यूहन्ना 13:34 - राना थारु नयाँ नियम

³⁴ “अब मए तुमके एक नयाँ आज्ञा देत हओं: तुम एकदुस्रेके अपनए कता प्रेम करओ। जैसी मए तुमके प्रेम करत हओं, उइसियए तुम फिर एकदुस्रेसे उइसी प्रेम करओ।

परमेस्वर को सच्चो वचन

³⁴ मैं तुमकै एक नई आग्या देथौं कि एक दुसरे से प्यार रखौ; जैसो मैं तुमसे प्यार रखो हौं, बैसिये तुम्हऊँ एक दुसरे से प्यार रखौ।

यूहन्ना 13:34 Referans Kwoze

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

यूहन्ना 15:17

मए तुमके जा आज्ञा देत हओं, कि तुम एकदुस्रेसे प्रेम करओ।”

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

गलातियों 6:2

हम मैसे जो फिर दु:खमे होए, तओ एक-दुस्रेके मदत करन चाहो, और अइसियए हम ख्रीष्टको नियम कानुनके पालन करत हएं।

1 यूहन्ना 3:23

परमेश्वरको आज्ञा जहेहए, कि परमेश्वरको लौंणा येशू ख्रीष्टको नाउँमे बिश्वास करनो और जैसे ख्रीष्ट आज्ञा दइ हए, उइसीयए एक-दुस्रेके प्रेम करनो।

1 यूहन्ना 4:21

और येशू प्रभुसे हमएं, जा आज्ञा मिलो हए, कि जोकोइ परमेश्वरसे प्रेम करत हए, बो अपने सँगी बिश्वासीसे फिर प्रेम करए।

याकूब 2:8

अगर तुम नेहात्तओ “अपनो परोसीसे अपनए कता प्रेम करियओ,” करके लिखो भओ पबित्र-शास्त्रको सबसे महत्वपूर्ण नियम कानुनके पालन करत हओ कहेसे तुम ठिक काम करत हओ।

1 थेसलोनिकी 3:12

और हम प्राथना करत हएं, कि प्रभु येशू एकदुस्रेसे प्रेम करनमे तुमके मदत करए, जैसे हम तुमके प्रेम करत हएं उइसी प्रभुमे तुम एकदुस्रे सँग, और सब आदमीनके सँग प्रेम बढए। और प्रभु तुमर प्रेमके बढाबए, उत्नो बढाए देबए, कि जैसी हमर प्रेम तुमरमे हए।

रोमियों 12:10

एकए परिवारके सदस्यके रुपमे एकदुस्रेसे प्रेम करओ; अपनेसे जद्धा औरेनके आदर करओ।

2 यूहन्ना 1:5

अब हे बैयर आदमीउ, मए तुमसे बिन्ती करत हओं, कि हमके एकदुस्रेसे प्रेम करन चाहो। जा कोइ नयाँ आज्ञा नाएहए, बल्कि बहे आज्ञा हए, जौनके हम बहे समयसे जानत हएं जब हम ख्रीष्टके अनुसार जीबन जीइनके सुरु करे।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

1 यूहन्ना 3:11

एकदुस्रेसे प्रेम करन पणत हए कहान बारी बात तुम पहिलीयएसे सुने हओ।

हिब्रू 13:1

हम ददाभइया और दिदी-बहिनीया कता एकदुस्रेन्के प्रेम करतए रहामएं।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

2 पतरस 1:7

तुम सिरफ परमेश्वरके खुसी बनान किसिमसे जीबन मत् बिताओ, बल्कि अपनुवए परिवारको सदस्य कता तुमके एकदुस्रेनके प्रेम करन पणो। तुमके सिरफ अपनी परिवारको सदस्य कता तुम एकदुस्रेनसे प्रेम करनके नाए, बल्कि तुम्के सबए आदमीनसे प्रेम करन पणो।

कलस्सी 1:4

काहेकी हम सुनेहएं, कि ख्रीष्ट येशूके उपर तुमर बिश्वास हए, और सब पबित्र आदमीसे प्रेम करत हओ।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

यूहन्ना 17:21

कि बे सब एक होमएं। हे दौवा, जैसे तुम मोएमे हओ, और मए तुममे हओं, उइसीयए बे फिर हममे होमएं, जाकेमारे कि जा संसारके आदमी बिश्वास कर सिकएं, कि तुम्ही मोके पठाए हओ।

मत्ती 5:44

पर मए तुमसे कहात हओं, अपन दुस्मनके अपनए कता प्रेम करओ, और तुमके सतान बारेके ताहीं परमेश्वरसे प्राथना करओ,

रोमियों 13:8

तुमए सबके सिर्फ एक बातको कर्जीदार होनचाहो और बो जा हए, कि तुम सब एकदुस्रेसे प्रेम करओ, काहेकी दुस्रेनके प्रेम करन बारो इकल्लो मोशाको नियम कानुन पुरा करे होतहए।

रोमियों 13:10

प्रेम दुस्रेको खराबी नाए करत हए, जहेमारे अगर हम प्रेम करत हएं तओ हम मोशाको नियम कानुन पुरा करत होत हएं।