यूहन्ना 14:6 - राना थारु नयाँ नियम

⁶ येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

परमेस्वर को सच्चो वचन

⁶ ईसु बासे कही, “रहा और सच और जिंदगी मैं ही हौं; बिना मेरे जरिये कोई दऊवा के झोने नाय पौहौंच सकथै।

यूहन्ना 14:6 Referans Kwoze

प्रेरित 4:12

और येशू बाहेक औ कोइमे मुक्ति नाए हए, काहेकी येशूको नाउँ बाहेक बादर तरे औ कोइ नाउँ नाए दइ हए, जौनके द्वारा हम मुक्ति पान सकएं।”

यूहन्ना 10:9

फाटक महीँ हओं, अगर कोइ आदमी मिर सुध भितर घुसैगो कहेसे परमेश्वर बोके बचाबैगो, और बो भितर-बाहिर आनजान करैगो और खानके ताहीं खानु पाबैगो।”

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

यूहन्ना 1:4

परमेश्वरमे जीबन रहए, और बा बहे हए, जो सब आदमीनके उजियारो देतहए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 1:17

काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

यूहन्ना 8:32

तओ तुम सत्य का हए करके सो जानैगे, और सत्य तुमके छुटकारा देबैगो।”

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

यूहन्ना 5:21

जैसे दौवा मरे भए आदमीनके फिरसे जिन्दा करत हए और उनके जीबन देतहए, उइसीयए मए फिर जौनके चाँहत हओं बहेके जीबन देत हओं।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।

यूहन्ना 15:1

“सच्चो अंगुरको रुखा मही हओं, और मिर दौवा रुखाको रेखदेख करन बारो किसान हए।

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।

यूहन्ना 8:51

नेहात्तओ मए तुमसे कहात हओं, कि अगर कोइ आदमी मिर शिक्षा पालन करैगो कहेसे बो अनन्त कालतक नाए मरैगो।”

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।

यूहन्ना 10:28

और मए बिनके कभी फिर नाश नाए होन बारो जीबन देहओं, और बे कभु नष्ट नाए हुइहएं, और कोइ बिनके मोसे नाए छिन पएहए।

यूहन्ना 18:37

पिलातस येशूसे पुछीं, “का तुम राजा हओ?” येशू जबाफ दइके कही, “तुमही कहात हओ, कि मए राजा हओं। मए जनम लेन और संसारमे आनको कारण जा हए, कि मए सत्यके बारेमे सिखाए पामओं। सत्यके पालन करन बारे सब मेरी बात सुन्तहएं।”

यूहन्ना 6:33

काहेकी परमेश्वरको रोटी बहे हए, जो स्वर्गसे उतरके आत हए, और संसारके जीबन देतहए।”

यूहन्ना 14:19

जल्दीयए संसार मोके फिरसे नाए देखपएहए, पर तुम मोके देखैगे काहेकी मए फिरसे जिन्दा हुइ जामंगो। और जहेमारे तुम फिर जिन्दा रहाबैगे।

यूहन्ना 6:57

जैसी जीवित दौवा परमेश्वर, मोके पठाइ हए और मए दौवा परमेश्वरके कारणसे जिइतहओं। उइसी करके मोके खान बारो फिर मेरी कारणसे जिइबैगो।

1 पतरस 2:4

प्रभु येशूके जिन्दा पत्थरसे तुलना करोगओ हए। बो पत्थर आदमीनके द्वारा फेंकोगओ रहए, काहेकी बे कहीं, कि जा बिना कामको हए। पर परमेश्वरको नजरमे बा एकदम अनमोल हए और परमेश्वर बाके जगको मूल पत्थर होनके चुनी। और तुम सँगी बिश्वासी फिर प्रभु येशू ठिन आओ, ताकी तुम फिर बाके द्वारा बनाए भए जिन्दा पत्थर जैसो बन पाबओ, जौन परमेश्वरके ताहीं आराधना करन बारो मन्दिर बनानके ताहीं प्रयोग करोजात हए। बा तुमके पबित्र पुजारी फिर बनाइ। जैसे पुजारी परमेश्वरके बलि चढात हएं, उइसीयए तुम फिर अपनो हृदयके बलिके रुपमे परमेश्वरके अर्पण करओ। और बो भेँटी परमेश्वरके खुसी बनाबैगो काहेकी तुम येशू ख्रीष्टके हओ।

