यूहन्ना 14:26 - राना थारु नयाँ नियम

²⁶ पर सल्लाहकार, अर्थात् पबित्र आत्मा, जौनके दौवा मेरे ठिहाके लेनके ताहीं पठाबैगो, पबित्र आत्मा तुमके सब बात सिखाबैगो, और जो कुछ मए तुमसे कहो हओं, पबित्र आत्मा तुमके सब बातको याद करबाबैगो।”

परमेस्वर को सच्चो वचन

²⁶ पर मदत करन बारो यानी कि पवित्र आत्मा जोकी दऊवा मेरे नाओं से भेजैगो, बौ तुमकै सब बात सिखागो, और जो कछु मैं तुमसे कहो हौं, बौ सब चीज तुमकै याद कराबैगो।”

यूहन्ना 14:26 Referans Kwoze

यूहन्ना 15:26

“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।

यूहन्ना 14:16

मए दौवासे प्राथना करंगो, और परमेश्वर तुमर ताहीं एकजनै सल्लाहकार पठाए देबैगो, और बा सदा दिन तुमर सँग रहाबैगो।

1 यूहन्ना 2:27

तुमर ताहीं ख्रीष्टके द्वारा पबित्र आत्मा दओगओ हए, और बा तुमर भितर रहात हए। तुमरमे पबित्र आत्मा रहानतक कोइ फिर तुमके सत्यके बारेमे नाए सिखान पणैगो, काहेकी पबित्र आत्मा तुमके सब बात सिखात हए। बाको सिखाइ बात सच्चो होत हए, पर झुठो नाए होत हए। जहेमारे ख्रीष्टके सँग एकजुट हुइके बने रहाओ, जैसेकी पबित्र आत्मा तुमके करन कही हए।

यूहन्ना 16:7

पर मए तुमसे सच्चो बात कहात हओं, मए हियाँसे जानो तुमर ताहीं फाइदा हुइहए काहेकी मए नाए गओ कहेसे मदत करन बारो सल्लाहकार तुमर ठिन नाए आबैगो। पर अगर मए तुमर ठिनसे गओ कहेसे बाके तुमर ठिन पठामंगो।

1 यूहन्ना 2:20

पर ख्रीष्टके द्वारा तुमके पबित्र आत्मा दओगओ हए, और तुम सब सत्यके जानत हओ।

1 कोरिन्थी 6:19

तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।

प्रेरित 2:33

अब बा स्वर्गमे परमेश्वरको दहिना हात घेन सबसे बडो सम्मानको ठाउँमे बिराजमान हए। और दौवा जैसे बाके बाचा करी रहए, उइसियए बाके पबित्र आत्मा दइ और बो पबित्र आत्मा हमके दइ हए, जैसेकी तुम आजकाल देख रहेहओ और सुनरहे हओ।

इफिसियों 1:17

मए प्राथना करत हओं कि परमेश्वर, हमर प्रभु येशू ख्रीष्टको महिमामय दौवा, तुमके आत्मिक ज्ञान और समझ देबैगो और बोके औ जद्धा रुपसे चिन्हन्मे मदत करैगो, कि परमेश्वरके चिन्हन्को का अर्थ हए।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

यूहन्ना 2:22

फिर जब येशू मरके जिन्दा भओ, तओ येशूकी कहीभइ बात चेलनके याद आइगओ; तओ बे पबित्र-शास्त्रमे, येशू मरके जिन्दा होनोके बारेमे लिखो बचनके और येशूकी कहीभइ बातमे बिश्वास करीं।

प्रेरित 13:2

जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

1 यूहन्ना 5:7

जे तीन चीज गवाही देत हएं, कि येशू परमेश्वरसे आओ हए:

