन्ना 16:12

“मए तुमसे और फिर बहुत बात कहान चाँहत हओं, पर हबए तुम जा बातसे जद्धा नाए बुझ पएहओ।

रोमियों 7:15

मए जो बात करत हओं मए अपनए नाए बुझत हओं, काहेकी मए जो ठिक काम चाँहत हओं बो मए नाए कर्पात हओं पर जोसे मोके घृणा आत हए बहे मए करत हओं।

1 कोरिन्थी 2:16

जा सच्चो हए, काहेकी जैसे पबित्र-शास्त्रमे कहोगओ हए, “कोइ फिर जा नाए जान पाबैगो, कि प्रभुके मनमे का हए। कोइ परमेश्वरके सिखाए नाए पाबैगो।” पर हम बिश्वासी सम्झत हएं, कि ख्रीष्टके मनमे का हए।