यूहन्ना 13:31 - राना थारु नयाँ नियम

³¹ जब यहूदा इस्करियोत बाहिर गओ तओ येशू अपनो बारेमे अइसे कही, “अब मए, आदमीको लौंणा महिमामे प्रकट होमंगो, और परमेश्वरकी महिमा मोएमे होबैगो।

परमेस्वर को सच्चो वचन

³¹ जब यहूदा बाहर चले गौ तौ ईसु कही, “अब इंसान के लौड़ा की महिमा भइ है, और बाके जरिये परमेस्वर की महिमा भइ है।

यूहन्ना 13:31 Referans Kwoze

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।

यूहन्ना 14:13

तुम मेरे नाउँमे जो माँगैगे, बहे मए देमंगो काहेकी लौंणाके द्वारा दौवाकी महिमा होए।

यूहन्ना 7:39

जब येशू “जीबन देन बारो पानीको नदिया” कही तओ बा पबित्र आत्माके बारेमे बताइ रहए और हबएतक बाके उपर बिश्वास करन बारे पबित्र आत्मा नाए पाइ रहए। काहेकी अभएतक उनके पबित्र आत्मा नाए दओगओ रहए। और परमेश्वर अभएतक येशूको महिमा नाए दिखाइ रहए।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

प्रेरित 3:13

अब्राहाम, इसहाक और याकूबको परमेश्वर, हमर पुर्खाको परमेश्वरए अपनो सेवक येशूके आदर करी, पर तुम बाके मारनके ताहीं यहूदी अगुवनको हातमे सौँपदए, और जब पिलातस बाके छोडनके बिचार करी, तओ तुम बोके अग्गु अस्वीकार करे।

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

यूहन्ना 16:14

बा मिर महिमा करैगो, काहेकी बाके मिर घेनसे जो मिलो हए, बो तुमके बहे बताबैगो।

यूहन्ना 12:23

जा बातमे येशू बिनके जबाफ दइ, “बो समय आइगओ हए, कि आदमीको लौंणाको महिमा, प्रकट होए।

यूहन्ना 11:4

जा खबर सुनके येशू कही, “लाजरस बिमार हए, पर अन्तमे बो नाए मरैगो। बो त परमेश्वरको महिमा करनके ताहीं बिमार भओ हए और जहे द्वारा आदमी परमेश्वरको लौंणाके फिर महिमा करंगे।”

फिलिप्पी 2:11

और दौवा परमेश्वरको महिमाके ताहीं सब आदमी खुल्लम-खुल्ला घोषणा करंगे, कि येशू ख्रीष्टए प्रभु हए।

इफिसियों 2:7

परमेश्वर अइसो जाकेमारे करी ताकी आन बारो दिनन्मे बा संसारके आदमीनके दिखाए पाबए कि बाको अनुग्रह कित्नो महान हए। जो कुछ बा हमर ताहीं करीहए हमके जा अनुग्रह दिखाओगओ हए जो येशू ख्रीष्टके सँग एकतामे हएं।

इफिसियों 1:12

हम यहूदी, पहिले आदमी हएं, जौन ख्रीष्टमे आसरा करे, और हम जहेमारे चुनेगए रहएं ताकी हम परमेश्वरकी महिमाके स्तुति दइ पामएं।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

यूहन्ना 12:28

हे दौवा परमेश्वर, प्रकट करओ, कि तुम कित्नो महान हओ।” तओ स्वर्गसे अइसो एक अबाज आओ, “मए प्रकट करो हओं, कि मए कित्नो महिमामय हओं, और मए जाके फिरसे प्रकट करंगो।”

लूका 12:50

मिर अग्गु भयानक पिणाको बप्तिस्मा हए, जो मोके लेनके हए। बो चीज पुरा नाए होनतक मए बहुत व्याकुल हओं।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।