तीतुस 3:5

परमेश्वर हमके हमर पापके दण्डसे बचाइ, और जा हमर अपनो धार्मिक कामके कारण नाए, जो हम करे रहएं, बल्कि बा हमर उपर दया दिखाइ, और बा पबित्र आत्मा दइके हमके बचाए लइ। जौन हमरे पापनके धोइ और हमके एक नयाँ जीबन और ब्यबहार करनके एक नयाँ तरिका दइ।

लूका 24:49

और मए अपनए तुमर उपर पबित्र आत्मा पठामंगो, जौनको प्रतिज्ञा मिर दौवा करी हए। पर तुमके तबतक जहे सहरमे आसरा करनके होबैगो जब तक तुम स्वर्गसे शक्ति नापए हओ।”

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।

हिब्रू 9:8

जे रीतिथितिसे पबित्र आत्मा हमके जा बुझात हए, कि जब तक जा धर्तीमे बो तम्भु हए और जाको रीतिथिति जहे धर्तीमे पालन होत हए, तबतक स्वर्गको महापबित्र ठाउँमे परमेश्वर ठिन जानके डगर नाए खुलैगो।

हिब्रू 3:7

जहेमारे पबित्र आत्मा पबित्र-शास्त्रमे कहात हए, “आज तुमके परमेश्वरको अबाज सुने कहेसे,

2 कोरिन्थी 13:14

प्रभु येशू ख्रीष्टको अनुग्रह, परमेश्वरको प्रेम और पबित्र आत्माको संगती तुमर सबए सँग रहबए।

1 थेसलोनिकी 4:8

जहेमारे जो जे नियमके अनुसार जीइनसे इन्कार करत हए, बो आदमीनके नाए पर परमेश्वरके नियमके इन्कार करत हए, जो अपनो पबित्र आत्मा तुमके देतहए।

1 कोरिन्थी 12:3

जहेमारे मए चाँहत हओं कि तुम सम्झओ, कि जो कोइ परमेश्वरको आत्माके अगुवाइसे मस्कत हए, बो अइसे नाए कहात कि येशू सरापित हए, पबित्र आत्मा इकल्लो एक हए बा जोकोइ आदमीके फिर कहानके ताहीं सक्षम कर सकत हए कि, “येशूए प्रभु हए।”

2 पतरस 1:21

काहेकी कोइ फिर भबिष्यबाणी कभु फिर आदमीसे नाए आओ। पबित्र आत्मा अगमबक्तनको मनके चलाइ, और बे परमेश्वरको सन्देशके आदमीनके बताइं।

लूका 11:13

तुम खराब हुइके अपन लौंणालौंणीयाके अच्छी चीज देन जानत हओ कहेसे, स्वर्गमे होन बारो तुमर दौवासे मागन बारेके कित्तो जद्धा पबित्र आत्मा देबैगो।”

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

लूका 1:41

जब एलीशिबा मरियमको अभिबादन सुनी, तओ बोको गरबको बालका उछलपणो। और एलीशिबा पबित्र आत्मासे भरीगइ।

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

2 तिमोथी 1:14

येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

प्रेरित 11:16

तओ प्रभु जो कही रहए बो बचन मोके याद आइगओ, ‘यूहन्ना त पानीसे बप्तिस्मा दइ रहए, पर तुम पबित्र आत्मामे बप्तिस्मा पाबैगे।’

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

यूहन्ना 20:22

इतका कहिके येशू चेलनके उपर अपनो साँस फुक्के कही, “पबित्र आत्मा लेओ।

यूहन्ना 6:45

पबित्र-शास्त्रमे अगमबक्ता अइसे लिखी हएं, ‘परमेश्वर सब आदमीनके सिखाबैगो।’ अइसियए दौवा परमेश्वरको शिक्षा सुनन बारे और सिखन बारे सब मिर ठिन आमंगे।

मर्कूस 13:11

जब तुम पकणिगए और तुमके अदालतमे लैचलेगए, तओ का कहमंगे और का बोलंगो करके चिन्ता मत् करीयओ। बो समयमे परमेश्वर जो कुछ फिर तुमसे कहाबैगो, बहे बुलियओ। काहेकी तुम बहे शब्द बोलैगे, जो पबित्र आत्मा तुमके देहए।