यूहन्ना 10:7

बहेबेरा येशू फिरसे उनसे कही, “नेहात्तओ, मए तुमसे कहात हओं, कि मए बो फाटक हओं जौन सुध भेंणा खोण भितर घुसत हएं।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

कलस्सी 3:4

जब ख्रीष्ट, जो तुमके नयाँ जीबन देत हए, जब बा जा पृथ्वीमे लौटके आबैगो, तओ तुम फिर बाके सँग दिखाइ देबैगे, और तुम बाके महिमामे सहभागी होबैगे।

1 कोरिन्थी 15:45

पबित्र-शास्त्रमे फिर जा लिखो हए कि, “पहिलो आदमी, अर्थात् आदम, जीवित प्राणी बनो” और आखरी आदमी जोकी ख्रीष्ट हए, बा बहे हए जो अनन्त जीबन देतहए।

1 यूहन्ना 1:8

अगर हम कएहएं, कि हमरमे कुछु फिर पाप नाए हए, तओ हम अपनएके धोखा देत हएं, और हम परमेश्वरमे बिश्वास नाए करत हएं, कि बा सच्चो कहात हए।

यूहन्ना 6:68

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

रोमियों 5:21

जैसेकी सब आदमी पाप करीं और बे सब मरिगए, उइसीयए हमर प्रभु येशू ख्रीष्टद्वारा परमेश्वरको अनुग्रह उनके धर्मी घोषित करैगो और उनके कभी फिर नाश नाए होन बारो जीबन देबैगो।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

प्रकाश 19:11

तओ मए स्वर्ग खुलो देखो और हुवाँ एक सेतो घोडा रहए। बक उपर सवार होन बारो परमेश्वरको बिश्वासयोग्य और सच्चो सेवक कहोजात हए। परमेश्वरके दृष्टिमे सही भए अनुसार बा बाके दुश्मनको इन्साफ और युद्ध करैगो।

कलस्सी 2:9

काहेकी जब ख्रीष्ट आदमी बनो, तओ बा पुरो रुपसे परमेश्वर रहए। तभीमारे तुम जे आदमीनसे अपनएके धोखा मतदेओ,

1 यूहन्ना 5:6

बा येशू ख्रीष्ट हए, जौनके परमेश्वरके द्वारा जा संसारमे पठाओ गओ हए, और पानीसे बप्तिस्मा दओगओ रहए, और पिच्छु जब बा मरो, तओ बाको खुन बहो। बा बप्तिस्मा लेन इकल्लो नाए, पर अपनो खुन बहाएके क्रूसमे मरो। पबित्र आत्मा गवाही देतहए, कि येशू ख्रीष्ट परमेश्वरसे आओ हए, और पबित्र आत्मा सदिमान सच्चो मस्कत हए।

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन:

कलस्सी 2:17

जे सब कानुन, छाहींके समान हएं, पर असली चीज ख्रीष्टके हएं।

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रकाश 22:1

तओपिच्छु स्वर्गदूत मोके एक नदिया दिखाइ जोमे जीबनको पानी रहए। पानी सफा सिसा कता चम्कत रहए। जा पानी परमेश्वर और थुमाको सिंहासनसे बहात रहए।

हिब्रू 9:8

जे रीतिथितिसे पबित्र आत्मा हमके जा बुझात हए, कि जब तक जा धर्तीमे बो तम्भु हए और जाको रीतिथिति जहे धर्तीमे पालन होत हए, तबतक स्वर्गको महापबित्र ठाउँमे परमेश्वर ठिन जानके डगर नाए खुलैगो।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

प्रेरित 9:2

तओ बो “दमस्कस सहरको यहूदी सभाघरके सासकनके मिर परिचए देत पत्र लिखदेबओ,” कहिके अनुरोध करी। “कोइ फिर लोग और बैयर आदमीके, जौनकोइ ख्रीष्टके डगरमे नेँगत हएं, बे सबके ढुण-ढुण सबके पकणके यरूशलेम सहरमे ल्यानके पामओं,” करके बो अधिकार माँगी।