मत्ती 1:20

तओ योसेफ, अइसो बातको बिचार करत पेती, स्वर्गदूत सपनामे दिखानो और कही, “योसेफ, राजा दाऊदको पिढी, मरियमके अपनी बैयर बनानके मत् डराए, काहेकी जो बोके गरबमे हए, बो पबित्र आत्मा कि शक्तिसे हए।

हिब्रू 10:15

पबित्र आत्मा फिर, जा सत्य हए कहिके हमके गवाही देतहए; काहेकी परमेश्वर पहिले कही रहए,

यूहन्ना 12:16

येशूके चेला जा बात पहिले नाए समझ पाइं, पर जब येशूको महिमा प्रकट भओ, तओ बिनके समझमे आओ, कि जो कुछ फिर येशूके सँग भओ, बो ठिक रहए, जैसो कि पबित्र-शास्त्रमे कहोगओ रहए।

मर्कूस 12:36

काहेकी जब राजा दाऊद पबित्र आत्माकी सामर्थ पाएके कही, प्रभु परमेश्वर मिर प्रभुसे कही, ‘मेरे दहिना हातमे बैठ, जब तक मए तिर दुसमनके हराए नाए देओं।’

प्रकाश 2:11

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए। ‘बे आदमी जो बुराइके हराए देत हएं, उनके बो दण्डमे सामिल नाए करोजाबैगो जोकी दुस्रो मृत्यु हए।’”

इफिसियों 1:13

और तुमरसँग फिर जहे भओ हए। तुम बहे सच्चो सन्देश और मुक्तिको अच्छो समाचारके सुने हओ, जो जाके बारेमे बतात हए, कि परमेश्वर तुमके बचाए सकत हए। जब तुम ख्रीष्टमे बिश्वास करे, तओ परमेश्वर अपनो प्रतिज्ञा करोभओ पबित्र आत्मा तुमके दइ, जा दिखानके ताहीं कि तुम परमेश्वरके हओ।

2 कोरिन्थी 6:6

शुध्दतामे, ज्ञानमे, धैर्यमे, दयामे, पबित्र आत्माको अगुवाईमे, सच्चो प्रेममे,

प्रेरित 20:35

मए सबए बातमे नमुना दओ हओं, तुम फिर अइसियए करके मेहेनत करके कमजोरके मदत करीयओ। प्रभु येशूको बचन याद करीयओ, कैसे करके बा अपनए कही हए, कि लेनसे देनो औ धन्य हए।”

प्रेरित 15:8

और मनके जाँचन बारो परमेश्वर उनके फिर हमरे अग्गु पबित्र आत्मा दइके दिखाइ, कि बा उनके अपने आदमीनके रुपमे स्वीकार करलै हए।

प्रेरित 7:51

ए हठी आदमी तुम, बाको बात माननके और सुनन्से इन्कार करत हओ, तुम रोजए पबित्र आत्माके बिरोध करत हओ। जैसे तुमर पुर्खा करत रहएं।

प्रेरित 1:4

एकचोटी जब बे एकए सँग रहएं, तओ येशू चेलनसे भेँटके उनके आज्ञा दइ, “यरूशलेम सहरसे कहुँ मत् जैयओ, पर बो बरदानके आसरा करियओ जो मिर दौवा तुमके देनके प्रतिज्ञा करी रहए।”

प्रेरित 1:2

येशू परमेश्वरद्वारा स्वर्गमे उठाए लैजानसे पहिले अपने चुनेभए चेलनके पबित्र आत्माकी मदतसे आज्ञा दइ।

यूहन्ना 7:39

जब येशू “जीबन देन बारो पानीको नदिया” कही तओ बा पबित्र आत्माके बारेमे बताइ रहए और हबएतक बाके उपर बिश्वास करन बारे पबित्र आत्मा नाए पाइ रहए। काहेकी अभएतक उनके पबित्र आत्मा नाए दओगओ रहए। और परमेश्वर अभएतक येशूको महिमा नाए दिखाइ रहए।

लूका 3:22

और पबित्र आत्मा कबुतरके रुपमे अपन उपर उतरत देखी। तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

लूका 1:67

और बोको दौवा जकरिया पबित्र आत्मासे शक्ति पाएके अगमबाणी बोलन लागो,

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

लूका 1:15

काहेकी बो प्रभुके अग्गु महान होबैगो; और बो दारु और कुछु फिर नसा लगन बारी चीज नाए पिबैगो, और पहिलीसे अपनी अइयाके गरबसे बो पबित्र आत्मासे भरो होबैगो।

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

प्रेरित 28:25

अपनए-अपनामे बात नामिल्के बे उइसी हुवाँसे जान लागे। तओ पावल बिनसे एक दुसरी बात कही, “पबित्र आत्मा तुमर पुर्खनके कहीभइ बात सच्चो हए, काहेकी अगमबक्ता यशैया द्वारा पबित्र आत्मा अइसे कही,

प्रेरित 16:6

पबित्र आत्मा पावल, सिलास और तिमोथीके एशिया परदेशके इलाकामे परचार करन जानसे रोकके कारणसे, बे फ्रिगिया और गलातिया परदेश हुइके गए।

प्रेरित 15:28

काहेकी पबित्र आत्माके और हमके, जा ठिक लागो, कि जे जरुरी बातसे अलाबा औ जद्धी बोझ तुमके नाए बुकामएं।

प्रेरित 13:4

पबित्र आत्मासे पठाए भए बारनाबास और शाऊल एन्टिओखिया सहरसे नेँगीं। बे एन्टिओखिया सहरसे सिलुकिया सहरमे गए जहाँ पानीजहाज ठाणे होत हएं। हियाँसे बे समुन्दरको यात्रा करके साइप्रस टापूमे सलामिस सहरमे गए।

प्रेरित 7:55

पर बो पबित्र आत्मासे भरके स्वर्ग घेन देखी। और बो परमेश्वरको महिमा देखी और येशूके परमेश्वरको दहिने घेन ठाणो फिर देखी।

प्रेरित 5:3

तओ पत्रुस कही, “ए हननिया, जौन शैतान तेरे मनमे पबित्र आत्मासे झुठ मस्कन बारो बिचार डारी हए और तए जो जमिन बेँचो हए बहे दामको एक भाग अपने ताहीं धरलओ हए।

लूका 2:25

बो समय यरूशलेम सहरमे शिमियोन नाउँ भओ एक आदमी रहए। और बो धर्मी और भक्ता रहए; बो ख्रीष्टको आनको आसरा और इस्राएल देशके आदमीनके तसल्ली देनके डगर देखत रहए, और पबित्र आत्मा बोकेसँग रहए।

मत्ती 1:18

येशू ख्रीष्टको जनम होनसे पहिले जा प्रकारसे भओ: बाकी अइया, मरियमकी मंगनी योसेफके सँग भइ रहए। बिनको बेहा होनसे अग्गु मरियम पबित्र आत्माकी शक्तिसे गरबबती भइ रहए।

यूहन्ना 1:33

और बा ख्रीष्ट रहए कहिके मए बाके नाए चिनो रहओं, पर जौन मोके पानीको बप्तिस्मा देनके पठाइ, बहे मोसे कही, ‘जौन आदमी उपर तुम पबित्र आत्मा आत और बैठत देखैगे, बहे पबित्र आत्माको बप्तिस्मा देन बारो हए।’

यूहन्ना 14:25

“तुमरी सँग रहात पेती मए तुमसे जे बात कहो हओं।